Aposol 12:4 - U Bulunagana U Niga

⁴ Herot e hapile kapiin e Pita me hala mena neien tara karabus. Nori i hakeien i limana a tohats a hun soldia tegi tara kap naien. A man töa man hun soldia hoboto teka i ka mei a man tohats a man soldia ti roron tara kapiin e Pita. E Herot egami piou naien turu katuun i murina u Paska.

Aposol 12:4 Iomraidhean Croise

Matiu 24:9

“U katuun e hala rariou limiou romana tegi kato hakamits merai limiou, ba limiou te kato hamate rariou. Na mamana hun katuun e omi sile roi lia, alimiou.

Matiu 26:5

Ba nori e poeier, “Ara ema tatei katoe rien tara pöata tara kannou, taraha u katuun e namots hiagetagetar.”

U Bulungana u Niga tere Iesu Kristo te kolotein e Mak 14:1

U huol u lan patu ba kannouna turu Paska na u lan pan tara kannouna tara Beret te möa ta is te butuna. U pris pan na u tson hihatuts tara Lo i sake ta maroro tegi mar pile kap hamous menaien e Iesu bate atung hamatie ren.

U Bulungana u Niga tere Iesu Kristo te kolotein e Luk 21:12

Kaba i mamina te butu noua a manka teka, ba limiou te pile kap rariou bate kato hohomi pinopino rariou. Alimiou e kout raria romana iahana a man luman lotu turu Jiu bate haka raria tara karabus. Na limiou e lu merari romana i matar u king na turu gamman te hamana uami limiou i tar.

U Bulungana u Niga tere Iesu Kristo te kolotein e Luk 22:33

Be Pita e poeiena, “O Tsunono, alia e hanein la gono megou lö tara karabus na tou mate has!”

U Bulungana u Niga tere Iesu Kristo te kolotein e Jon 19:23

I murina ti nila hakapa naia u soldia e Iesu tara kuruse, ba nori e luer a man hasobö i tanen me molamolerien tara tohats a soldia, a töa soldia nen nena makum. Nori i lu hasi u hasobö u ngahangaha i tanen te möa ta samap i tanen. Nonei a töa makumun hasobö a ohots.

U Bulungana u Niga tere Iesu Kristo te kolotein e Jon 21:18

U mana koru alia e ranga hamana megou lö, a pöata tu hitots noaia lö, alö u hula la mei u ngil peisa i tamölö. Kaba pöata te tsonpan mia romana lö, balö te hasoa nemou a limamölö ba palair u katuun te kitse riou lö bate na piou naria lö tara makum tema ngilin la uamilö.”

Aposol 12:3

A pöata te tareien u Jiu i ngil a ka teka, ba nonei e hapile kap has nena e Pita. (A manka teka e butuia tara pöata turu Paska turu Jiu, pöata tara Beret te möa ta Is.)

Aposol 12:5

Pöata te kaia e Pita tara karabus, u kristen i singo hatagala sileien tere Sunahan.

Aposol 4:28

Tara nitagala i tamölö na turu ngil i tamölö, alö u kits hakapi u raranga tara manka teka tega butu. Ba nori u katuun e gono siler tegi kato menaien a mamanaka teka.

Aposol 4:3

Ba nori e pile kap raier ere Pita mere Jon me karabus raren tegi kout meraien turu tanu lan, taraha a ka e lahi hakapa.

Aposol 5:18

Ba nori e pile kap raier u aposol me haka rarien tara luman karabus.

Aposol 8:3

Kaba e Sol e kato homi korur u kristen te tasu menaien a man luma turu katuun bate las me ranei a pal tson na touhaliou has tara karabus.