2 Timoti 1:10 - U Bulunagana U Niga

¹⁰ Kaba a ka teka i halakasa sila nama te butuma e Iesu Kristo te lu pouts meraien ra. Nonei e poki a nitagala tara tou mate me hala raneira a nitöatöa. Turu Bulungana u Niga teka te hala sila namen u ualesalana tara nitöatöa te ka nitöana.

2 Timoti 1:10 Iomraidhean Croise

U Bulungana u Niga tere Iesu Kristo te kolotein e Luk 11:36

Te alesala hoboto na iahamölö, bate möana tu kuhil, ba nonei te alesala sokö na, te kato uana u lam te alesala uana i tamölö.”

U Bulungana u Niga tere Iesu Kristo te kolotein e Luk 13:7

Ba nonei e poeiena tara katuun te tara kapiin a kui i tanen, ‘Tara, turu topisa u hiningal alia u lala uama teka timi sake menai ta hua turu ruein fik teka, kaba lia u ma mala sabe ii ta hua. Bara, ngats ban! Nonei e namots hakapa pinopinoena a kannou turu tsiktsiki.’

U Bulungana u Niga tere Iesu Kristo te kolotein e Luk 2:11

A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

U Bulungana u Niga tere Iesu Kristo te kolotein e Jon 1:9

Nonei hamatskö koru u ualesala teka te halesala rena u katuun hoboto e lauama i puta.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 20:31

A man raranga teka i koloto sile ii tego hamana mena milimiou e Iesu nonei e Mesaia, a Pien Tson tere Sunahan. Na te hamana mia limiou i tanen ba limiou te lu sila has namoua a nitöatöa tara solo nen.

U Bulungana u Niga tere Iesu Kristo te kolotein e Jon 4:42

Ba nori e hateier nonei a tahol me poeier, “Alam u tanian hamana uu tere Iesu tu hengo menai lam u ranga i tamölö. Kaba, alam e hamana koru lel talam, taraha alam e hengo peisa tala mula, na lam e atei sil hamana koru talem, nonei koru a katuun teka ti hala sile mei tegomi luba menaien a man markato a man omi turu katunura i puta.”

U Bulungana u Niga tere Iesu Kristo te kolotein e Jon 5:40

Kaba alimiou e raman la uamuma i tar bate mi luemiou a nitöatöa te ka nitöana.

Aposol 13:23

I murimuri e Sunahan ena habute nou e Iesu tara pala tere Devit, a katuun tena lu pouts ranoura temar ranga hamana uu e Sunahan i manasa.

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

U pas te koloto menai e Pol turu kristenira i Rom 16:26

Kaba i romana e butu halesalana i matar u katuun. Na u raranga ti kolotein u propet e halakasi a nimana tere Sunahan, a Sunahan te ka nitöana. E Sunahan e hakei u raranga u tagala tegi habulungana menai u raranga teka turu katuun hoboto, ba nori te tatei hamana ria i tanen bate hengo hase ren.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

U pas te koloto menai e Pol turu kristenira i Rom 3:31

Ge hana, ara e kato homiera a Lo tere Mosis te kukute mena reira a markatona turu nihamana? E moa koru. U nihamana i tarara te tupa mera neira tara saha ka te ngilena a Lo.

U pas te koloto menai e Pol turu kristenira i Rom 6:6

Ara e atei silera a markato a omina i tarara na i manasa i hakute gono mei e Kristo tara kuruse, ba ra tema tatei kukute lel narei a markato a omi.

1 Korin 15:26

A tou mate, nonei a kapakapana a man pakö tega hakapeien.

1 Korin 4:5

Na limiou goma ona rami u katuun i mamuna a pöata tena la nama romana a Tsunono. Nonei te ona hamatsköe nou a manka te mousna turu kuhil bate hakei nouen turu ualesala, bate haröto has nanou u hakats turu katuun. Be Sunahan te hala ranoui u katuun hoboto u rangan haniga i taren.

