Aposol 1:7 - U Bulunagana U Niga

⁷ Ba e Iesu e poeiena i taren, “Ema limiou nei tego atei sileiam a pöata tsi u lan tsi u hiningal te haka mei e Tamar a nitsunono peisa i tanen.

Aposol 1:7 Iomraidhean Croise

Matiu 20:23

Be Iesu e poeiena, “Alimiou ena ua moa tara kap i tar. Kaba lia ema antunan hopö kap nagi esi tena gum noa tara pal matou na tara pal keruka i tar. E Tamar puku lahas te hopö kapiin u katuun tegi lui a man makum teka.”

Matiu 24:36

Be Iesu e poeiena, “Kaba e möa ta töa tega atei sileiou u lan tsi a aua te butu nama romana a manka teka. U angelo ri Kolö has ema atei roi, na lia has tu butun Katunuma ema atei has goi. E Tamar puku lasi te ateina.

U Bulungana u Niga tere Iesu Kristo te kolotein e Mak 10:40

Kaba tegona gum mia limiou tara pal matou tsi tara pal keruka i tar, ema ka uanei i tar tego halanaien. E Sunahan puku te hala nanou a man gumgum teka turu katuun ti kato taatago beraien.”

U Bulungana u Niga tere Iesu Kristo te kolotein e Mak 13:32

Be Iesu e poeiena, “Kaba e möa ta katuun tega atei sil u lan tsi a pöata te butu nama romana a manka teka. U angelo ri Kolö ema ateiri na lia a Pien Tson tere Sunahan ema atei has gi. E Tamar pepeisa lasi te ateina.

U Bulungana u Niga tere Iesu Kristo te kolotein e Luk 21:24

A palai e ngats hamate rari romana u kilatan hiatatung, ba palai te kits raier romana bate la merari tara man taina man han turu tsiktsiki i puta teka. Ba u katuun tema Jiu ri tena pita hohomier romana a taun i Jerusalem bate pile kap naren e antunana tega kapa uu romana a pöata turu katuun halhal teka.”

Aposol 17:26

Tara töa tuburen ba nonei e hatuhanena a hun katuun te hasaputeien a man han hoboto i puta tegina kaien. Nonei e hopö kap mamin a pöata tara man töa man hun katuun hoboto, bate pana kap has nena a man han tegina kaien.

Epesis 1:10

E markato uana teka: pöata te butu nama romana a pöata te hopö kap mamin e Sunahan, be Sunahan te gone nou a mamanaka hobotona i kolö na i puta bate hapane nou e Kristo bate tsunono ranou uen.

1 Timoti 6:15

Nonei e butu nama romana tara pöata te haniga hakapein e Sunahan. E Sunahan a töa puku te pan saluhena na mouna a nisasaala. Nonei te King pan rena u king hoboto na te Tsunono pan rena u tsunono hoboto.

2 Timoti 3:1

Alö go atei haniga, tara kapakapana a pöata a nomi pan e butu nou.