Aposol 11:26 - U Bulunagana U Niga

²⁶ Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 11:26 Iomraidhean Croise

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

U Bulungana u Niga tere Iesu Kristo te kolotein e Jon 2:2

E Iesu na u katunun tsitsilo i tanen i ngö has merai nonei tara hitöl teka.

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 11:22

U kristenira i Jerusalem i hengoin u raranga tara ka teka, ba nori e hala menari e Banabas i Antiok.

Aposol 11:27

Tara pöata teka, a palair u propet i laba nema i Jerusalem, me la uaier i Antiok.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

Aposol 14:20

Kaba u kristen emi gono hahiseien, ba nonei e takeina be tasu pouts uana iahana taun. Turu hamahö be Pol mere Banabas e lauaier tara taun i Debi.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Aposol 14:23

Tara mamana taun i murina ti hopö kap hakapa raien u katunun pepeito kap i taren ti hamana uu tara Tsunono. Ba nori e agono ner a kannou me singo sil raren, me haka rarien tara nipepeito kap tara nitagala tara Tsunono tega tatei tara kap raien.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 14:28

Bere Pol mere Banabas e ka gono meraier u kristenira i Antiok a pöata a ngahangaha.

Aposol 18:27

Tara pöata te katsin laia e Apolos tara provins i Gris, ba u kristenira i Epesis e hale rien u rangan hitaguhu tara nilala i tanen. Nori i koloto has menai u pas turu kristenira i Gris tegi tatei lu haniga menaien. Be Apolos ena tukuna i Gris, me taguhu hatagala koru rena u katuun ti hamana te taatagi meraien e Sunahan.

Aposol 19:9

Kaba a palai i hipus naien batema hamanari me ranga homi hasner a Maroro tara Tsunono i matar u katuun. Be Pol e lurena u kristen me la gono mera nen, na turu mamana u lan nonei e hatei naia u raranga iahana luman skul tere Tiranas.

Aposol 20:1

I murina te kapaia u hiagetageta be Pol e hangö ralala u kristen ba nonei e hala nena u ranga ti kato hatagala raien. Ba nonei e töan la uana tara provins i Masedonia.

Aposol 20:30

A palair u katuun i tamilimiou pouts has te katoeier romana u ranga u gamo, tegi las merai u kristen bate kukute raren.

Aposol 21:4

Alam u tarer u kristen tara han teka, ba lam e ka gono mera men u tohit u lan. Tara nitagala turu Namnamei tere Sunahan nori i ranga mei e Pol tegoma la uaien i Jerusalem.

Aposol 26:28

Be Agripa e poeiena tere Pol, “Ga lö e tuke hasesei korue moulia tego hamana uu lia tere Iesu?”

Aposol 6:1

Tara man pöata teka u hihase turu katunun tsitsilo e para susul. U katuun ti atei sil u rangan HaGrik i raharaher u katunura i Hibru u amoaba i taren ima tara sil rai tara pöata ti molamola naia a kannou.

Aposol 6:5

U katuun hoboto i haniga korui u raranga ti katoi u aposol. Ba nori e hopö kap naier e Stiven, a tson te ka mei u nihamana u kapan na te saputu mei u Namnamei u Göagono. Ba nori e hopö kap has naier e Pilip ne Prokoras ne Naikena ne Timon ne Pamenas na e Nikolas. E Nikolas a katununa i Antiok te la uama tara pala turu Jiu.

Aposol 9:19

Ba nonei e nouna me lu poutsena a nitagala. Be Sol e gamon ka gono meraiena u katunun tsitsilo tere Iesu i Damaskus.

Aposol 9:38

A taun i Lida e susukuia tara taun i Jopa. Ba pöata ti hengo naia u kristenira i Jopa e Pita e kaia i Lida, ba nori e tula nalila a huol a katuun i tanen mena poeiena i tanen, “Alö go la boroboro uama i tamulam.”

1 Korin 11:18

Alia u hengoin u raranga te poeiena: tara pöata te hagum hoboto mia limiou, ba limiou te kats kilkil namiou temar hun katuun uami limiou, na lia e hamana hats tabubegu u ranga teka.

1 Korin 12:12

Na u tuenrei e ka has mena a mamana makum, na mamana makum turu tuenrei e noahasina te para uaren, nori hoboto u töa puku u tuenrei. Te kato has uana e Kristo.

1 Korin 14:23

Na te gono hoboto ria u katuun bate ranga hoboto ria turu tana u mar ranga, ba katuun tema hamananei te hengona, nonei e ranga nou bate poeiena alimiou e tutu korumiou.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

Jemis 2:7

Nori u katuun te ranga homi ner a solo a niga tere Iesu Kristo te pala uami limiou.

1 Pita 4:14

Alimiou go sasaalaiam tegi ranga homi merai limiou te kukute mena milimiou e Kristo, taraha a ka teka e poeiena u Namnamei u tagala tere Sunahan e kana i tamilimiou.

1 Pita 4:16

Kaba tego kamits sil mena milimiou te kukute mena milimiou e Kristo, alimiou goma matsingolo memien. E möa. Alimiou go haniga uaiam tere Sunahan te ka mena milimiou u solon “kristen.”

1 Jon 2:27

Kaba u Namnamei u Göagono ti lu mameiam limiou tere Kristo, nonei e ka gono mera noulimiou. Na limiou goma tokumi te möa uana ta tson hihatuts i tamilimiou. Taraha, u Namnamei tere Sunahan e hatuts ranei limiou a mamanaka. Na manka te hihatuts nanen e manana. E möa tego gamouaien. Na limiou ego ka nitöa mia tere Kristo temar ranga uu Namnamei tere Sunahan.

Revelesin 3:18

Alia e ranga koru mera goulimiou, alimiou go hole mia ta goul i tar, a goul ti hagogoseia turu tula, ba limiou te töan ka memou a manka man niga hamana. Hol hase iam tu hasobö tu hiaka bate hasei kap nami u beloso i tamilimiou. Ba limiou te hol hase miou tu meresin i tar bate hake mien i matamilimiou, ba limiou te töan tara pouts mou.