2 Timoti 1:8 - U Bulunagana U Niga

⁸ Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

2 Timoti 1:8 Iomraidhean Croise

U Bulungana u Niga tere Iesu Kristo te kolotein e Mak 8:38

E resi te matsingolo nariou lia na u Bulungana u Niga i tar turu katunura i romana te katoeier a mamanaka a omi, a Pien Tson te butun Katunuma ena matsingolo has ranouen romana tara pöata te la gono menamen romana u angelona turu ualesala pan tere Tamar.”

U Bulungana u Niga tere Iesu Kristo te kolotein e Luk 9:26

Sanena ta töa ta katuun ega matsingolo naioulia na u ranga i tar, ba lia tu butun Katunuma te matsingolo has nagen romana tara pöata te la meguma lia romana u ualesala i tar na tere Tamagulia na turu angelo u göagono.

U Bulungana u Niga tere Iesu Kristo te kolotein e Jon 15:27

Na limiou has te hatei namou lia, taraha alimiou tu ka gono memou lia tu tanian kui mam ma lia te antunana i romana.”

U Bulungana u Niga tere Iesu Kristo te kolotein e Jon 19:35

Alia e Jon tu tarei a ka teka alia u hatei hakapein u ranga. U raranga i tar e manana, na lia e atei sil hasegu te mana uana u ranga i tar.

Aposol 5:41

Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

U pas te koloto menai e Pol turu kristenira i Rom 1:16

Alia e haröto koru megu u Bulungana u Niga. E Sunahan e haleien a nitagala tego lu pouts merien u katuun hoboto te hamane ren, e la mam uana turu Jiu, bate töan la uana turu katuun tema Jiu ri.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

U pas te koloto menai e Pol turu kristenira i Rom 8:36

Ti mar koloto menaien turu Buku u Göagono: “Alam e ka heremi u katuun i tamölö, nonei te katsin atung hamate nitöa merari lam u katuun Nori e kato here rarilam u sipsip te kato hamate raier.”

U pas te koloto menai e Pol turu kristenira i Rom 9:33

Ti mar koloto has menaien turu Buku u Göagono: “Tara. Alia e hake gou a hatu i Saion, a hatu te tutu ranoua u katuun. Ba u katuun te hamana ria romana i tanen tema tatei hamatsingolo raroien.”

1 Korin 1:6

A niatei ti hala rai lam alimiou e hatei nena te mana uana u raranga tere Iesu Kristo i gusu milimiou.

2 Korin 6:7

Alam e ranga hamanam na lam e ka mem a nitagala tere Sunahan. Alam e kui mem a markato a niga na matskö tara pal matou na u raranga tere Sunahan tara pal keruka.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 3:13

Na lia e hatei ragou limiou, alimiou goma tori tiama silemi te sagoho kamits sil mera gilia limiou. Taraha, a ka teka e haröto nena alimiou ema katuun papala mi i matana e Sunahan.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 3:10

Alia e ngilin atei haniga sil korueiegu e Kristo. Na lia e ngilin atei sil hasegu a nitagala te hatakei ien tara tou mate. Alia e ngilin sagohegu a kamits te sagoheien, ba lia tena here noahase goien tara pöatan mate i tanen.

Pilipai 4:13

E Kristo nonei te hale noi lia a nitagala, na te hantune noulia tara mamanaka hoboto.

Kolosi 1:11

E Sunahan e tatei kato hatagala ranou limiou e antunana tara nitagala pan i tanen, ba limiou te sasaala memiou tego kato nitöa menami u ngilngil i tanen bate niga mia i tanen.

Kolosi 1:24

Alia e sasaala megu te sagoho mena gilia a kamits te taguhu mera gilia alimiou. Tara kamits i tar alia e ngilin kato hantue negu a kamits tere Kristo te sagoheien tego taguhu meraien u katuun i tanen, te hereri u tuenrei i tanen.

1 Tesalonaika 3:4

U mana koru, a pöata tu ka gono meraia lam alimiou i manasa, alam u hatei mam railimiou tego lu merai ra a kamits. Ba nonei e mar butu hamana has uana ti mar atei uaiam limiou.

1 Timoti 2:6

Nonei e hala sile ii a peisanen tego sakahis meraien u katuun hoboto, bate haröto nena u ngilngil tere Sunahan i tarara, tere na pöata peisa noahas ien.

2 Timoti 1:10

Kaba a ka teka i halakasa sila nama te butuma e Iesu Kristo te lu pouts meraien ra. Nonei e poki a nitagala tara tou mate me hala raneira a nitöatöa. Turu Bulungana u Niga teka te hala sila namen u ualesalana tara nitöatöa te ka nitöana.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 1:16

Na lia e ngilegu a Tsunono ega taatagini e Onesiporas na pala i tanen, taraha, a pöata a para nonei e kato hasasaaleiou lia. Nonei ema matsingolo mei te ka uagu lia tara karabus.

2 Timoti 2:3

Alö go sagoho gono has mei lia a kamits, tego tagala sil menai lö e Iesu Kristo.

2 Timoti 2:8

Hakats kapiin e Iesu Kristo te takei poutsia tara tou mate, a hatutubunei tere Devit a King. U Bulungana u Niga te habulungana naiegulia te hatei nanen.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.

2 Timoti 4:5

Kaba lö go tara kap hanigein a peisa mölö tara saha ka te hakamitse noulö. Alö go ranga hatei lan u Bulungana u Niga bate kuieiem a mamana toukui hoboto te katunun kui ua mölö tere Sunahan.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

1 Jon 4:14

Na ra i tara hakapa, e Tamarara e hala sile mei a Pien Tson i tanen tegomi haka haniga meraien u katunura i puta. Alam e hatei hamana koru namen.

U pas te kolotein e Jut 1:24

Alimiou go soloseiam e Sunahan, taraha nonei a Tsunono Pan te antunan luba ranei limiou a man markato a man omi bate haka ranoua limiou i rehinen. Ba limiou te möa lel mou ta ka ta omi i tamilimiou, bate töan sasaala nitöa mou.

Revelesin 1:2

Alia e hatei negu a manka hoboto tu tari lia, u raranga tere Sunahan na tere Iesu Kristo.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”