Aposol 10:28 - U Bulunagana U Niga

²⁸ Ba nonei e poeiena i taren, “Alimiou e atei silemiou a Lo i tamulam u Jiu te hapiou nena tego kapiena merai lam u katuun tema Jiu ri. Na lam u Jiu ema tatei tasu has mia tara luma i tamilimiou. Kaba e Sunahan e hatare lalei lia, alia goma mar hakats lel uai teka. Alia goma tatei pei lelei a tana katuun e tara halel na i matana e Sunahan. E möa.

Aposol 10:28 Iomraidhean Croise

U Bulungana u Niga tere Iesu Kristo te kolotein e Mak 7:2

Ba nori e tara raier a palair u katunun tsitsilo i tanen ti nou mei u lima u tabuna galus.

U Bulungana u Niga tere Iesu Kristo te kolotein e Luk 18:11

A Parasi e tuol pepeisa me mar singo uana teka, ‘O Sunahan, alia e haniga uagu i tamölö te namala kato homi uagi lia te kato uaier a palair u katuun. Alia ema kopkop gi, nema gamogamo gi, nema tsikolo gi. Na lia ema kato homi has uagi te markato uana a lulu takis i tioum.

U Bulungana u Niga tere Iesu Kristo te kolotein e Jon 18:28

Tara lunlan koru ba nori e laba ner a luma tere Kaiapas mena piou naria e Iesu tara luma tere Pailat a gamman. Ba u Jiu ema la sokö uari iahana luma, taraha a lo i taren e poeiena, a katuun te tasuna iahana luma tara katuun halhal turu Jiu ema antunan noue nei a kannouna turu Paska turu Jiu.

U Bulungana u Niga tere Iesu Kristo te kolotein e Jon 4:27

Nonei tara pöata teka ba u katunun tsitsilo tere Iesu te tukur, nori i asingoto koru ni te ranga gono menai e Iesu a tahol. Kaba nori ima rangateien, “Aha te ranga gono sil memi lö a tahol teka, na aha te ranga nami limiou?”

U Bulungana u Niga tere Iesu Kristo te kolotein e Jon 4:9

Ba tahol e asingoto koruna me poeiena i tanen, “I me te kato koru uanen balö te rangate milia tu ramun? Alö a toun Jiu na lia a taholuna i Samaria.” (Nonei e mar ranga uu teka, taraha u Jiu ima ngil rai a tei Samaria. Na u Jiu mera tei Samaria ima hia lulu nai a manka i taren.)

Aposol 10:29

Ba tara pöata tu hangö mula limiou, alia uma rama mei na lia uma hapinamei me la guma. Aha tu hangö me mula limiou?”

Aposol 11:9

Kaba nonei u ranga teka e la lelma i Kolö me ranga hahuol menou lia me poeiena, ‘A ka te hanigein e Sunahan tegi noui, alö ema tatei agono namien.’