Aposol 12:8 - U Bulunagana U Niga

⁸ Ba angelo e ranga menen, “Hasogo u hasobö na u sendol i tamölö.” Be Pita e markato has uana temar ranga uaien. Ba angelo e ranga menen, “Hasogi u hasobö u ngahangaha i tuenrei mölö balö te kukutie mumou lia.”

Aposol 12:8 Iomraidhean Croise

Matiu 3:11

“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.

U Bulungana u Niga tere Iesu Kristo te kolotein e Luk 12:37

Te sabie nen u katunun kui i tanen e hahalose ren bate ma sohori, ba u katunun kui te sasaala korur. Alia e ranga mera goulimiou, nonei a katuun pan e kato here nanoi a peisanen a katunun sösöata kannou, bate hagum ranen bate hanou ranen.

Aposol 12:7

Kaba a töa angelo tara Tsunono e butu, ba ka e alesalana iahana rum te kaia e Pita. Ba angelo ena guleiena e Pita me poeiena, “Takei boroboro.” Ba u tsien e tapurese ba nena a limana e Pita me rusuna.

Aposol 12:9

Be Pita e lakasana me kukutiena a angelo. Kaba nonei ema atei sile ii a ka te katoeia a angelo i tanen te mana uaien, turu hakats i tanen nonei e sinasoho.

Aposol 27:23

Taraha, i bong a töa angelo e tuol lala i rehir, a angelo tere Sunahan te hopö kap naiou lia, e Sunahan te hatsunone gulia.

Aposol 8:26

Ba töa angelo tara Tsunono e poeiena tere Pilip, “Takei balö te la uaiem tara maroro te laba nena i Jerusalem, bate gala uana tara taun i Gesa.” A maroro teka e kaia tara makum a palaka.