2 Korin 11:9 - U Bulunagana U Niga

⁹ Na pöata tu ka gono meraia lia limiou ba moni i tar e makmakumuna, alia uma singoe ii ta moni i tamilimiou. Taraha, a matsi hahatoulana ti lama i Masedonia i mi pioue ii lia a manka tu ngili lia. Alia uma mala singoe ii ta moni i tamilimiou, na lia ema antunan hatiama ragi limiou bate singoe gou ta moni tara man pöata te la nama.

2 Korin 11:9 Iomraidhean Croise

Aposol 18:3

Nori u mun tahol i ka mei a töa mar toukui te ka has mei e Pol, be Pol e ka gono mera nen ba nori te kui hobotor. Nori i atein kuin a luma labalaba.

Aposol 18:5

Pöata tina tukuia ere Sailas mere Timoti ti laba namen i Masedonia be Pol te pina mena te habulungana menaien u ranga turu Jiu me poeiena, “E Iesu nonei e Mesaia.”

Aposol 20:33

Alia uma kato sile ii tego lu menai ta moni tsi tu hasobö tara tana katuun.

U pas te koloto menai e Pol turu kristenira i Rom 15:26

Taraha, a hun katuun tere Kristo i Masedonia na i Gris e hala naier u moni tegina taguhu merai u katuun tere Kristo i Jerusalem ti möa ta ka.

1 Korin 16:17

Alia e sasaala koru megu ti la uama ere Stepanas mere Potunatus ne Akaikas. Taraha, nori i la tupu naiema tima la uamumei limiou teka.

2 Korin 6:4

Kaba, te kui be mialam e Sunahan tara mamanaka te katoe mulam, a nomi na toukui pan a parpara e butuna i tamulam na lam e roron makmakum ba has nem a manka te ngile mulam, kaba lam e hamana haniga noa hasim.

2 Korin 9:12

A toukui a niga teka te katoe milimiou e taguhu rena u katuun tere Sunahan, ba u katuun u para te hengo narouen bate haniga koru uariou tere Sunahan.

Pilipai 2:25

Kaba lia e hakats negu e hahankana tegi hala mam pouts menai e Epaprodaitus i tamilimiou. Nonei a hahatoulana i tarara ti hala nemuma limiou tegomi taguheiou lia. Nonei e kui hatagala gono meiou lia turu Bulungana u Niga.

1 Tesalonaika 2:6

Alam ema kui silemi a solo pan te aposol uamulam. E möa. Alam ema ngilemi alimiou go hapan ramou lam na lam ema ngil hasemi a tana katuun ega hapan raiou lam. E möa.

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

Hibru 11:37

A palai i ti hamate tuun rai a hatu, na palai i so kots tunir, na palai i ngats hamate rai u lahoton hiatatung. Na palai i hapous tuun rai a pikpiköna a sipsip na meme. Nori i möa koru ta ka, na u katuun i kato hohomi koru raien.