Aposol 1:5 - U Bulunagana U Niga

⁵ E Jon e baptais ria u katuun u ramun, kaba ema lehana noi ba limiou tena habaptais moua romana turu Namnamei u Göagono.”

Aposol 1:5 Iomraidhean Croise

Matiu 3:11

“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.

Matiu 3:6

Ba nori e pokeier a man markato a man omi i taren, ba nonei e baptais ranen tara ramun i Jodan.

U Bulungana u Niga tere Iesu Kristo te kolotein e Mak 1:8

Alia e baptais ragi limiou u ramun tuun, kaba nonei emi baptais ranoui limiou u Namnamei u Göagono.”

U Bulungana u Niga tere Iesu Kristo te kolotein e Luk 3:16

Be Jon e poeiena i taren hoboto, “Alia e baptais ragi limiou u ramun tuun, kaba a töa katuun te pan bala nanou lia ena la nama romana. Alia ema antunan hakoul has nagoi u sendol i tanen. Nonei te baptais ranoui limiou romana u Namnamei u Göagono na u tula.

U Bulungana u Niga tere Iesu Kristo te kolotein e Jon 1:26

Be Jon e ranga palis ranen me poeiena, “Alia e baptais negu u ramun tuun. Kaba a töa katuun tema atei sile milimiou e kana i gusumilimiou.

U Bulungana u Niga tere Iesu Kristo te kolotein e Jon 1:31

Alia uma atei sil hasei esi nonei koru e Mesaia. Kaba lia emi baptais mei u ramun tego halakasa mei lia e Iesu turu katunura i Israel.”

U Bulungana u Niga tere Iesu Kristo te kolotein e Jon 1:33

Alia uma atei silei esi koru nonei e Mesaia. Kaba e Sunahan, te hala namou lia tegomi baptais merai lia u katuun u ramun, nonei e poei i tar, ‘Alö ena tare mou u Namnamei tere Sunahan e koul nama romana batemi tö na tara töa katuun. Nonei a katuun teka tena baptais nanou u Namnamei u Göagono.’”

Aposol 10:45

U Jiu ti la gono mema e Pita u katunun tsitsilo tere Iesu i asingoto koru, taraha e Sunahan e hala nema u Namnamei u Göagono i tanen turu katuun has tema Jiu ri.

Aposol 19:4

Be Pol e poeiena, “Pöata te baptais raia e Jon u katuun ba nonei e poeiena, ‘Habirits ba naiam a man markato a man omi i tamilimiou.’ Ba nonei e hatei raneien tegi hamana uaien tara katuun te kute nama i tanen, nonei e Iesu.”

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

Taitus 3:5

ba nonei e lu pouts ranou ra. Nonei ema lu pouts meraira tegi kato menaira ta markato ta matskö. E möa! Kaba tara nitaatagi i tanen ba nonei e lu pouts ranoura. Nonei e galus ban a man markato a man omi i tarara ba u Namnamei u Göagono e hala ranera a nitöatöa a tsimus.