Aposol 13:43 - U Bulunagana U Niga

⁴³ U katuun i tarura tala, na u Jiu u parpara na u katuun halhal ti tahongo poutsia turu lotu turu Jiu, nori i kukuteir ere Pol mere Banabas. Ba nori a huol a katuun e hala ner u raranga u niga i taren ba nori e ranga hatagala mera ren tegi ka hatagala uaien tara nihitaguhu tere Sunahan.

Aposol 13:43 Iomraidhean Croise

Matiu 23:15

“Alimiou u tson ateira tara lo na u Parasi, alimiou u gamogamo! Alimiou e roron la koru uamiou turu tsiktsikina i lehana na i tasi, tego kato menami ta töa ta katuun, a katunun tsitsilo i tamilimiou. Kaba pöata te lu sabe tsipone mia limiou a töa, ba limiou te kato tsipone mien a katuun a omi koru tena hahune ria romana i hel. Na limiou e katoe men ba nonei te omi bala koru len ranou limiou.

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 13:50

Kaba palair u Jiu i hatakei a raharaha tara touhaliouna turu lotu ti ka mei a solo pan, na turu tsunono has tara taun teka, ba nori e tanian kato homi rer ere Pol mere Banabas. Ba nori e tsuga ba rarien tara han i taren.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Aposol 14:3

Kaba e Pol mere Banabas i kei a pöata a ngahangaha i Aikoniam, na nori i tagala mei ti hatei menaien u raranga tara Tsunono. Ba Tsunono e hatagala ranen ba nori e katoeier u mamana u mirakol. Tara ka teka, a Tsunono e haröto raien u rangan hitaguhu i tanen e mana koru.

Aposol 16:14

A töa tahol a solonen e Lidia e kaia i gusura a touhaliou ti hengoia i tamulam. Nonei a taholuna tara taun i Taiataira na nonei e roron haholin u labalaba a hihol i tanen te la sei. Nonei e roron hatsunoni e Sunahan, ba Tsunono e kalatena a torinen ba nonei e hanige iena u raranga tere Pol.

Aposol 17:17

Be Pol e hia e ele gono merena u Jiu na u katuun tema Jiu ri ti hatsunoni e Sunahan tara luman lotu. Na turu mamana u lan nonei e hiararanga gono has mer u katuun ti kaia tara töana.

Aposol 17:34

Kaba a palair u katuun ti ka gono meien i hamana me ka gono mer e Iesu. E Daionisias, te kaia turu hagum i Ariopagas, e kaia i gusuna a tsi hun katuun teka, na töa tahol has a solonen e Damaris, na palai has ti ka gono meraien.

Aposol 17:4

A palair u katuun i hamana me ka hoboto gono meraier ere Pol mere Sailas. U katunura i Gris u para ti hatsunoni e Sunahan i kato has uu iesana, na touhaliou ti panpanir a touhaliou i kukute has rema ere Pol mere Sailas.

Aposol 18:7

Be Pol e laba nena a luman lotu teka, me la uana tara luma tara töa katuun, a solonen e Tisias Jastas, a katuun te hatsunono hasi e Sunahan. A luma i tanen e kaia i rehina luman lotu turu Jiu.

Aposol 2:10

Na i Pritsia na i Pampilia na i Itsip na tara man makum i Libia te sukusuku uana i Sairini. Na palair u katunura i Rom, u Jiu hamana na pala halhal ti lu hasi u lotu turu Jiu, na palair u katunura i Krit na i Arebia. Ara hoboto e hengo raren ba nori te ranga ria turu mar ranga i tarara bate hatei ner a man toukui pan te katoe e Sunahan!”

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 6:5

U katuun hoboto i haniga korui u raranga ti katoi u aposol. Ba nori e hopö kap naier e Stiven, a tson te ka mei u nihamana u kapan na te saputu mei u Namnamei u Göagono. Ba nori e hopö kap has naier e Pilip ne Prokoras ne Naikena ne Timon ne Pamenas na e Nikolas. E Nikolas a katununa i Antiok te la uama tara pala turu Jiu.

