Aposol 14:1 - U Bulunagana U Niga

¹ A markato teka e takato has ia tara taun i Aikoniam, e Pol mere Banabas i tasu ia tara luman lotu turu Jiu me hatei ner u ranga. Nori i hatein u raranga u niga ba u katuun u parpara turu Jiu na turu Grik e hamanar.

Aposol 14:1 Iomraidhean Croise

U Bulungana u Niga tere Iesu Kristo te kolotein e Mak 7:26

A taholuna i Grik, i poseia i Pinisia tara provins i Siria. Ba nonei e ranga hataatagina tere Iesu tego tsuga ba menaien a liliahanei tara pien tahol i tanen.

U Bulungana u Niga tere Iesu Kristo te kolotein e Jon 12:20

E ka has mei a palair u katunura i Grik i gusura u katuun ti la uu tara kannouna turu Paska tina hatsunono menaien e Sunahan.

U Bulungana u Niga tere Iesu Kristo te kolotein e Jon 7:35

Ba pal kapan turu Jiu e hiarangrangatar me poeier, “Ime te katsin la uana a katuun teka bara tema tatei sabie roien? Nonei e katsin la toum uana turu Jiu te ka kalakala ria turu han i lehana batena hatuts ranoien na u katuun has tema Jiu ri.

Aposol 11:21

A nitagala tara Tsunono e kaia i taren, ba katuun a parpara e hamanar be habirits uaier tara Tsunono.

Aposol 13:43

U katuun i tarura tala, na u Jiu u parpara na u katuun halhal ti tahongo poutsia turu lotu turu Jiu, nori i kukuteir ere Pol mere Banabas. Ba nori a huol a katuun e hala ner u raranga u niga i taren ba nori e ranga hatagala mera ren tegi ka hatagala uaien tara nihitaguhu tere Sunahan.

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Aposol 13:5

Ba nori ena tuku ria tara taun i Salamis me habulungana laner u raranga tere Sunahan turu luman lotu turu Jiu. Nori i ka gono has mei e Jon Mak te taguhu raien.

Aposol 13:51

I markato uu teka, ba e Pol mere Banabas e taholo ba ner u köahu i mouren, temar haröto menari te raharaha mera nei e Sunahan u katunura tara han teka. Ba nori e lar i Aikoniam.

Aposol 14:19

Kaba a palair u Jiu turu taun i Antiok na i Aikoniam i lama, memi kato homier u hakats turu katuun. Ba nori e ti homi korueri e Pol u hatu, ba nori e las halakasa ba narien a taun. Nori i pei nonei e mate hakapa, ba nori e laba naren.

Aposol 14:2

Kaba palair u Jiu i ma hamana ii, ba nori e hatakeier a hiaraharaha turu katuun tema Jiu ri, ba nori e tori hasoala raren

Aposol 14:21

I murina ti hatei hakapa naien u Bulungana u Niga tara taun i Debi ti lu has raien u katunun tsitsilo u para tere Iesu. Ba nori e la sila pouts uaier tara man taun i Listra na i Aikoniam, na i Antiok te kana tara provins i Pisidia.

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

Aposol 16:2

U kristenira i Listra na i Aikoniam i hamana korui a markato tere Timoti me poeier, “Nonei a katuun a niga.”

Aposol 17:12

A para koru a katuun e hamanaia tere Iesu. Na u katunura has i Gris u para i hamana has, a touhaliou pan na pal tson has.

Aposol 17:17

Be Pol e hia e ele gono merena u Jiu na u katuun tema Jiu ri ti hatsunoni e Sunahan tara luman lotu. Na turu mamana u lan nonei e hiararanga gono has mer u katuun ti kaia tara töana.

Aposol 17:4

A palair u katuun i hamana me ka hoboto gono meraier ere Pol mere Sailas. U katunura i Gris u para ti hatsunoni e Sunahan i kato has uu iesana, na touhaliou ti panpanir a touhaliou i kukute has rema ere Pol mere Sailas.

Aposol 18:4

Turu mamanu Lan u Göagono turu Jiu e Pol e la uu turu luman lotu i taren bate ranga gono mera nen. Nonei e ngilin habuti u nihamana u niga turu Jiu na turu katunura i Grik has.

Aposol 18:8

Na tsunono tara luman lotu a solonen e Krispas. Nonei na u katuun hoboto ti kaia i luma i tanen i hamana ia tara Tsunono. Na para a katununa i Korin i hengo ia turu ranga tere Pol, ba nori e hamanar me habaptaisir.

Aposol 19:10

U raranga teka e la me antunena u huol u hiningal. U katuun hoboto u Jiu na u katunura i Grik ti kaia tara provins i Eisia i hengo hoboti u raranga tara Tsunono.

Aposol 19:17

Ba u Jiu na u Grik hoboto ti kaia i Epesis e hengo ner a ka teka, ba nimatout a kapan e butuna turu katuun hoboto, ba nori e soloseier e Iesu a Tsunono.

Aposol 19:8

Be Pol e tasu uana iahana luman lotu turu Jiu, ba tara topisa a tsihou, nonei e rangan töa lasiin u Bulungana u Niga. Nonei e ranga hatagala meraien me torohanan hatakeiena u hakhakats u niga i taren tara Nipepeito tere Sunahan.

Aposol 2:47

Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 21:28

Ba nori e ku hapanir me poeier, “U katunura i Israel, mi taguhu ramou lam! Nonei lasi a tson teka te hatuts rena u katuun tara man han hoboto tegi tori tsuga ba menai u katunura i Israel a Lo tere Mosis na Luman Lotu Pan teka. Na tana ka lel has, nonei e piou hasir u katuun tema Jiu ri iahana Luman Lotu Pan ba nonei e kato habahi hakapena a makum a Göagono teka!”

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

U pas te koloto menai e Pol turu kristenira i Rom 1:16

Alia e haröto koru megu u Bulungana u Niga. E Sunahan e haleien a nitagala tego lu pouts merien u katuun hoboto te hamane ren, e la mam uana turu Jiu, bate töan la uana turu katuun tema Jiu ri.

U pas te koloto menai e Pol turu kristenira i Rom 10:12

Na ka teka e lauana turu katuun hoboto, u Jiu na u katuun tema Jiu ri. E Sunahan ema lu kaakata ranei u katuun. E möa. Nonei a Tsunono tara mamana mar katuun, na nonei e tangana nena a manka man niga i tanen turu katuun hoboto te singo uaier i tanen.

Galesia 2:3

Alia u ka gonomei a hahikapien i tar e Taitus a toun Grik, kaba pal kapan teka ima ranga sile ii tegi hapö menaien.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Kolosi 3:11

Na tara markato a tsimus teka, e möa lel ta toun Jiu na e möa lel ta katuun tega hapö. Na e Sunahan ema hakats has ranei eresi u katuun halhal na eresi u katunur i gusuna latu na u katuun te hakhakui puku raier na u katuun te tuol peisa naier a peisaren. E möa. I romana e Kristo te panina na nonei e kana iahar u katuun hoboto i tanen.

2 Timoti 3:11

Na te omi menari lia u katuun na ti söata mena mei lia u nikamits u parpara tara man taun i Antiok na i Aikoniam na i Listra. Alia u söati a man nikamits teka ba Tsunono e luba nanei lia a man niomi teka.