Aposol 14:15 - U Bulunagana U Niga

¹⁵ “A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

Aposol 14:15 Iomraidhean Croise

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

U Bulungana u Niga tere Iesu Kristo te kolotein e Jon 5:26

E Tamar, a mouna a nitöatöa, na nonei e hala hasei a Pien i tanen a nitagala tega mounaia a nitöatöa i tanen.

U Bulungana u Niga tere Iesu Kristo te kolotein e Jon 7:18

A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei.

Aposol 10:26

Kaba e Pita e hatakeien me poeiena, “Takei, alia a katuun tuun has.”

Aposol 13:32

“Na lam e hatei has rami limiou u Bulungana u Niga teka. A ka te hateirai e Sunahan u tuburara i manasa tega katoeien, nonei e kato hakapa beraien ra u hatutubunei i taren, te hatakei menaien e Iesu. U Buku u Göagono e mar ranga has uu teka turu hahuoluna u Sam, te poeia e Sunahan, ‘Alö a pien i tar. I romana alö e hatamana mia i tar.’

Aposol 14:21

I murina ti hatei hakapa naien u Bulungana u Niga tara taun i Debi ti lu has raien u katunun tsitsilo u para tere Iesu. Ba nori e la sila pouts uaier tara man taun i Listra na i Aikoniam, na i Antiok te kana tara provins i Pisidia.

Aposol 16:30

Ba nonei e las mera neien i biou me poeiena, “A matsi tsunono, aha tego kati lia balia te luegou a nihitaguhu tere Sunahan?”

Aposol 27:21

U katuun ima nou ii a pöata a lehana, be Pol e tuolna i gusuren me poeiena, “A matsi katuun, alimiou go mala hengoe moulia ba tema seil uamumei i Krit, ba ka a omi teka tema tatei butu neia i tarara.

Aposol 27:25

Na matsi katuun, alimiou go tagalaiam, taraha alia e hamanegu e Sunahan, a ka e mar butu uanou romana temar ranga ualala a angelo.

Aposol 4:24

Pöata ti hengoien, ba nori e gono hobotor me singo uaier tere Sunahan me poeier, “O Tsunono, alö tu kato u kolö na u puta na u tasi na mamanaka te ka ria i taren.

Aposol 7:26

“Ba turu hamahö be Mosis ena tara rena a huol a toun Israel bate hiatatungur. Ba nonei e torohanan hamatskö ranen me poeiena, ‘Hengoiam! Alimiou a töa hun katuun. Aha te hiatatung sile milimiou?’

1 Korin 8:4

Bora, tegi nou menaira a kannou te haats nari u kesa, ara e atei silera e möa tu kesa tega mana kaba e Sunahan puku a töa.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

Jemis 5:17

E Ilaitsa a töa propetina i manasa nonei a katuun tuun te kato has uara ra i romana. Na nonei e singo hatagala uu tere Sunahan tegoma hapolo menaien a langits. Ba langits ema polo nei e antunaia turu topisa hiningal na tönomo a tsihou!

Revelesin 14:7

Ba nonei e ranga hapanina me poeiena, “Alimiou go matoute iam e Sunahan bate soloseie men. A pöata e butu hakapa tego ona meraien u katuun. Alimiou go hatsunone men, nonei te habutu u kolö na u puta na u tasi na man ramun te bututuna!”

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 19:19

Ba lia e taregu nonei a ka a omi te töatöa na u tsunonora i puta na u ami i taren bate gono hoboto siler tegi hiatatung gono menaien a katuun te osaia tara hos na u ami i tanen.

Revelesin 22:9

Ba nonei e poeiena i tar, “Alö goma markato uai teka! Alia has a katunun kui tere Iesu, alia na lö na man hahatoulana i tamölö u propet, na pala hoboto te hengoeier u raranga turu buku teka. Ara hoboto u katunun kui tere Iesu. Alö go hatsunoni e Sunahan!”