Aposol 1:13 - U Bulunagana U Niga

¹³ Pöata tina tukuien i Jerusalem ba nori e sei uaier tara rum iasa ti kaien. Nori ere Pita mere Jon ne Jemis ne Endru, ne Pilip ne Tomas ne Batolomio ne Matiu. Na e Jemis a pien tere Alpius, ne Saimon a katuun te tagala bei a han i tanen, ne Judas a pien tere Jemis.

Aposol 1:13 Iomraidhean Croise

Matiu 9:9

A pöata te tataalaia e Iesu ba nonei e tareiena a töa katuun a solonen e Matiu bate gumna tara luman lulu takis. Be Iesu e poeiena i tanen, “Alö go kukutie mou lia.” Ba nonei e takeina me kukutienen.

U Bulungana u Niga tere Iesu Kristo te kolotein e Mak 14:15

Nonei ena haröto ranoui limiou a töa rum pan iasa te hamatskö hakape lila. Hamatskö bera meira a makum teka tena nou rouara.”

U Bulungana u Niga tere Iesu Kristo te kolotein e Mak 14:33

Ba nonei e la merena ere Pita mere Jemis na e Jon, a torinen ema niga koru ii ne toku koru.

U Bulungana u Niga tere Iesu Kristo te kolotein e Mak 2:14

Pöata te tataalaia e Iesu ba nonei e tarena a katuun a lulu takis, a solonen e Livai a pien tere Alpius, nonei e gum ia tara luman takis i tanen bate kuina. Be Iesu e poeiena i tanen, “Kukutie moulia.” Be Livai e takeina me la gono menen.

U Bulungana u Niga tere Iesu Kristo te kolotein e Mak 5:37

Ba nonei e hapiou rena u katuun hoboto egima la gono meien. Kaba ere Pita mere Jemis ne toulanen e Jon nori puku lasi ti la gono meien.

U Bulungana u Niga tere Iesu Kristo te kolotein e Mak 9:2

I murina u tönomo u lan be Iesu e lueiena e Pita mere Jemis na e Jon me la meranen iasa turu töa u pokus pan tina ka pepeisaien. Ba pöata ti taraien ba peisana e Iesu e palisina, ba u hasobö i tanen e butun hiakana me kankanaha koruna. E möa ta töa ta katuun ega antunan markato hahiaka menai u hasobö temar hiaka uu hasobö i tanen.

U Bulungana u Niga tere Iesu Kristo te kolotein e Luk 22:12

Ba nonei te haröto ranoui limiou a makum pan iahana luma iasa te ka hakapa mei u tebol na man gumgum. Nonei tara makum teka tena heroke moa limiou a mamanaka tara kannou.”

U Bulungana u Niga tere Iesu Kristo te kolotein e Jon 11:16

Be Tomas ti ngö hasei e Didimus e poeiena tara palair u katunun tsitsilo, “La mou aragi la, bara tena mate gono merouen.”

U Bulungana u Niga tere Iesu Kristo te kolotein e Jon 14:22

Be Judas (ema Judas Iskariot nei) e poeiena tere Iesu, “O Tsunono, ime temar hatara pepeisa mena moilö a peisamölö i tamulam batema hatara rami a palair u katuun?”

U Bulungana u Niga tere Iesu Kristo te kolotein e Jon 18:17

Ba nonei a tahol teka e poeiena tere Pita, “Alö has a töa katunun tsitsilo tere Iesu?” Be Pita e poeiena, “E möa.”

U Bulungana u Niga tere Iesu Kristo te kolotein e Jon 21:2

Alam mere Saimon Pita, ne Tomas ti ngö hasei “e Didimus,” ne Natanielina i Kena i Galili, na lam a galapien tson tere Sebedi, na huol lel has a aposol i ka gonogono hoboto.

Aposol 12:17

Be Pita e hasoa sei nena a limanen tegi kakamoto uaien. Ba nonei e hatei raneien ime temar halakasa mena meien a Tsunono tara luman karabus. Ba nonei e poeiena, “Alimiou ena hateie mou e Jemis na palair u kristen te butu ualala a ka teka.” Be Pita e laba ranen me la uana tara tana makum.

Aposol 15:13

Pöata ti ranga hakapaien, be Jemis e poeiena, “A matsi hahatoulana, hengo bumia i tar.

Aposol 2:14

Kaba e Pita e tuol gono mer a maloto na töa a aposol me ranga hapanina me poeiena turu katuun, “U katunura i Judia na limiou hoboto te ka mia i Jerusalem, hengo mia i tar ba limiou te atei haniga miou.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 20:8

U lam u para e kulupuia tara rum iasa tu gonoia lam.

Aposol 4:13

Nori i asingoto koru ni timar ranga hatagala uu ere Pita mere Jon batema matout ri, me tara marei haser a huol a katuun teka ima la meia tu skul pan. Nori i asingoto koru me tara marei taleier ti lala gono menaien e Iesu i manasa.

Aposol 4:19

Bere Pita mere Jon e ranga palis raren me poeier, “Alimiou peisa tego hamoue iam a saha ka te nigana i matana e Sunahan. Alam ego hengo raiou limiou, tsi alam go hengoi e Sunahan?

1 Korin 15:7

Ba nonei e butu lel na tere Jemis, na turu aposol hoboto.

Galesia 1:19

Kaba lia uma tarei ta tabina ta aposol. Alia u tara lasi e Jemis e toulana hamatskö a Tsunono.

Galesia 2:9

Na ere Jemis mere Pita ne Jon a pal kapan turu Kristen, nori i tara sabe te hala menai lia e Sunahan a toukui teka, ba nori e haniga rariou lam mere Banabas. Na lam u haniga hobotein tego hatei noahas menai lam u Bulungana u Niga turu katuun te halhal ria turu Jiu, na tegi hatei noahas menaien u Bulungana u Niga turu Jiu.

Jemis 1:1

Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.

2 Jon 1:1

Alia e Jon, a tson a kapan i tamilimiou. Alia e koloto menagi u pas teka i tamölö a tahol te hopö kapiin e Sunahan na galapien has i tamölö. Alia na u katuun hoboto te atei silem u hihatuts u mana, e ngil hamana koru ramou limiou, taraha u raranga u mana e ka nitöana i torirara.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.