2 Korin 1:1 - U Bulunagana U Niga

¹ Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

2 Korin 1:1 Iomraidhean Croise

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

U pas te koloto menai e Pol turu kristenira i Rom 15:26

Taraha, a hun katuun tere Kristo i Masedonia na i Gris e hala naier u moni tegina taguhu merai u katuun tere Kristo i Jerusalem ti möa ta ka.

U pas te koloto menai e Pol turu kristenira i Rom 16:21

E Timoti a katuun te kukui gono megu lia e hala ranei limiou a niniganiga i tanen. Na e Lusius ne Jeson ne Sosipater has, nori a hun katuun i tar, e hala has ner u hanhaniga i taren i tamilimiou.

U pas te koloto menai e Pol turu kristenira i Rom 16:5

Batena hala has namou a niniganiga i tar turu kristen te roron hagum hoboto ria tara luma i taren. A niniganiga has i tar tere Epinitus a tsomi koru i tar. Nonei a katuun tutuun tara provins i Eisia te hamana uu tere Kristo.

1 Korin 10:32

Alimiou go hakats raiam u Jiu na u katuun tema Jiu ri na u katuun has tere Kristo, ba limiou tema kato homi mia i mataren.

1 Korin 16:10

A pöata te tukuna romana e Timoti hateiam, e möa ta ka tego matouteien i tamilimiou, taraha nonei e kuiena a toukui tara Tsunono te kui hasegu lia.

1 Korin 16:15

Bara a matsi hahatoulana alimiou e atei silemiou e Stepanas na pal katuun i tanen. Nori u katunura i Gris ti hamana tutuun uu tere Kristo. Turu ngil peisa i taren ba nori te taguhu koru rer u katuun tere Sunahan.

1 Korin 16:24

Alia e hala ragi limiou hoboto a niniganiga i tar te hamana hoboto uara ra tere Iesu Kristo. U mana. Alia e Pol

1 Korin 6:11

A palai i tamilimiou i kato has uu teka i manasa. Kaba e Sunahan e galus hakapa ban a man markato a man omi i tamilimiou bate hagöagono ranou limiou. Nonei e kato hamatskö sila raia limiou tara solona e Iesu Kristo a Tsunono na turu Namnamei tere Sunahan i tarara.

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

2 Korin 1:23

Alia e singo hatagala gia tere Sunahan te tatei ranga be noulia tara nimana turu ranga te ranga negu lia. Alia u ma la mei i Korin, taraha alia u raman tego ranga hatagala uu lia i tamilimiou.

2 Korin 11:10

Alia e hatei hamana ragia limiou tara solo tere Kristo, u ranga te hatei la nena a markato teka i tar ema hapiou naria tara man han i Gris.

2 Korin 9:2

Alia e atei silegu alimiou e ngilin taguhu ramen. Pöata tena ranga goua lia tara tei Masedonia, alia ena ranga sesei nitöa ragou limiou bate poeiegu, “A matsi hahatoulana tere Kristo tara provins i Gris i ngilin hala noa hasiin a monin hitaguhu turu hiningal te la hakapa.” U ngilin hitaguhu i tamilimiou e kato has ranen ba nori te ngilin hitaguhu hasir.

Galesia 1:1

Alia e Pol, na man hahatoulana i tar te hamana mia tere Kristo, e hala menami u pas teka i tamilimiou u katuun u kristen te ka mia tara provins i Galesia. Alia a aposol. Na u katuun tuun tima halei lia a toukui teka. E möa. A toukuin aposol i tar e butuma tere Iesu Kristo na tere Tamarara e Sunahan te hatakei poutsi e Iesu tara tou mate i tanen.

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

1 Tesalonaika 1:1

Alam ere Pol mere Sailas na e Timoti e koloto menami u pas teka i tamilimiou hoboto, u kristenira tara taun i Tesalonaika te pala uar tere Sunahan e Tamarara, na u katuun has tere Iesu Kristo a Tsunono. Sunahan e tatei taatagi ranou limiou bate hala has ranoui limiou a masalohana.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

2 Tesalonaika 1:1

Alam ere Pol mere Sailas na e Timoti e tara pouts ramou limiou i romana, alimiou hoboto u katuun tere Sunahan e Tamarara na u katuun has tere Iesu Kristo a Tsunono. Alam e hala menami u pas teka i tamilimiou u kristenira tara taun i Tesalonaika.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

Pilimon 1:1

Alia e Pol, alia e karabus silegu tu kui menai lia a toukui tere Iesu Kristo. Alam mere Timoti, e toularara e koloto menami u pas teka i tamölö. O Pilimon, alö a hahikapien i tamulam tu kui gono meraioulam.

Hibru 13:23

Alia e hatei ragi limiou e toularara e Timoti i halakasa hakapeia tara karabus. Te la hasesei namen romana, ba nonei te la gono menou lia tegona tara merai lia limiou.