Aposol 10:4 - U Bulunagana U Niga

⁴ Be Konilius e tara tötoso nitöa mena a nimatout me poeiena, “O tsunono, aha nonei?” Ba angelo e poeiena i tanen, “U singosingo na nihalhala moni i tamölö, e Sunahan e hengoeien na e tari a manka teka me sasaala menen.

Aposol 10:4 Iomraidhean Croise

Matiu 26:13

Na lia e hatei hamana koru ragou limiou! Tara mamana han hoboto i puta tena hihatuts naria romana u Bulungana u Niga, nori ena hihatuts nariou a ka a niga te katoe lala a tahol teka, ba u katuun tena hakats kap nitöa narouen bate rarare ren romana.”

U Bulungana u Niga tere Iesu Kristo te kolotein e Luk 1:29

E Maria e hengoe u ranga teka me toku koruna, ba nonei emar hakats tuun uana, “I me temar mouna uana u mar raranga teka?”

U Bulungana u Niga tere Iesu Kristo te kolotein e Luk 24:5

A touhaliou i matout koru, ba nori e tuturukur, ba huol a katuun e poeier i taren, “Aha te sake sile milimiou a katuun a töatöa i gusur u katuun u mate?

Aposol 10:31

Ba nonei e poeiena, ‘O Konilius, e Sunahan e hengo hakapi a man singosingo i tamölö, na nonei e hakats kap has nena te roron hala mena milö a moni turu katuun ti möa ta moni.

Aposol 14:9

Nonei e hahengoia turu raranga te katoe e Pol. Pol e tari a katuun teka e kamei a nihamana te antunaia tegi kato haniga pouts menaien.

Aposol 22:10

Ba lia e poeiegu, ‘O tsunono, aha te katoe goulia?’ Ba Tsunono e poeiena i tar, ‘Alö go takei balö te lam i Damaskus, balö tena hengo namou a mamanaka hoboto te hopö kap mei lö e Sunahan tegona kati lö.’

Aposol 3:4

Ba nori e tara tötoso uaier i tanen be Pita e poeiena, “Tara uama i tamulam!”

Pilipai 4:18

Alia e ka tala megu a manka tu hala namuma limiou. E Epaprodaitus e halei mei lia a manka hoboto tu hala namuma limiou. A manka teka e herenei u haats te soksoka hanigan töana te la uana tere Sunahan be Sunahan te haniga korue nen.

Pilipai 4:6

Alimiou goma hakats hapara nami ta töa ta ka. Kaba limiou go singo siliam a mamanaka, bate rangatemi e Sunahan a manka te makmakumuna i tamilimiou, ba limiou te haniga nitöa uamiou i tanen.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

Revelesin 8:4

Ba u ruhu turu insens e la sei gono mena u singo turu katuun tere Sunahan i limana a angelo.