Aposol 12:21 - U Bulunagana U Niga

²¹ Be Herot e hopö kap nena u töa u lan, ba turu lan teka ba nonei e hasogeiena u hasobö u ngahangaha tara king, mena gumna turu gumgum u göagono, me katoena u ranga u ngahangaha i taren.

Aposol 12:21 Iomraidhean Croise

Matiu 27:19

Tara pöata te gum noaia e Pailat turu kout, ba tahol i tanen e hale neien u raranga me poeiena, “Alö goma katoei ta ka tara katuun teka. Alia e tare gulen turu sinasoho i tar i bong, balia e toku korugu. Taraha nonei e möa ta töa taka ta omi i tanen.”

Aposol 12:20

Tara pöata teka e Herot a King e raharaha korur u katunur tara taun i Taia na i Saidon. Ba nori e gono hobotor me la mam uaier tere Blastus, a töa tson pepeito tere Herot. Nori i hamatskö gono mam mei e Blastus u ranga me töan la uaier tere Herot. Ba nori e rangata siler tegi hia taratara pouts gono meien e Herot. Taraha, u katunur tara han i taren i roron holeia a kannou turu katuun tere Herot.

Aposol 12:22

Ba u katuun e ku hapanir me poeier, “Nonei ema mar ranga uanei tara katuun tuun! E möa. Nonei u ranga tara töa got!”

Aposol 24:1

U tolima u lan e kapa, be Ananias a tsunono pan turu pris e la uanama i Sisaria me la gono mera nama a pal kapan turu Jiu, na katunun raranga i taren, a solonen e Tetulus. Ba nori e hateieri e Piliks a gamman u ranga ti katsin kout meien e Pol.

Aposol 25:23

Ba turu hamahö be Agripa mere Benis e la gono merima u hiharöto pan, ba nori ena tasu ria iahana makum te hengoe ria u kout. Ba u tsunono pan turu soldia na pal kapan tara taun e tasu gono meren. Be Pestus e hala nena u raranga ba nori e tasu merima e Pol.