2 Timoti 1:12 - U Bulunagana U Niga

¹² Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

2 Timoti 1:12 Iomraidhean Croise

Matiu 12:21

Na u katuun tema Jiu ri e hamane roen bate hahalose ren.”

Matiu 24:36

Be Iesu e poeiena, “Kaba e möa ta töa tega atei sileiou u lan tsi a aua te butu nama romana a manka teka. U angelo ri Kolö has ema atei roi, na lia has tu butun Katunuma ema atei has goi. E Tamar puku lasi te ateina.

Matiu 7:22

Nonei turu Lan teka, a parpara a katuun e poeiena romana i tar, ‘O Tsunono, o Tsunono. Alam u hihatuts silaia tara solomölö na lam u tsuga ba has raia u liliahanei u omi tara solomölö, na lam u kato sila has naia a man hiharöto tara solomölö.’

U Bulungana u Niga tere Iesu Kristo te kolotein e Luk 10:12

Alia e ranga mera goulimiou, turu lanin hahuna tere Sunahan, u katuun tara taun teka e lue riou a nihahuna te pan bala nanou a nihahuna turu katuun u omi ra i Sodom.”

U Bulungana u Niga tere Iesu Kristo te kolotein e Luk 23:46

Be Iesu e ku hapan koruna, “O Tamagulia! Alia e hake gia u namnamei i tar i limamölö!” Nonei e mar ranga las uu teka bate matena.

U Bulungana u Niga tere Iesu Kristo te kolotein e Jon 17:15

Alia ema rangata silegi alö go luba raien tara han i puta teka. E möa. Alia e rangata silegu tego hatongo kap meraien lö tara nitagala tere Satan.

U Bulungana u Niga tere Iesu Kristo te kolotein e Jon 6:44

A katuun ema antunan la peisa mena mei u ngil tanen, e Tamar noahas tena hale noien u hakhakats u niga ba nonei tena la nama i tar. Na lia e hatakei poutse goen romana tara tou mate tara kapakapana a pöata.

Aposol 13:46

Ti markato uaien teka be Pol mere Banabas e ranga hatagala korur me poeier, “E matsköna tu hala mam merai lam alimiou u raranga tere Sunahan. Kaba limiou e tori tsuga ba namen bate kato here nami a peisamiou u katuun te raman lu ner a nitöatöa te ka nitöana. Te kato uanen teka ba lam te la hamanasam tara pala tema Jiu ri.

Aposol 13:50

Kaba palair u Jiu i hatakei a raharaha tara touhaliouna turu lotu ti ka mei a solo pan, na turu tsunono has tara taun teka, ba nori e tanian kato homi rer ere Pol mere Banabas. Ba nori e tsuga ba rarien tara han i taren.

Aposol 21:13

Ba nonei e ranga palisina me poeiena, “Aha te tabe sile milimiou? Alimiou e kato hatitiama koruemiou a torir. Te ngilin kits narouen lia tara karabus, alia e tatei karabusugu, na lia e haniga hasigu tegona mate sil menai lia e Iesu i Jerusalem.”

Aposol 7:59

Tara pöata ti titi hateien e Stiven, ba nonei e mar singo uana teka, “O Iesu a Tsunono, lui u namnamei i tar!”

Aposol 9:16

Alia peisa te haröte goien romana a kamits pan tena lue nouen. U katuun te rama nariou lia e kato hakamitse rouen romana.”

U pas te koloto menai e Pol turu kristenira i Rom 1:16

Alia e haröto koru megu u Bulungana u Niga. E Sunahan e haleien a nitagala tego lu pouts merien u katuun hoboto te hamane ren, e la mam uana turu Jiu, bate töan la uana turu katuun tema Jiu ri.

U pas te koloto menai e Pol turu kristenira i Rom 9:33

Ti mar koloto has menaien turu Buku u Göagono: “Tara. Alia e hake gou a hatu i Saion, a hatu te tutu ranoua u katuun. Ba u katuun te hamana ria romana i tanen tema tatei hamatsingolo raroien.”

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

1 Korin 3:13

Taraha, turu Lan Pan tere Kristo, ba toukui turu katuun hoboto te haröto naria romana turu ualesala. U tula te haröto nanou a toukui turu katuun hoboto, na u tula noahas te torohane nou a saha mar toukui ti katoi a man tötöa man katunun kui.

Pilipai 1:20

A torir e ngil hatagala koruena na e hamana koru hasena alia ema katoe goi ta ka tego kato hamatsingole ioulia. Na tara mamana pöata alia ema ngilin matout gi. Na lia e ngilegu a peisar hoboto ega hapani e Kristo, te töatöa noa gialia tsi tena mate goalia.

Pilipai 3:10

Alia e ngilin atei haniga sil korueiegu e Kristo. Na lia e ngilin atei sil hasegu a nitagala te hatakei ien tara tou mate. Alia e ngilin sagohegu a kamits te sagoheien, ba lia tena here noahase goien tara pöatan mate i tanen.

Pilipai 3:21

Nonei e hapalisena romana u tuenrei i tarara bate kato here naneien u tuenrei i tanen te niga nitöana. Nonei e katoenou a ka teka tara nitagala noahas temar tsunono pan mena neien a mamanaka.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.

1 Tesalonaika 5:4

Kaba limiou a matsi hahatoulana ema ka mia turu kuhil, ba limiou te asingoto namou nonei u lan teka.

1 Timoti 6:20

O Timoti, tara kapiin a manka hoboto ti hale ii lö. Ka halehana ban u ranga pinopino tema hapane nei e Sunahan, na turu rangan raharaha turu katuun te gamor bate poeier e ka mer a niatei.

2 Timoti 1:14

Pile kap hanigein a ka a niga te hale ii lö u Namnamei u Göagono te kana i torirara.

2 Timoti 1:16

Na lia e ngilegu a Tsunono ega taatagini e Onesiporas na pala i tanen, taraha, a pöata a para nonei e kato hasasaaleiou lia. Nonei ema matsingolo mei te ka uagu lia tara karabus.

2 Timoti 1:18

Na lö e atei haniga sil hasem temar taguhu menaien lia i Epesis. A Tsunono e tatei hanige nen tegona sabe menaien a nitaatagi tara Tsunono turu Lan Pan te la nama.

2 Timoti 1:8

Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Hibru 2:18

E Iesu e antunan taguhu rena u katuun te torohana raier, taraha nonei e ka has mei a man torohana i oulnen peisa me söata meneien u kamits.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

1 Pita 1:5

Na tara nihamana i tamilimiou na nitagala i tanen, nonei e tara kap ranou limiou, e antunana tena lue moua limiou a nihitaguhu teka te hahalosena tegi haröto menaien tara kapakapana a pöata.

1 Pita 4:16

Kaba tego kamits sil mena milimiou te kukute mena milimiou e Kristo, alimiou goma matsingolo memien. E möa. Alimiou go haniga uaiam tere Sunahan te ka mena milimiou u solon “kristen.”

1 Pita 4:19

Na e markato uana teka, te kamits sile mia limiou u ngilngil tere Sunahan, ba limiou te kato haniga miou, bate hake mia a nitöatöa i tamilimiou i limana e Sunahan te kato raiou limiou. Nonei e roron kato hamanena a ka te ranga nanen.

U pas te kolotein e Jut 1:24

Alimiou go soloseiam e Sunahan, taraha nonei a Tsunono Pan te antunan luba ranei limiou a man markato a man omi bate haka ranoua limiou i rehinen. Ba limiou te möa lel mou ta ka ta omi i tamilimiou, bate töan sasaala nitöa mou.