Aposol 14:21 - U Bulunagana U Niga

²¹ I murina ti hatei hakapa naien u Bulungana u Niga tara taun i Debi ti lu has raien u katunun tsitsilo u para tere Iesu. Ba nori e la sila pouts uaier tara man taun i Listra na i Aikoniam, na i Antiok te kana tara provins i Pisidia.

Aposol 14:21 Iomraidhean Croise

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

Aposol 13:14

Kaba nori i la noa mena butu ria tara taun i Antiok tara provins i Pisidia. Ba turu lanin lotu ba nori ena tasu ria tara luman lotu turu Jiu, mena gumur.

Aposol 13:51

I markato uu teka, ba e Pol mere Banabas e taholo ba ner u köahu i mouren, temar haröto menari te raharaha mera nei e Sunahan u katunura tara han teka. Ba nori e lar i Aikoniam.

Aposol 14:1

A markato teka e takato has ia tara taun i Aikoniam, e Pol mere Banabas i tasu ia tara luman lotu turu Jiu me hatei ner u ranga. Nori i hatein u raranga u niga ba u katuun u parpara turu Jiu na turu Grik e hamanar.

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

Aposol 14:19

Kaba a palair u Jiu turu taun i Antiok na i Aikoniam i lama, memi kato homier u hakats turu katuun. Ba nori e ti homi korueri e Pol u hatu, ba nori e las halakasa ba narien a taun. Nori i pei nonei e mate hakapa, ba nori e laba naren.

Aposol 14:26

Ba nori e osa ria tara tolaala me lauaier i Antiok na i Siria, a taun ti tanie men a toukui ti kato hakape men.

Aposol 14:6

Ere Pol mere Banabas i hengo sabeni a ka teka, ba nori e bus uaier tara provins i Likonia, na tara taun i Listra na i Debi, na tara man han te sukusukuia tara makum ti kaien, ti hatei la naien u Bulungana u Niga.

Aposol 14:8

Tara taun i Listra a töa katuun a mou omi e gum. I posa noahas mei a mar niomi teka na nonei ema mala tataala ii.

Aposol 15:36

U lahisa u lan e la hakapa, be Pol e ranga mena e Banabas me poeiena, “Aragi la pouts batena tara raiera u kristen tara mamana taun ti hatei mam ramei ra u raranga tara Tsunono. Ba ra tena tarera ime te marka uaren.”

Aposol 16:2

U kristenira i Listra na i Aikoniam i hamana korui a markato tere Timoti me poeier, “Nonei a katuun a niga.”

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

2 Timoti 3:11

Na te omi menari lia u katuun na ti söata mena mei lia u nikamits u parpara tara man taun i Antiok na i Aikoniam na i Listra. Alia u söati a man nikamits teka ba Tsunono e luba nanei lia a man niomi teka.