2 Timoti 1:6 - U Bulunagana U Niga

⁶ Tara manka teka ba lia te hatei lele goulö, go hatakei poutsi a ka a niga te hale ii lö e Sunahan tara pöata tu hatakopeia lia a limar i tamölö.

2 Timoti 1:6 Iomraidhean Croise

U Bulungana u Niga tere Iesu Kristo te kolotein e Luk 19:13

Kaba i mam te laien, ba nonei e ngö gögono rena a maloto a katunun kui i tanen me hala raneien a maloto a maina moni. Ba nonei e ranga mera nen, ‘Alimiou e kui memou a moni teka e popona tena la pouts guma romana lia.’

Aposol 19:6

Pöata te hatakopeia e Pol a limanen ieluren, ba u Namnamei u Göagono e koul uanama i taren. Ba nori e ranga ria turu mamana u mar ranga, me ranga ner a manka te butu moto nou.

Aposol 6:6

Ba nori e hatuol raria u katuun teka i matar u aposol, ba nori e singo uaier tere Sunahan me hatakope ria a limaren i taren tega kalala meraien e Sunahan tara toukui i taren.

1 Tesalonaika 5:19

Möa tu torohanan hapiou naiam u Namnamei u Göagono.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

2 Timoti 2:14

Alö go hatei lel rai u katuun a manka teka balö te ranga hatagala meramen i matana a Tsunono tegima pilits menaien u ranga. A markato teka ema taguhe nei a katuun, e kato hohomi tuun rena u katuun te hengoer u raranga teka.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

2 Pita 1:12

Nonei te ngilin ranga hatei kapin töa mera gilia limiou ba u hakats i tamilimiou te hakats kap nitöanena a manka teka, noahasina ti atei sil hakapa memien limiou bate tuol hakarapoto mia turu raranga u mana tu lueiam limiou.

2 Pita 3:1

A man hahikapien i tar, alia e koloto menagi u hahuoluna u pas teka i tamilimiou. Turu huol hoboto u pas teka alia e torohanan hatakeiegu u hakhakats u niga i tamilimiou bate hatei lel ragi limiou a manka ti atei sil hakapa haseiam limiou.

U pas te kolotein e Jut 1:5

Alimiou u atei sil hakapeiam a manka te katoi a Tsunono i manasa, kaba alia e ngilin hatei lel ragien limiou. E Sunahan e taguhir u katunur i Israel me luba rena men turu tsiktsiki i Itsip. Kaba i murinen nonei e kato hamatir u katuun ti hahamanaia i gusuren.