Aposol 1:15 - U Bulunagana U Niga

^15-16 Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 1:15 Iomraidhean Croise

Matiu 13:31

Be Iesu e hatei raneien u taina u haharuei me poeiena, “A Nipepeito tere Sunahan e here nei u ngalin mastet, te tetenei koruna. Ba katuun e lue nen bena tsihasa nanen tara kui i tanen. Ba tara pöata te pan ien, e pan bala koru lenin a man kaan leba hoboto, bate butu here nei u ruei. Ba u apena te la rima batemi katoeria a man suhana tara man kalan ruei i tanen. Na Nipepeito tere Sunahan e tania hatetenei hasina batena töan pan susuluna.”

U Bulungana u Niga tere Iesu Kristo te kolotein e Luk 22:32

Kaba lia u singo hakapa sileiou lö, o Saimon, tegoma hapolasa menai lö a nihamana i tamölö. Ba tara pöata te hakopis pouts muma lö romana i tar, ba lö te hatagala rem u toulamölö.”

U Bulungana u Niga tere Iesu Kristo te kolotein e Jon 14:12

U mana koru alia e hatei ragou limiou, a katuun te hamana uana i tar ena katoe nou a man toukui te katoe gulia. Na man toukui i tanen e la sei na nou a man toukui teka, taraha alia e la uagu tere Tamar.

U Bulungana u Niga tere Iesu Kristo te kolotein e Jon 21:23

Ba u raranga e tala uana turu katuun hoboto tere Iesu te pei menaien alia ema antunan mate gi romana. Kaba e Iesu ema pe ii alia e Jon ema mate gi romana. E möa. Nonei e pei lasi, “Te ngile goua lia nonei ega töatöa nitöa e antunana tara pöata tena kopis pouts guma romana lia, a ka teka ema ka uanei i tamölö.”

Aposol 10:23

Be Pita e ngö rena u katuun me hasoho ranen tara luma tere Saimon. Turu tana u lan be Pita e la gono mera nen. A palair u katunura i Jopa ti hamanaia tere Iesu i la gono has meraien.

Aposol 11:1

Tara pöata teka u aposol na u kristen ti kaia i Judia i hengoen u raranga te pei u katuun tema Jiu ri i lu hakapi u raranga tere Sunahan me hanige ren.

Aposol 11:12

U Namnamei tere Sunahan e ranga meioulia, ‘Alö go la gono meraien, ma hakats hapara ii.’ Na tönomo a kristen i la gono has meiou lia. Ba lam ena tasu mia tara luma tere Konilius.

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 11:29

Ba man tötöa man kristen hobotor i Antiok e kitser u ranga tegi hala hapopo naien u monin hitaguhu turu kristenira i Judia.

Aposol 12:17

Be Pita e hasoa sei nena a limanen tegi kakamoto uaien. Ba nonei e hatei raneien ime temar halakasa mena meien a Tsunono tara luman karabus. Ba nonei e poeiena, “Alimiou ena hateie mou e Jemis na palair u kristen te butu ualala a ka teka.” Be Pita e laba ranen me la uana tara tana makum.

Aposol 14:2

Kaba palair u Jiu i ma hamana ii, ba nori e hatakeier a hiaraharaha turu katuun tema Jiu ri, ba nori e tori hasoala raren

Aposol 15:1

A palair u katunura i Judia i la uama i Antiok memi hatuts raier u kristen me poeier, “Tema kukute moi limiou a markato tere Mosis ba tema hapö mi, e Sunahan ema taguhu ranoui limiou.”

Aposol 15:3

Ba u kristen e tula merarien i Jerusalem ba nori e sila ria i gusuna i Pinisia na i Samaria. U kristen tara huol a han teka i sasaala koru mei ti hatei meraien, e Sunahan e habiritsir a torir u katuun tema Jiu ri.

Aposol 16:2

U kristenira i Listra na i Aikoniam i hamana korui a markato tere Timoti me poeier, “Nonei a katuun a niga.”

Aposol 16:40

Bere Pol mere Sailas e laba ner a luman karabus me lauaier i luma tere Lidia, ba nori ena tara raier u katuun ti hamanaia tere Iesu. Ba nori e ranga gono mera ren me kato hatagaler u nihamana i taren, ba nori e töan lar.

Aposol 17:10

Ba tara bong turu lan teka bu katuun ti hamanaia tere Iesu e hala ba merari ere Pol mere Sailas tara taun i Beria. Ba pöata ti tuku hakapa ien i Beria ba nori ena tasu ria tara luman lotu turu Jiu.

Aposol 17:14

Ba u katuun ti hamanaia tere Iesu e hala ba menari e Pol i tasi, kaba ere Sailas mere Timoti i kakaia i Beria.

Aposol 17:6

Pöata tima sabe raien, ba nori e las halakasa rer e Jeson na palair u katuun ti hamanaia tere Iesu mena piou rarien tara pal kapan tara taun. Ba nori e poeier, “U katuun teka i kato hasingoter u katuun tara han hoboto, ba nori e la has uarima i teka.

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

Aposol 18:27

Tara pöata te katsin laia e Apolos tara provins i Gris, ba u kristenira i Epesis e hale rien u rangan hitaguhu tara nilala i tanen. Nori i koloto has menai u pas turu kristenira i Gris tegi tatei lu haniga menaien. Be Apolos ena tukuna i Gris, me taguhu hatagala koru rena u katuun ti hamana te taatagi meraien e Sunahan.

Aposol 21:17

Tara pöata tu tukuia lam i Jerusalem ba pal katuun ti hamanaia tere Iesu e sasaala koru mer ti tara meraien lam.

Aposol 21:20

Pöata ti hengo naien a ka teka, ba nori e soloseier e Sunahan. Ba nori e poeier i tanen, “A tsi hatoulana, alö e atei silem u Jiu te hamana ria tere Iesu e para korur na nori hoboto e kukute hanigeier a man Lo tere Mosis.

Aposol 21:7

Alam u osaia tara tolaala mena tuku mia tara taun i Tolemes. Ba lam e tara rem u kristen, be ka gono mera men u töa u lan.

Aposol 22:5

A tsunono pan turu pris na pal kapan hoboto turu Kout Pan turu Jiu e atei siler te ranga hamana uagu lia. Alia u lu u pas ti koloto menai a pal tson teka turu Jiu i Damaskus. Ba lia e la uagu i Damaskus tegona pile kap merai lia u katuun tere Iesu, bate kits ragien u tsien bate la pouts mera gumeien i Jerusalem bate hahuna ragen.”

Aposol 28:14

Ba tara taun teka ba lam e saberaiam u katuun ti hamanaia tere Iesu. Ba nori e ngö rariou lam ba lam ena ka gono meramen u tohit u lan. Ba lam e töan la uaiem i Rom.

1 Korin 15:6

Nonei e butu has ia tara man hatoulana a man parpara tara töa puku a pöata, u hihase i taren e tusaluhe banena u 500 tara katuun. A pal para turu katuun teka e tötöa noar, kaba palai i mate hakapa.

Revelesin 11:13

Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 3:4

“Kaba palair a mats katuun i tamilimiou i Saadis ema kato homiri. Nori e la gono meriou romana lia na nori ena haseier romana u hasobö u hiaka u gogoso koru. Taraha, nori e roron kato hanigar.