Aposol 10:19 - U Bulunagana U Niga

¹⁹ Pöata te hakats noahas naia e Pita a ka te tareien, ba u Namnamei tere Sunahan e poeiena i tanen, “A topisa a katuun e rangata na riou lö.

Aposol 10:19 Iomraidhean Croise

U Bulungana u Niga tere Iesu Kristo te kolotein e Jon 16:13

A pöata te la nama romana u Namnamei u Göagono na tara nimana, nonei emi haröto ranoui limiou a mamanaka te manana. Taraha, nonei ema la mena mei romana u raranga i tanen. E möa. Nonei e hatei nanou a man raranga te hengoe nen tere Tamar. Na nonei u Namnamei u Göagono e hatei ranoui limiou a manka tena butu nou romana i murimuri.

Aposol 10:18

Ba nori e ngör me rangatar, “Ime te kana a katuun te ngöeri e Saimon Pita?”

Aposol 10:3

Turu töa u lan tara pal 3 kilok tara lahi nonei i hatare ii u töa u hiharöto te tara hanigan töa naien a angelo tere Sunahan bate tasuna me poeiena i tanen, “O Konilius.”

Aposol 11:12

U Namnamei tere Sunahan e ranga meioulia, ‘Alö go la gono meraien, ma hakats hapara ii.’ Na tönomo a kristen i la gono has meiou lia. Ba lam ena tasu mia tara luma tere Konilius.

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 15:7

Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

Aposol 21:4

Alam u tarer u kristen tara han teka, ba lam e ka gono mera men u tohit u lan. Tara nitagala turu Namnamei tere Sunahan nori i ranga mei e Pol tegoma la uaien i Jerusalem.

Aposol 8:29

Ba u Namnamei tere Sunahan e ranga mena e Pilip me poeiena, “Alö go la hasukusuku uala tara karis balö te tataala gono memen.”

1 Korin 12:11

A mamanaka teka, u töa puku u Namnamei te katoenen. Nonei e halana tara man tötöa man katuun hoboto turu ngil peisa i tanen.

1 Timoti 4:1

Hengo! U Namnamei u Göagono e ranga halesalana bate poeiena, a palair u katuun e laba nariou romana u lotu hamana tara kapakapana a pöata. Nori e ngilin hengo rariou u katuun u gamogamo bate kukutier u hihatuts turu liliahanei u omi.