Aposol 14:19 - U Bulunagana U Niga

¹⁹ Kaba a palair u Jiu turu taun i Antiok na i Aikoniam i lama, memi kato homier u hakats turu katuun. Ba nori e ti homi korueri e Pol u hatu, ba nori e las halakasa ba narien a taun. Nori i pei nonei e mate hakapa, ba nori e laba naren.

Aposol 14:19 Iomraidhean Croise

Aposol 13:14

Kaba nori i la noa mena butu ria tara taun i Antiok tara provins i Pisidia. Ba turu lanin lotu ba nori ena tasu ria tara luman lotu turu Jiu, mena gumur.

Aposol 13:45

Kaba palair u Jiu i tara u katuun u parpara ti gono, ba toriren e hiomi koruna. Nori i torohanan pita putei u raranga tere Pol bate ranga homi naren.

Aposol 14:1

A markato teka e takato has ia tara taun i Aikoniam, e Pol mere Banabas i tasu ia tara luman lotu turu Jiu me hatei ner u ranga. Nori i hatein u raranga u niga ba u katuun u parpara turu Jiu na turu Grik e hamanar.

Aposol 14:18

U aposol i mastein mar ranga has uu teka kaba nori u katuun i hasoso sil noahasi tegina kato menaien u haats i taren.

Aposol 14:2

Kaba palair u Jiu i ma hamana ii, ba nori e hatakeier a hiaraharaha turu katuun tema Jiu ri, ba nori e tori hasoala raren

Aposol 14:21

I murina ti hatei hakapa naien u Bulungana u Niga tara taun i Debi ti lu has raien u katunun tsitsilo u para tere Iesu. Ba nori e la sila pouts uaier tara man taun i Listra na i Aikoniam, na i Antiok te kana tara provins i Pisidia.

Aposol 14:26

Ba nori e osa ria tara tolaala me lauaier i Antiok na i Siria, a taun ti tanie men a toukui ti kato hakape men.

Aposol 14:4

Kaba u katuun tara taun teka i lu kataia i hagus. A palai i hanigei u ranga turu Jiu, na palai i hanigei u raranga turu aposol.

Aposol 14:5

Kaba u Jiu na u katuun tema Jiu ri na man tsunono i taren i katsin kato homir ere Pol mere Banabas na i katsin titi hatu has raien.

Aposol 15:26

E Judas ne Sailas i roron solosei e Iesu Kristo a Tsunono i tarara, na ima matoute ii ti katsin puli meraien u katuun.

Aposol 17:13

Kaba pöata ti hengoeia u Jiu ra i Tesalonaika e Pol e habulunganein u raranga tere Sunahan i Beria has, ba nori e la uarima i Beria memi hatakei haser a raharaha turu katuun teka.

Aposol 22:20

Na tara pöata ti atung hamateien e Stiven, a tson te hahatein u raranga i tamölö, alia u ka has ia i rehiren. Alia u hanigein tegi kato hamate menaien, balia e tara kap negu a man hasobö turu katuun ti atung hamateien.’

Aposol 7:58

Ba nori e las ba na rien a taun mena titi hate ren. U katuun ti saka mam meien u ranga i his ban a man hasobö a man ngahangaha i taren me hakei rien i rehina a töa katuun a hitots a solonen e Sol.

Aposol 9:16

Alia peisa te haröte goien romana a kamits pan tena lue nouen. U katuun te rama nariou lia e kato hakamitse rouen romana.”

1 Korin 15:31

Alia e mate nitöagu turu mamana u lan a matsi hatoulana. U mana koru alia e sasaala korugu ba lia te rangan hangisei mera gou limiou, u hangisei te kato hasegia lia tere Iesu Kristo a Tsunono i tarara.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

2 Korin 11:25

Topisa a pöata u katuun i singate ii lia a pata. Na töa pöata alia i titi hateiou. A topisa a pöata alia u ka ia tara tolaala te omi ia i tasi. Na tara töa pöata alia uolo ia i tasi tara töa lan na töa bong.

2 Korin 11:26

Tara man tou lala i tar, a ka a para e torohanan kato homi naiou lia: a man ramun te saputu piou, u kopkop, na u Jiu, na u katuun tema Jiu ri. A man nomi e butu has ia i tar tu kaia lia tara man taun na tara makum a palaka na i tasi has. Na u hatoulana na u hahahinana gamogamo i tar i torohanan kato homi haseiou lia.

1 Tesalonaika 2:14

A ka te butuia i tamilimiou e butu hasia turu Jiu te hamana uaier tere Kristo. U Jiu i kato homir u katuun i Judia te hamana uar tere Iesu Kristo, na u katuun pouts has i tamilimiou e kato has uar iesana i tamilimiou.

2 Timoti 3:11

Na te omi menari lia u katuun na ti söata mena mei lia u nikamits u parpara tara man taun i Antiok na i Aikoniam na i Listra. Alia u söati a man nikamits teka ba Tsunono e luba nanei lia a man niomi teka.