2 Korin 5:4

Pöata te ka noa mia lam tara taluhu i puta, a nikamits e pan koruna ba torimulam te tiama koru hasina, alam ma ngilin beloso mi. E möa. Alam e ngilin luem u tuenreina i Kolö. Ba ka te matena te hapalis uana tara ka te töatöana.

Galesia 5:4

A katuun te kukute sile nei a Lo turu Jiu tega matskö uaien i matana e Sunahan, nonei e luba nena a peisanen tere Kristo. E Sunahan ema antunan hanige neien.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

Epesis 1:9

E Sunahan e atei soköna, na nonei e haröto raira a ka te mous i manasa, a ka te ngilin kato meien e Kristo.

2 Tesalonaika 2:8

Ba nonei tara pöata teka, a katuun a omi e butu nou. Ba tara pöata te la pouts nama romana e Iesu a Tsunono, nonei e butu menama romana a nitagala i tanen bate husa hamatie nen.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.

2 Timoti 1:8

Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Taitus 2:11

A niniganiga tere Sunahan e butu hakapa me hala ranei u katuun a maroro tegi taguhu meraien u katuun hoboto,

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Taitus 3:4

Kaba e noahasina ti markato uu ra teka, e Sunahan e harötein a nitaatagi na u pannen u ngilngil i tanen,

Hibru 10:32

Alimiou go hakats pouts naiam a pöata i manasa. I murina tu butu tutuun mia limiou turu ualesala tere Sunahan, alimiou u lueiam a kamits na niomi a parpara, kaba limiou uma hapolasa mi. E möa.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.

2 Pita 1:3

Tara nitagala pan i tanen nonei e hala raira a mamanaka te hantuna ranou ra tegi kato menai ra a markato a niga i tanen. Nonei e taguhu mera neira te atei sil mena reien ra, na te atei sil mena reira nonei te ngö meraira tegina lu gono menaien ra a nikapan na niniganiga hamatskö i tanen.

2 Pita 2:20

Kaba tego atei sileia a katuun e Iesu Kristo a Tsunono i tarara, te lu pouts raiou ra, bara te laba naiera a man markatona i puta. Ga te pilpiloto pouts roien tara markato a omi i taren, ba a nikaka turu katuun teka te omi bala koru lel tala nanou a nikaka taren i manasa.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

2 Pita 3:2

Alimiou go hakhakats kap naiam u raranga ti rangein u propet u niga i manasa, na u raranga tara Tsunono te lu pouts raiou ra, u ranga ti hala mera lelam u aposol i tamilimiou.

1 Jon 1:2

A nitöatöa teka e butu halesalama ba lam e tare men me habulungana namen, na nitöatöa teka e ka nitöana. Nonei a nitöatöa te kagono mei e Tamarara, memi töan butu halesalana i tarara.

1 Jon 4:14

Na ra i tara hakapa, e Tamarara e hala sile mei a Pien Tson i tanen tegomi haka haniga meraien u katunura i puta. Alam e hatei hamana koru namen.

Revelesin 18:1

I murina a ka teka alia u tarei a tana angelo te koulma i Kolö bate ka mena a nitsunono pan. Na u ualesala i tanen e alesala sokö uu turu han hoboto i puta.

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”

Revelesin 20:14

Ba Tou Mate na Han turu Mate e lapo raria iahana a kiou pan te saputi u tula. A kiou teka nonei a hahuoluna a tou mate.

Revelesin 22:14

U katuun te galuser u hasobö i taren egi sasaala. Nori te tatei tasu ria tara tamana tara taun na e tatei nou ria tara huana u rueina tara nitöatöa.

Revelesin 22:17

U Namnamei tere Sunahan e poeiena, “Lama!” Na hun katuun tere Iesu te hereri a tahol te katsin hitöluna e poeier, “Lama!” Na esi te hengoena a ka teka ega pei hasi, “Lama!” La muma, u katuun hoboto te makar. Eresi te ngilin uar emi tatei ueier u ramununa tara nitöatöa te möa ta hihol.