Aposol 11:27 - U Bulunagana U Niga

²⁷ Tara pöata teka, a palair u propet i laba nema i Jerusalem, me la uaier i Antiok.

Aposol 11:27 Iomraidhean Croise

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

U Bulungana u Niga tere Iesu Kristo te kolotein e Luk 11:49

E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 11:22

U kristenira i Jerusalem i hengoin u raranga tara ka teka, ba nori e hala menari e Banabas i Antiok.

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 14:26

Ba nori e osa ria tara tolaala me lauaier i Antiok na i Siria, a taun ti tanie men a toukui ti kato hakape men.

Aposol 15:22

Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 15:30

Ba u kristen e tula raren ba nori e la uaier i Antiok. Nori i goner u kristenira i Antiok ba nori e hala rarien u pas teka.

Aposol 15:32

Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 18:22

Pöata tena sung ia a tolaala tara taun i Sisaria, be Pol e lase uana i Jerusalem mena tara rena u kristen, ba nonei e töan la uana i Antiok.

Aposol 2:17

‘E Sunahan e poeiena, Tara pöata i murimuri te sukusukun kapa noa romana a pöata hoboto, alia e katoe gou a ka teka: Alia e hala nagou u Namnamei i tar turu katuun hoboto. A galapien tson i tamilimiou na galapien touhaliou has ena ranga nariou romana u rangan propet. U hitots i tamilimiou ena tare riou a man hiharöto, na u tsonpan ena sinasohe riou a man sinasoho.

Aposol 21:4

Alam u tarer u kristen tara han teka, ba lam e ka gono mera men u tohit u lan. Tara nitagala turu Namnamei tere Sunahan nori i ranga mei e Pol tegoma la uaien i Jerusalem.

Aposol 21:9

Nonei e ka mei a tohats a pien tahol a kukubei i tanen ti atein rangein u raranga turu propet.

Aposol 6:5

U katuun hoboto i haniga korui u raranga ti katoi u aposol. Ba nori e hopö kap naier e Stiven, a tson te ka mei u nihamana u kapan na te saputu mei u Namnamei u Göagono. Ba nori e hopö kap has naier e Pilip ne Prokoras ne Naikena ne Timon ne Pamenas na e Nikolas. E Nikolas a katununa i Antiok te la uama tara pala turu Jiu.

1 Korin 12:10

Tara tai, e haleri a nitagala tego kato menaien a man mirakol, na tai e haleri a nitagala tego ranga menaien u rangan propet, na tai e hala haseri a nitagala tego ona menaien u spirit u niga na u spirit u omi. U Namnamei tere Sunahan e hala hasenei a tana katuun a nitagala tego ranga menaien u tana u mar ranga ba tai te haleri a nitagala tego hatarare menaien ime temar mouna uana u raranga teka.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

1 Korin 14:32

A katuun te ka mena a nitagala tego ranga menaien u raranga hamatskö tere Sunahan e ka has mena a nitagala tego hanöa menaien u ranga turu ngil i tanen.

Galesia 2:11

Pöata te la uu e Pita tara taun i Antiok, nonei e ron nou gono mam mer u kristen tima Jiu ii. Kaba i murina timi tukuia u katuun te hala rema e Jemis, be Pita e la hatalis ba rena u katuun tima Jiu ii, ba nonei ena nou halhalina. Taraha, nonei e matoutir u kristen, ti pei menaien u Jiu ima tatei nou gono merai u katuun tima pala uai i taren.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.