3 Jon 1:2 - U Bulunagana U Niga

² A hahikapien i tar, alia e singo silegu tego ka haniga uu lö, bu tuenrei i tamölö te ka haniga here hase nei u namnamei i tamölö.

3 Jon 1:2 Iomraidhean Croise

Matiu 9:12

Kaba e Iesu e hengoe a ka teka me poeiena i taren, “U katuun te moar ta siki ema tatei la uari tere dokta. E möa. U katuun lasi te ka mer a siki te tatei la uar tere dokta.

Pilipai 2:27

E manana, nonei e ka mei a siki pan koru me katsin matena. Kaba e Sunahan e taatagi naien me kato haniga poutse nen. Na e Sunahan e taatagi has naiou lia, taraha alia e namots taatagi lel hasigu.

Pilipai 2:4

Na limiou goma hakats peisa silemi a manka i tamilimiou. E möa. Alimiou go hakats sil has raiam a palair u katuun.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

2 Tesalonaika 2:13

Alam e roron haniga bera mou limiou tere Sunahan, alimiou a pala te taatagi sil rena a Tsunono. Taraha, e Sunahan e hopö kap raiou limiou i mam noa tego lu pouts meraien limiou i tanen. Pöata tu hamana mia limiou turu ranga hamana, u Namnamei i tanen e kato hagogosi a torimilimiou.

Jemis 5:12

A matsi hahatoulana, u raranga teka e pan koruna: alimiou goma tatei peiemi i Kolö tsi i puta na tu töa tu mar ranga bate hamana uamiou iasa. E möa. Alimiou go pei tuneiam “Aa” te mana nen, tsi “E möa” tema mana neien. E Sunahan ena mots hahuna ranou limiou.

1 Pita 4:8

A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

3 Jon 1:1

Alia e Jon, a tson a kapan i tamölö e hala menagi u pas teka i tamölö o Gaius a katuun te ngil korue gulia.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!