Aposol 12:17 - U Bulunagana U Niga

¹⁷ Be Pita e hasoa sei nena a limanen tegi kakamoto uaien. Ba nonei e hatei raneien ime temar halakasa mena meien a Tsunono tara luman karabus. Ba nonei e poeiena, “Alimiou ena hateie mou e Jemis na palair u kristen te butu ualala a ka teka.” Be Pita e laba ranen me la uana tara tana makum.

Aposol 12:17 Iomraidhean Croise

Matiu 10:23

Na te kato homi raroa limiou tara töa taun, ba limiou te bus uamiou tara taina taun. Alia e hatei hamana nitöa ragou limiou, alimiou ema hakapa noa hase moi a toukui i tamilimiou tara mamana taun hoboto i Israel, ba lia tu butun Katunuma te la pouts guma romana.

U Bulungana u Niga tere Iesu Kristo te kolotein e Mak 6:3

Nonei a kapenta, a pien tson tere Maria. Na u toulanen ere Jemis mere Josep ne Judas ne Saimon, na u hahinanen e ka has ria i gusu rara teka.” Ba nori e raharahe ren.

U Bulungana u Niga tere Iesu Kristo te kolotein e Luk 1:22

Ba tara pöata te lakasa men ba nonei ema antunan ranga neia i taren, ba nori e atei siler e Sakaria e tarema u hiharöto iahana luman lotu. Nonei ema antunan ranga ii me ranga tuun las nena a limanen.

U Bulungana u Niga tere Iesu Kristo te kolotein e Jon 10:40

Ba nonei e la pouts uana i hapalana a Ramun i Jodan mena kana tara han te baptais mam ia e Jon.

U Bulungana u Niga tere Iesu Kristo te kolotein e Jon 11:54

I markato tala uu teka, be Iesu ema hula la lel neia i matar u Jiu i Judia. Kaba nonei e la uu tara töa han i rehina a makum a palaka, ba nonei ena ka gono meraiena u katunun tsitsilo i tanen tara taun ti ngöei Ipraim.

U Bulungana u Niga tere Iesu Kristo te kolotein e Jon 13:24

Be Saimon Pita e tara uana nonei tara aposol teka me poeiena, “Alö go rangateien, esi nonei te ranga nanen.”

U Bulungana u Niga tere Iesu Kristo te kolotein e Jon 7:1

Ba i murinen be Iesu e hula lana iahana a provins i Galili. Nonei ema ngilin lauai tara provins i Judia, taraha a pal kapan turu Jiu i Judia i sake lan ta maroro tegi mar atung hamate sila menaien.

U Bulungana u Niga tere Iesu Kristo te kolotein e Jon 8:59

Pöata ti hengoeien u ranga teka ba nori e lueier a man hatu me katsin tieri ien e Iesu. Kaba e Iesu e hamousi a peisanen me lakasa ba nena a Luman Lotu Pan.

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 12:16

E Pita e porporoko noa hasia tara tamana, ba nori ena kalata taler a tamana me tarer e Pita, nori i asingoto koru.

Aposol 12:18

Ba tara bongbong, ba u soldia e asingoto korur, me poeier, “Pua, e Pita e taia?”

Aposol 13:16

Be Pol e tuoluna me hasoasei nena a limana tegi hengo menaien u katuun me poeiena: “Alimiou u katunura i Israel, na limiou has a palair u katuun te matoute miou e Sunahan, alimiou go hengoiam.

Aposol 15:13

Pöata ti ranga hakapaien, be Jemis e poeiena, “A matsi hahatoulana, hengo bumia i tar.

Aposol 16:40

Bere Pol mere Sailas e laba ner a luman karabus me lauaier i luma tere Lidia, ba nori ena tara raier u katuun ti hamanaia tere Iesu. Ba nori e ranga gono mera ren me kato hatagaler u nihamana i taren, ba nori e töan lar.

Aposol 19:33

Ba u Jiu e tula menari e Aleksenda i hagus, ba palair u katuun e ku siler tego kato menien u ranga. Be Aleksenda e hasoasei nena a limanen tegi kakamoto uaien ba nonei te ranga palisena u ranga i taren.

Aposol 21:18

Ba u hamahö be Pol e peigi ranou lam hoboto tuna tara menai lam e Jemis. A pal kapan tara pala tere Iesu i ka hoboto has.

Aposol 21:40

Ba tsunono e hanigana be Pol e tuoluna turu tötö tara luma be hasoasei nena a limanen turu katuun. Ba u katuun e kakamotor be Pol e rangana i taren turu HaHibru.

Aposol 28:15

U katuun ti hamanaia tere Iesu i Rom i hengoin tu la uama lam, ba palai e taatago mera rimei lam tara taun te kaia i gusuna kalana a solonen a Hanin Töana i Apias. Na palai i taatago mera mei lam tara taun ti ngöei a Topisa Taven. Pöata te tara raien e Pol ba nonei e haniga uana tere Sunahan ba peisanen e tagala poutsuna.

1 Korin 15:7

Ba nonei e butu lel na tere Jemis, na turu aposol hoboto.

Galesia 1:19

Kaba lia uma tarei ta tabina ta aposol. Alia u tara lasi e Jemis e toulana hamatskö a Tsunono.

Galesia 2:9

Na ere Jemis mere Pita ne Jon a pal kapan turu Kristen, nori i tara sabe te hala menai lia e Sunahan a toukui teka, ba nori e haniga rariou lam mere Banabas. Na lam u haniga hobotein tego hatei noahas menai lam u Bulungana u Niga turu katuun te halhal ria turu Jiu, na tegi hatei noahas menaien u Bulungana u Niga turu Jiu.

Jemis 1:1

Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.