Aposol 10:23 - U Bulunagana U Niga

²³ Be Pita e ngö rena u katuun me hasoho ranen tara luma tere Saimon. Turu tana u lan be Pita e la gono mera nen. A palair u katunura i Jopa ti hamanaia tere Iesu i la gono has meraien.

Aposol 10:23 Iomraidhean Croise

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 10:29

Ba tara pöata tu hangö mula limiou, alia uma rama mei na lia uma hapinamei me la guma. Aha tu hangö me mula limiou?”

Aposol 10:33

Ba lia e hangö boroboro na goulö, na e niga koru mena te la ua mumalö. Na lam e ka hoboto talamia teka i matana e Sunahan, tegomi hengo menai lam a man raranga hoboto te hale ii lö a Tsunono.”

Aposol 10:45

U Jiu ti la gono mema e Pita u katunun tsitsilo tere Iesu i asingoto koru, taraha e Sunahan e hala nema u Namnamei u Göagono i tanen turu katuun has tema Jiu ri.

Aposol 11:12

U Namnamei tere Sunahan e ranga meioulia, ‘Alö go la gono meraien, ma hakats hapara ii.’ Na tönomo a kristen i la gono has meiou lia. Ba lam ena tasu mia tara luma tere Konilius.

Aposol 28:15

U katuun ti hamanaia tere Iesu i Rom i hengoin tu la uama lam, ba palai e taatago mera rimei lam tara taun te kaia i gusuna kalana a solonen a Hanin Töana i Apias. Na palai i taatago mera mei lam tara taun ti ngöei a Topisa Taven. Pöata te tara raien e Pol ba nonei e haniga uana tere Sunahan ba peisanen e tagala poutsuna.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

Aposol 9:38

A taun i Lida e susukuia tara taun i Jopa. Ba pöata ti hengo naia u kristenira i Jopa e Pita e kaia i Lida, ba nori e tula nalila a huol a katuun i tanen mena poeiena i tanen, “Alö go la boroboro uama i tamulam.”

Aposol 9:42

A ka teka i atei sil hoboteia tara mamana makum i Jopa, ba katuun a para ti hengo naien e hamana uaier tara Tsunono.

2 Korin 8:21

Taraha, alam e torohanan kato hamatskö mia i matana a Tsunono na i matar u katuun has.

Hibru 13:2

Na limiou go ngö has merami u katunura i lehana i luma i tamilimiou. A palair u katuun i markato uu teka turu angelo, kaba nori ima atei sil raien.

1 Pita 4:9

Alimiou go lu merami a palair u katuun i luma i tamilimiou, bate tarakap haniga ramen batema ranga sil ramien.