2 Timoti 3:3 - U Bulunagana U Niga

³ U katuun ema ngil has raroui u katuun na ema taatagi has raroien. Nori e gamo nariou a tana katuun ba nori tema antunan pile kap naroi u ngilngil u omi i taren. Nori e kato hohomi pinopino rariou u katuun, na nori e omi hase riou a markato a niga.

2 Timoti 3:3 Iomraidhean Croise

Matiu 10:21

“Na nonei tara pöata, u katuun e hala rariou u toularen tegi kato hamate meraien, ba a palair u katuun te haniga nariou tegi atung hamate merai a galapien i taren. Na palair a galapien e omi has rariou u tsinaren na u tamaren, bate kato hamate has rariou.

Matiu 4:1

Tara pöata teka u Namnamei tere Sunahan e peigi menai e Iesu tara makum a palaka tegona torohana menaien e Satan.

U Bulungana u Niga tere Iesu Kristo te kolotein e Luk 10:16

Be Iesu e poeiena turu katunun tsitsilo i tanen, “U katuun te hengo rariou limiou e hengo hase riou lia, na u katuun te tori hasoala rariou limiou e tori hasoala has nariou lia. Na u katuun te tori hasoala narioulia e tori hasoala has ner e Sunahan te haleie moulia.”

U Bulungana u Niga tere Iesu Kristo te kolotein e Luk 16:14

U Parasi i hengoe a manka teka, ba nori e ranga hahakos ria tere Iesu. Taraha? Nori i ngil korui a moni.

U Bulungana u Niga tere Iesu Kristo te kolotein e Jon 6:70

Be Iesu e ranga palis ranen me poeiena, “Alia u hopö kap riou limiou a maloto na huol a katuun. Kaba a töa i tamilimiou a katuun tere Satan.”

U pas te koloto menai e Pol turu kristenira i Rom 1:29

Ba nori e saputu mer a mamana a markato a omi: nori u katuun u gulgulka, na u hihiomi bate tori homi ner a taina katuun bate hiatungur bate hipölir. Na te gamo uaren bate hakats homir bate tuts sil has raier a palair u katuun.

U pas te koloto menai e Pol turu kristenira i Rom 1:31

Nori e hakats papala lasir, batema kukuteri u raranga pouts i taren. Na nori ema ngileri na ema taatagi has nari a tana katuun.

1 Korin 7:5

Möa tu peits nai a hahikapien i tamölö a peisamölö, kaba turu hia hanhaniga i tamilimiou ba limiou tema tatei hiakaka gono bumi bate singo hatagala uamiou tere Sunahan, ba limiou te töan ka gono pouts lel mou. E Satan ena mots torohana ranou limiou bate tara haroho miou.

1 Korin 7:9

Kaba tema antunan tagala namia limiou u ngil turu tuenrei, ba limiou te hitölmiou. E niga bala nena alimiou go hitöl iam, alimiou na mots hengoe miou u ngilngil turu tuenrei i tamilimiou.

1 Tesalonaika 4:8

Na katuun te tori tsuga nena u raranga teka ema tori tsuga nanei u raranga tara katuun tuun. E möa. Nonei e tori tsuga nena u raranga tere Sunahan, e Sunahan te hala ranei limiou u Namnamei u Göagono i tanen.

1 Timoti 3:11

A touhaliou has i taren egi kato haniga batema katoeri tu ranga te poeiena a tana katuun e kato homina. Nori e tatei hakats hanigar bate pakokeier a mamanaka te katoe ren.

Taitus 1:8

Kaba nonei a mar katuun te tatei toulena a katuun bate las mena neien i luma i tanen, na mar katuun te ngileiena a mamanaka a niga. Na nonei ega hakats haniga bate katoeiena a manka te matsköna, na ega kato hasi a mamana markato a gogoso bate hala puta hasena a peisanen.

Taitus 2:3

Na lö go hatuts hasir u toböana egi kukute a markato a niga tere Sunahan bate kato hanigar. Ba nori tema tatei ranga hohomi nari a tai, na u ngilngilina tara tou ua egoma tatei kits kap raien. Ba nori te hatuts rari a palai a man markato a man niga,

Jemis 2:6

Kaba alimiou e sigala ramiou u katuun papala. U tson moni nori te pitaputa rariou limiou bate kout rariou limiou.

2 Pita 2:14

Nori e ngilin tara las uaier turu touhaliou u omi. Ba tema hakaperi u ngilngil i taren te ngil mena rien a markato a omi. Nori e ron gamogamo raier u katuun te hula hakatsir. Na nori i solon alena talein a markato te riri sil menari a ka tara tana katuun, na e Sunahan e ranga hohomi hakapa raien.

2 Pita 2:19

U tson hihatuts teka e roron ranga meraier u katuun egi kukute raien batema tatei karia tara kits kap, kaba nori pouts has te kits kap gono meri a peisa ren a markato a omi i taren. Taraha, a katuun e ron kits silena a saha ka te roron mammam nanen.

2 Pita 3:3

Alimiou go atei mam sileiam a ka teka: tara kapakapana pöata i murimuri, u katuun te kukutier u ngilngil u omi i peisaren e butur romana. Nori e hahakos rariou romana limiou bate ranga ner a Tsunono bate poeier, “Nonei e ranga mamin tega la pouts uamen, ga ime te ka nen, gega la talama. U tamarara i mate hakapa, ga mamanaka e marka noahas uana te ka uaien tara pöata te habuteia e Sunahan a han i puta!”

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

U pas te kolotein e Jut 1:18

Nori i hatei mam raiou limiou me poeier, “Tara kapakapana pöata, u katuun e sigale riou romana a markato tere Sunahan bate katoe riou a manka man omi te ngilin kato naren.”

Revelesin 13:15

A hahuoluna a ka e halein a nitagala tega husa uaien turu kesa tara ka tutuun ba u kesa te töatöana ba nonei te rangana bate kato hamate has rena u katuun hoboto tima hatsunoneien.

Revelesin 13:17

Na katuun tegoma ka mei a hatöatongo teka ema tatei hihol nei na ema tatei hahol has nei. A hatöatongo teka nonei a solona a ka tutuun a töatöa, tsi u hihase tara solonen.

Revelesin 16:6

Taraha, nori u katuun u omi ti atung hamater u katuun i tamölö na u propet i tamölö bate kis ner u rahatsing i taren. Bate here tale nei alö e hala palis ramien u rahatsing tegi ueien. Nori e lueier u nihahuna e popona tara markato a omi i taren.”

Revelesin 17:6

Ba lia e taregu a tahol teka e tutu mei u rahatsing turu katuun tere Sunahan, na e tutu has mei u rahatsing turu katuun ti atung hamate merai ti hamana uaien tere Iesu. Ba pöata tu tareia lia a tahol teka ba lia e asingoto korugu.