Aposol 13:29 - U Bulunagana U Niga

²⁹ Na tara pöata ti kato hakapeien a mamanaka ti koloto mamin u propet, ba nori e atung hamateier e Iesu. Ba nori e lu hakoule rien tara kuruse, mena honge rien tara kioun mate.

Aposol 13:29 Iomraidhean Croise

U Bulungana u Niga tere Iesu Kristo te kolotein e Mak 15:42

Na turu lan teka u katuun i kato taatago mami a mamanaka, taraha i mahö u Lan u Göagono turu Jiu. A ka e lahibong hamanasa, be Josepina i Arimatia e tukuna.

U Bulungana u Niga tere Iesu Kristo te kolotein e Luk 23:50

A töa katuun a solonen e Josep a toun Arimatia, a töa taun turu Jiu. Nonei a katuun a niga, na nonei e hahalosi tega butu uama a Nipepeito tere Sunahan. Nonei a pala turu Kout Pan turu Jiu, kaba nonei ema hanige ii a ka ti hatangana nen na ti katoeien tere Iesu.

U Bulungana u Niga tere Iesu Kristo te kolotein e Luk 23:53

Be Pailat e hanigana, be Josep ena lu hakoulena u tuenrei tere Iesu, ba nonei e pitse neien u labalaba u hiaka, me hahonge nen tara kiou ti katoeia turu lapo, a kiou teka e möa noa ta mate tegi hakeia iahanen.

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

U Bulungana u Niga tere Iesu Kristo te kolotein e Jon 19:28

I murina a ka teka, ba pöata te atei sileia e Iesu a mamana toukui i tanen e kapa, ba nonei e poeiena, “Alia e makagu.” U ranga turu Buku u Göagono e butu hamana tala te ranga menaien u ranga teka.

U Bulungana u Niga tere Iesu Kristo te kolotein e Jon 19:30

Be Iesu e ousena u uain me poeiena, “A toukui hoboto i tar e kapa talana.” Ba nonei e tötörokö putana me matena.

Aposol 13:27

U katunura i Jerusalem na pal kapan i taren ima atei sile ii e Iesu nonei e Mesaia. Na nori ima atei haniga sile ii u raranga turu propet ti kato nitöa naien turu mamana u lanin lotu. E möa. Nori i koutin e Iesu ba nori e markato mena rien ti mar ranga uu propet i manasa.

Aposol 2:23

A katuun teka i hala rai limiou, e kukute noahasena a man hakats tere Sunahan te kato mam noahaseien i manasa, ba limiou e kato hamatie men, taraha alimiou u tagala sileiam u katuun u omi gi nila naien tara kuruse.

Aposol 26:22

Na te antunana i romana e Sunahan e taguhe ioulia, balia te tuol gia teka bate hatei negu a manka teka tara katuun papala na turu tsunono has. Na lia e katoegu u mar ranga noa lahas ti katoi u propet na e Mosis i manasa tara manka tega butu.

Aposol 4:28

Tara nitagala i tamölö na turu ngil i tamölö, alö u kits hakapi u raranga tara manka teka tega butu. Ba nori u katuun e gono siler tegi kato menaien a mamanaka teka.

Aposol 5:30

Alimiou tu nila naiam e Iesu tara kuruse me kato hamatie men, kaba a Sunahan turu tuburara te hatakei poutseien tara tou mate.

1 Korin 15:4

Na e Kristo i kahoein me takei poutsuna turu hatopisana u lan, temar ranga uana u Buku u Göagono.