2 Timoti 3:2 - U Bulunagana U Niga

² U katuun e ngil korue riou romana a peisaren na e ngil koru hase riou a moni. Nori e ranga sesei nariou a peisaren bate poeier, “Alia a katuun pan.” Na nori e ranga hohomi rariou u katuun na e Sunahan has, bate hipus rariou u tsinaren na u tamaren. Nori ema niga sile roi a manka te ka meren, na nori e rama nariou a markato a niga.

2 Timoti 3:2 Iomraidhean Croise

Matiu 15:6

Ba u raranga te poeiena, ‘Hapaneiam e tamamilimiou’ ema la uanei tara katuun teka. Temar ranga uami limiou. E markato uana teka, alimiou e roron hala putemiou u raranga tere Sunahan te kukute mena milimiou u hihatuts turu tubumilimiou.

U Bulungana u Niga tere Iesu Kristo te kolotein e Luk 12:15

Ba nonei e poeiena i taren hoboto, “Hanei iam bate taratara kap namiou a peisa milimiou tara markato hoboto tara katuun te gulena a mamanaka. Taraha? A mouna a nitöatöa ema lue ria tara mamanaka a para te ka mena a katuun.”

U Bulungana u Niga tere Iesu Kristo te kolotein e Luk 16:14

U Parasi i hengoe a manka teka, ba nori e ranga hahakos ria tere Iesu. Taraha? Nori i ngil korui a moni.

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

Aposol 5:36

Ema manasa korui a töa katuun a solonen e Tiudas e pei hasi, ‘Alia e ka megu a nitagala.’ U 400 tara katuun i hamaneien. Kaba a gamman e atung hamateien, ba u katuun hoboto ti hamanaia i tanen e la kalakalar ba u hihatuts e tia hakapana.

U pas te koloto menai e Pol turu kristenira i Rom 11:18

Möa tu saalaiam bate omi ramiou a pala ti peko ba here rai u kalan ruei. Alimiou goma pei mi alimiou e niga bala talamiou. Alimiou e heremi a kalan ruei tuun. Alimiou ema hauemi a polosona u ruei. E möa. A polosona u ruei te haua ranou limiou.

2 Korin 5:15

Nonei e mate sil raiora hoboto, bu katuun te töatöar, tema töatöa sileri a peisaren peisa, kaba egi töatöa sil hasi e Kristo, nonei te mate sil raien me takei pouts sil has ranen.

Pilipai 2:21

A palair u katuun hoboto e hakats las ner a nikaka peisa i taren, batema hakats sileri a manka tere Iesu Kristo.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

2 Tesalonaika 2:4

A katuun teka e omie nou romana u mamana u mar lotu, ba nonei te katoe noi a peisanen a katuun te pan nena a man lotu. Ba nonei tena gum has noua iahana a Luman Lotu Pan tere Sunahan ba nonei te gamona bate poeiena nonei e Sunahan.

1 Timoti 1:20

A maroro tala ti kukuti ere Himenias mere Aleksenda balia ena haka ragien i limana e Satan, ba nori te hatuts rari tegima ranga hohomi menaien e Sunahan.

1 Timoti 1:9

E hatei nena, a Lo ima haka sil rai u katuun u matskö. E möa. A Lo i haka sile ii u katuun tema kukutieri a Lo tere Sunahan, na u katuun te hipus rer u katuun te mammamir, na u katuun tema tara mareieri e Sunahan bate kato homir, na u katuun te katoeier a manka tema ngilenei e Sunahan na tema tara mareieri e Sunahan bate hakats nitöa ner a manka ni puta. A Lo i haka sile ii u katuun te puli rer u tamaren tsi u tsinaren na u katuun u hihipuli na u katuun u tsiktsikolo na pal tson na touhaliou te hiakaka gono poutsur, na u katuun te kop rer a palair u katuun bate hahol raren, na u katuun u gamogamo. Na mamanaka tema niga neia i matana e Sunahan.

1 Timoti 3:3

Nonei goma tatei ua hatutu ii na egoma katunun hiatatung ii na egoma ngil hasei a moni a parpara. E möa. Nonei has a katuun te tatei tuatamina turu katuun bate kato haniga ranen.

