Aposol 10:5 - U Bulunagana U Niga

⁵ Alö go tula rela u katuun tara taun i Jopa, ba nori tena ngöe rima a katuun te ngöeri e Saimon Pita.

Aposol 10:5 Iomraidhean Croise

U Bulungana u Niga tere Iesu Kristo te kolotein e Mak 3:16

Nonei e hopö kapir a maloto na huol a katuun: e Saimon (te hala hasien a tana solo, e Pita).

U Bulungana u Niga tere Iesu Kristo te kolotein e Jon 1:42

Ba nonei na piou nena e Saimon tere Iesu. Be Iesu e tare nen me poeiena, “Alö e Saimon, a pien tson tere Jon. Alö e ngöe roi e Sipas” (te poe hasena, “e Pita,” na te poe hasena, “a Hatu”).

Aposol 10:18

Ba nori e ngör me rangatar, “Ime te kana a katuun te ngöeri e Saimon Pita?”

Aposol 10:32

Alö go tula rela u katuun i Jopa ba nori tena ngöe ruma a töa katuun a solonen e Saimon Pita. Nonei e kana tara luma tara tana Saimon te hahapalakeiena a pikpiköna bulmakau. A luma i tanen e kana i rehina a tasi.’

Aposol 15:7

Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

Aposol 16:9

Tara bong be Pol e tarena u töa u hiharöto. A töa tsonuna i Masedonia e tuol me poeiena i tanen, “Alö go aroho uama i Masedonia batemi taguhu ramou lam!”

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

Aposol 9:38

A taun i Lida e susukuia tara taun i Jopa. Ba pöata ti hengo naia u kristenira i Jopa e Pita e kaia i Lida, ba nori e tula nalila a huol a katuun i tanen mena poeiena i tanen, “Alö go la boroboro uama i tamulam.”

Aposol 9:42

A ka teka i atei sil hoboteia tara mamana makum i Jopa, ba katuun a para ti hengo naien e hamana uaier tara Tsunono.

Aposol 9:43

Be Pita e kana i Jopa a pöata a ngahangaha. Nonei e ka gono mei a töa katuun te roron hapalaki a pikpiköna a bulmakau, a solonen e Saimon.