2 Timoti 1:5 - U Bulunagana U Niga

⁵ Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

2 Timoti 1:5 Iomraidhean Croise

U Bulungana u Niga tere Iesu Kristo te kolotein e Jon 1:47

Pöata te tara raien e Iesu ba nonei e ranga nena e Nataniel me poeiena, “A toun Israel hamana te la nama teka. Nonei ema tatei gamogamo nei.”

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

Aposol 26:26

U mana koru a King e atei silena a manka teka, na i matamölö alia ema matsingolo nagi tego ranga uu lia. Alia e atei hamana sil koruegu e möa ta ka tega mous bani a matamölö, taraha a manka teka ima katoei i mous.

U pas te koloto menai e Pol turu kristenira i Rom 14:14

Alia e atei silegu na e Iesu a Tsunono e haröte ii lia a ka te markato uana teka, e möa ta ka i tanen peisa ega omi. Kaba te poeiena a katuun e omina ba ka teka te omi hasna i tanen.

U pas te koloto menai e Pol turu kristenira i Rom 14:5

A taina katuun e tatei poeiena a palaina u lan e panir na palaina u lan e möa. Na taina katuun e tatei poeiena, a man lan hoboto e kato uana iesana. Bara. A man tötöa a man katuun egi atei haniga sil temar hakats uaren.

U pas te koloto menai e Pol turu kristenira i Rom 15:14

A matsi hahatoulana, alia e hamanegu alimiou u katuun u niga koru ba limiou te ka memiou a niatei te antunan hatuts pouts memi limiou a peisamiou.

U pas te koloto menai e Pol turu kristenira i Rom 4:21

Nonei e hamana hatagala koru, na nonei e atei sil e Sunahan e antunan habutena a ka te ranga hamana naien.

U pas te koloto menai e Pol turu kristenira i Rom 8:38

Alia e hamana koruegu e möa koru ta ka tega hatongo kap raiou ra be Sunahan tema taatagi lel ranoui ra: a tou mate tsi a nitöatöa, na angelo na nitagala i kolö na i puta, na mankana i romana na mankana i murimuri, na mankana iasa na mankana i puta. E möa koru ta ka tega tatei luba reia ra turu ngilngil pan tere Sunahan. Na e Iesu Kristo a Tsunono i tarara e haröto ranei ra u ngilngil pan teka tere Sunahan.

2 Korin 6:6

Alam e kato hanigam ne atei silem a ka a mana ne tuatamim na e niga mia turu katuun. Na man markato teka e haröto nena alam u katunun kui tere Sunahan. U Namnamei u Göagono te hakui ranou lam ba lam te ngil hamana has rem u katuun.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 3:15

Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.

Hibru 11:13

U katuun hoboto teka i mate hakapa, kaba nori i hamana noahasi e Sunahan. Nori ima lue ii a manka te ranga meraien e Sunahan, kaba nori i taran lehana tuun naien me hanige ren. Ba nori e hatei ner nori u katunun hulala tuun i puta tara tsitabubun pöata.

Hibru 6:9

Alam e mar ranga uaiem teka, kaba lam e hamanem a markato i tamilimiou e niga bala nena a markato a omi teka, taraha e Sunahan e lu pouts raiou limiou.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.