2 Timoti 1:3 - U Bulunagana U Niga

³ Alia e haniga uagu tere Sunahan te solosei mena gilia u hakats u gogoso ti markato has uu tubur i manasa. Na lia e haniga uagu i tanen tara lan na bong te singo sil menagi lia alö.

2 Timoti 1:3 Iomraidhean Croise

U Bulungana u Niga tere Iesu Kristo te kolotein e Luk 2:37

Na amoaba teka e ka mei u töal u maloto na u tohats u hiningal. Nonei ema tatei la banai a Luman Lotu Pan. Tara lan na tara bong nonei e roron hatsunoni e Sunahan te singo uaien i tanen bate roron agono has nena a kannou.

Aposol 22:3

Be Pol e poeiena, “Alia a toun Jiu ti poseia i Tasus, a taun i Silisia. Kaba alia u pan ia tara taun teka i Jerusalem na e Gamaliel nonei a tson hihatuts i tar. Alia u tsitsiloia tara man Lo hoboto turu tuburara, na lia u tagala sil koru tego kukute haniga menai lia e Sunahan, te kato has uami limiou hoboto i romana.

Aposol 23:1

Be Pol e tara hamatskö uana tara pal kapan me poeiena, “Man hatoulana, alia u ka mei u hakats u alesala nitöa i matana e Sunahan te la noa hasina i romana, a torir ema pei töe ii ‘Alö e kato homim.’ E möa.”

Aposol 24:14

Kaba alia e hatei goulö, nonei a Maroro teka tara Tsunono te ngöe rien ‘A markato te peko menari a hun katuun,’ e manana alia e roron kukutie gen. Alia e kukutiegu a Maroro teka ba lia te singo uagu tara Got turu tubumulam e Sunahan. Alia e hamanegu u raranga hoboto te kana tara Lo tere Sunahan na u ranga hoboto ti kolotein u propet.

Aposol 24:16

Ba tara mamana pöata a torir e tagala silena tego matskö uu lia i matana e Sunahan na i matar u katuun has.”

Aposol 26:4

“U Jiu hoboto e atei siler a markato i tar tu pien noaia lia bate antunana i romana. Nori e atei siler tu kaia lia i han, na i Jerusalem.

Aposol 27:23

Taraha, i bong a töa angelo e tuol lala i rehir, a angelo tere Sunahan te hopö kap naiou lia, e Sunahan te hatsunone gulia.

U pas te koloto menai e Pol turu kristenira i Rom 9:1

Alia e ranga hamana negu a nimana tere Kristo, alia ema gamogi. U Namnamei u Göagono te kato halesalena u hakats i tar, na lia e atei gia i torir u raranga teka e manana. A mamana pöata a torir e roron taatagi koruna bate tiamana te hakats hapara sil mera gilia u katuun i tar. Alia e tatei ngil noa hasegu tego korupakö menai e Sunahan alia bate luba nanei lia e Kristo, ba u Jiu te lueier a makum i tar, tega antunan lu pouts meraien e Sunahan tara maroro teka. Nonei temar ngil hapopo mera gien lia.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

Galesia 1:14

Alia u tagala sil korui a markato turu tubur u Jiu, bate kato salsaluhe raiegu u katuun ti totou posa gono merai lia ti kukuti u lotu turu Jiu.

1 Tesalonaika 3:10

Na lam e roron singo hatagala korum tara lan na bong tego tatei tara menai lam a peisa milimiou na tego taguhu merai lam alimiou tara pöata te lagi hamana mia limiou.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Timoti 5:5

Kaba a amoaba te möa koru ta katuun tega tara kap naien, nonei e hakena u nihamana i tanen tere Sunahan bate singo hataatagi nitöa uana i tanen tara lan na tara bong.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

2 Timoti 3:15

Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.

Hibru 13:8

E Iesu Kristo, nonei puku noahasina i manasa, na i romana na tara mamana pöata. Nonei ema tatei palis nei.