U pas te koloto menai e Pol turu kristenira i Rom 11:6

Nonei ema hopö kap meraien ti kato haniga uaien. E möa. Nonei e hopö kap raien, taraha nonei e roron taatagi rena u katuun. Te kui beria u katuun e Sunahan be Sunahan te taatagi ranen, a ka teka ema ngöeri a nitaatagi. E möa.

U pas te koloto menai e Pol turu kristenira i Rom 3:24

Na e Sunahan e kato hamatskö has rena u katuun, taraha nonei e taatagi ranen. Na e Iesu e sakahis hakapa pouts raien kaba ema holeri.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

U pas te koloto menai e Pol turu kristenira i Rom 5:21

I manasa a markato a omi e haka puta raia u katuun tara tou mate. Kaba a nihitaguhu tere Sunahan e antunan kato hamatskö rena u katuun bate hala raneien a nitöatöa te ka nitöana ti lu sila naiara tere Iesu Kristo a Tsunono i tarara.

2 Korin 5:11

Nonei te matout bemi lam a Tsunono bate torohanan habirits merami u katuun i tanen. E Sunahan e atei sil ranou lam, na lam e ngil hasem alimiou go atei sil ramou lam.

2 Korin 6:1

Te kui gono tala memia lam e Sunahan, alam e ranga hatagala koru mera moulimiou, goma hapolase mi e Sunahan te taatagi koru raiou limiou.

Galesia 5:1

E Kristo e purese ba raia ra tara Lo turu Jiu. Na limiou go tagala tala iam batema katunun kukui puku lel uami tara Lo turu Jiu.

Galesia 5:4

A katuun te kukute sile nei a Lo turu Jiu tega matskö uaien i matana e Sunahan, nonei e luba nena a peisanen tere Kristo. E Sunahan ema antunan hanige neien.

Epesis 2:8

E Sunahan e lu pouts merai ra tara nihihitaatagi peisa i tanen turu nihamana i tarara. A ka teka ema butu mei a toukui i tarara. E möa. E Sunahan e hala pukpuku raienra.

Pilipai 3:16

Na ragi pile hakarapotein a markato a niga ti lu hakapa mamira.

Pilipai 4:1

A matsi hahatoulana, alimiou go tuol hakarapoto lasmia tara nitagala tara Tsunono. Alia e ngilin tara koru ragou limiou, a man hahikapien i tar. Alimiou e kato hasasaala korue moulia na limiou e heremi a prais i tar.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

Kolosi 1:28

Alam e hatei lanem e Kristo turu katuun hoboto. Alam e torohanan hihatuts nem a mamana niatei te halani e Sunahan. Taraha, alam e ngilem a man tötöa man katuun hoboto egi herei a katuun a tangoho te kukute hanigan töa merien e Kristo.

Taitus 2:11

A niniganiga tere Sunahan e butu hakapa me hala ranei u katuun a maroro tegi taguhu meraien u katuun hoboto,

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

2 Pita 3:14

Na man hahikapien i tar, tara pöata te hahalose mia limiou nonei u Lan, torohana hatagala sileiam tego gogoso uaia limiou i matana e Sunahan bate katoemiou a markato tara masalohana.

1 Jon 2:28

A matsi galapien, ka gono nitöa meiam e Kristo. Taraha, a pöata tena la namen romana, aragi tuol hakarapoto bara tema tatei matsingolo roi tena tuol roua ra i matanen.

2 Jon 1:9

A katuun te poeiena u hihatuts tere Kristo ema antuna neia turu ngilngil i tanen bate kato silena u tana u hihatuts, e Sunahan ema ka neia tara katuun teka. Kaba a katuun te kukute nitöanena u hihatuts tere Kristo nonei e ka uana tere Tamarara na Pien Tson i tanen.