Aposol 12:7 - U Bulunagana U Niga

⁷ Kaba a töa angelo tara Tsunono e butu, ba ka e alesalana iahana rum te kaia e Pita. Ba angelo ena guleiena e Pita me poeiena, “Takei boroboro.” Ba u tsien e tapurese ba nena a limana e Pita me rusuna.

Aposol 12:7 Iomraidhean Croise

Matiu 2:13

Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

U Bulungana u Niga tere Iesu Kristo te kolotein e Luk 2:9

Ba töa angelo tara Tsunono e butuna i taren, ba u ualesala pan tara Tsunono e alesala uana i taren ba nori e matout korur.

U Bulungana u Niga tere Iesu Kristo te kolotein e Luk 24:4

Nori i tuol ia tara kiou me hakats koru ner a ka teka, ba huol a tson e songots butur me tuol ria i rehiren, u hasobö i taren e kankanaha koru bate lilotona.

Aposol 10:30

Be Konilius e poeiena, “U tohats u lan te la hakapa, tara mar pöata teka, alia una singo tara 3 kilok tara lahi. Ba töa katuun e hasogi u hasobö u kankanaha nitöa e songots butuna me tuoluna i matar.

Aposol 12:23

E Herot ema solosei mamei e Sunahan, ba angelo tara Tsunono e atunge nen. U kakaminei i noueien, ba nonei e mate nitöana.

Aposol 12:6

Tara bong i mamina u lan tega la uu e Pita turu kout, e Pita e opöia i gusuna a huol a soldia. Nori i kitseien a huol a tsien, na u soldia i tuol hasia tara tamana bate tara kap ner a luman karabus.

Aposol 12:8

Ba angelo e ranga menen, “Hasogo u hasobö na u sendol i tamölö.” Be Pita e markato has uana temar ranga uaien. Ba angelo e ranga menen, “Hasogi u hasobö u ngahangaha i tuenrei mölö balö te kukutie mumou lia.”

Aposol 16:26

Ba töa nun a pannen koru e songots butuna me gas hapanena a luman karabus me tagas hanöa nitöa nama i kopina u tul tara luma. Ba man tamana hoboto e takalatar, na u tsien i tapurese ba hasir a mour u karabus me rusur.

Aposol 2:24

Kaba e Sunahan e hatakei poutseien tara tou mate i tanen. E Sunahan e purese banai e Iesu a kits tara tou mate i tanen, taraha a tou mate ema antuna korui tega pile kap menaien e Iesu.

Aposol 5:19

Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

Aposol 9:3

Be Sol e la uana i Damaskus. Ba pöata te sukusuku ien tara taun teka ba u töa u ualesalana te hereia u kanaha e koul nama i Kolö me piraha hahisenen.

Epesis 5:14

A mamanaka te hahankana tegi tara menaien e tatei butun ualesalana. Nonei te ranga beiena u Buku u Göagono bate poeiena: “Alö te sohom, tagule! Takei ba poutsin a tou mate i tamölö. Be Kristo te hale noi lö u ualesala.”

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Revelesin 18:1

I murina a ka teka alia u tarei a tana angelo te koulma i Kolö bate ka mena a nitsunono pan. Na u ualesala i tanen e alesala sokö uu turu han hoboto i puta.