1 Timoti 6:10

Taraha, u ngilngil tara moni a mouna koru a mamana markato a omi. Turu ngilngil pan koru tara moni ba palair u katuun te hapolasa susuler a markato te hamana uarara tere Sunahan bate katoeier a mamanaka a omi te kato hakamitsena a peisaren.

1 Timoti 6:4

A mar katuun teka e ngil koruena a peisanen na ema atei silenei ta ka, na e ngilin ranga sisi tuun mena u ranga. A markato teka e habutena a hiomimi ba katuun te ranga homi nena a tai, bate hiahakhakats homir bate hiangenngenar.

2 Timoti 3:4

Nori e hala rariou u katuun u niga turu pakö i taren. Nori e kato homi pinopino riou batema hakats haniga naroi a markato i taren. Na nori e haka sei korueriou a peisaren. Nori e ngil korue riou a markatona i puta batema ngileri e Sunahan.

Jemis 2:8

Te kukutie moa limiou a lo pan tere Sunahan ti kolotein, alimiou e kato hanigamou. Taraha, a lo pan tere Sunahan e poeiena, alö go mar ngil koru mei a tana katuun temar ngil koru has mena milö a peisamölö.

Jemis 4:16

Kaba alimiou ema markato uami teka. E möa. Alimiou e ranga sesei namiou a manka a man kapan tena katoemi limiou romana. U mar ranga teka e omina.

Jemis 4:6

Kaba u nihitaguhu tere Sunahan e tagala bala nena u ngil i tarara. U raranga tere Sunahan e pei hasena, “E Sunahan e tokitoki nena a katuun te hangisena ba nonei te taguhena a katuun te hateteneiena a peisanen.”

1 Pita 5:5

Na e markato has uana iesana, alimiou u katuun u hitots ego hala puteiam a peisa milimiou turu katuun u kapan. Na limiou hoboto ego hateteneiam a peisa milimiou bate hiatagtaguhumiou. Taraha, u Buku u Göagono e poeiena, “E Sunahan e tokitoki rena u katuun te hangiser, kaba nonei e taguhu rena u katuun te hateteneier a peisaren.”

2 Pita 2:10

Na nonei e tatei hahuna koru has rena u katuun te roron kukuteier u ngilngil u omi i peisaren, bate hipus ner a nitsunono tere Sunahan. U tson hihatuts teka ema matout koruri ba nori te hipusur, na nori ema matoutun ranga homi has rari a pal kapan i Kolö.

2 Pita 2:12

Kaba u tson hihatuts teka e kukute laser u ngilngil i tuenreiren, te kato has uaier u poum u hie na u kori na mankana i latu ti tuhana mei a niatei peisa i peisaren tegi kukute tuun meraien u tsinaren. Nori i tuhana sil tegi pile kap meraien bate atung hamate raier. Na u tson hihatuts u gamogamo teka e ranga hohomi has naier a manka tema atei sile rien, na nori ena kato hataia has rariou. Nori e alater romana te kato hohomi merarien a palair u katuun. Bate ngil koruer tegi kukute menaien u ngilngil u omi i peisaren tara lan. Na nori e nou gono mera riou limiou tara kannou, kaba e kato homi here rari limiou a ka a korkoriana te kato homiena u hasobö. Ba nori te roron sasaala mer a markatona turu gamo i taren.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

Revelesin 13:1

Ba lia e taregu a töa ka a töatöa te butuma i tasi. Nonei e ka mei a maloto a ki, na man hatan tsunono i kaia tara man tötöa man ki hoboto. Na nonei e ka has mei u tohit u baku, na solo a omi e ka has ia i man bakunen.

Revelesin 16:11

Ba nori e ranga homi koru ner e Sunahan i Kolö ti sagoho menaien a kamits pan na u pi u omi. Kaba nori ima palis bana ii a markato a omi i taren.

Revelesin 16:21

Ba u aisina tara langits e rus nama i kolö me rus uana turu katuun, a nitiama tara man tötöa i taren e antunaia tara tohats a maloto a kilogrem. Ba u ais teka e kono homi koru rena u katuun, ba nori e ranga homi koru ner e Sunahan ti hala meraien a nihahuna teka.

Revelesin 16:9

U katuun e ski homir u hiski pan teka, ba nori e ranga homi koru ner e Sunahan te tsunonin a man niomi teka. Kaba nori ima palis bana ii a man markato a man omi i taren bate soloseier e Sunahan.