Aposol 12:12 - U Bulunagana U Niga

¹² A pöata te hakats sabe naia e Pita a ka teka ba nonei e la uana tara luma tere Maria, e tsinana e Jon a tana solo tanen e Mak. A katuun a para i gonoia tara luma teka bate singor.

Aposol 12:12 Iomraidhean Croise

Aposol 12:25

Ba tara pöata ti hakapeia ere Banabas mere Sol a toukui i taren i Jerusalem, ba nori e luer e Jon Mak, me la pouts gono merien i Antiok.

Aposol 12:5

Pöata te kaia e Pita tara karabus, u kristen i singo hatagala sileien tere Sunahan.

Aposol 13:13

Be Pol na u katuun ti tataala gono meien e laba ner a taun i Pepos, ba tolaala e hosa mera neien tara taun i Pega tara provins i Pampilia. Kaba e Jon Mak e laba raien me la pouts uana i Jerusalem.

Aposol 13:5

Ba nori ena tuku ria tara taun i Salamis me habulungana laner u raranga tere Sunahan turu luman lotu turu Jiu. Nori i ka gono has mei e Jon Mak te taguhu raien.

Aposol 16:40

Bere Pol mere Sailas e laba ner a luman karabus me lauaier i luma tere Lidia, ba nori ena tara raier u katuun ti hamanaia tere Iesu. Ba nori e ranga gono mera ren me kato hatagaler u nihamana i taren, ba nori e töan lar.

Aposol 4:23

Ba nori e hapurese raier ere Pita mere Jon ba nori e la pouts uaier turu katuun i taren mena hatei rarien a manka ti rangein u pris pan na pal tsunono.

Kolosi 4:10

E Aristakus, te karabus gono menou lia, e hala has ranoui limiou u hanhaniga, na e Mak has a hatoulana tere Banabas. Alimiou u lu hakapeiam u raranga te poeiena, tega la men romana i tamilimiou ba limiou te hanige men.

2 Timoti 4:11

E Luk pepeisa lasi te ka gono menou lia. Luema e Mak bate la gono memu men, taraha, nonei te tatei taguhu hanige noulia tara toukui teka.

Pilimon 1:24

Na palair u katuun te kui gono mere gulia ere Mak mere Aristakus na e Demas na e Luk e hala has neruma u rangan haniga i tamölö.

1 Pita 5:13

A pal kristen te ka ria tara taun i Babilon na te hopö kap hasir e Sunahan, nori e hala neruma u rangan haniga i taren i tamilimiou. Na pien has i tar e Mak e hala has ranoui limiou u rangan haniga i tanen.