1 Timoti 6:4 - U Bulunagana U Niga

⁴ A mar katuun teka e ngil koruena a peisanen na ema atei silenei ta ka, na e ngilin ranga sisi tuun mena u ranga. A markato teka e habutena a hiomimi ba katuun te ranga homi nena a tai, bate hiahakhakats homir bate hiangenngenar.

1 Timoti 6:4 Iomraidhean Croise

Aposol 15:2

Pöata timar ranga uu katuun teka, be Pol mere Banabas e hia raharaha gono me raren. Ba u kristen e hatuol raier ere Pol mere Banabas na palair u katuun has tegi la uaien i Jerusalem mena hamatskö gono merari u aposol na pal kapan turu kristen lotu u raranga teka.

Aposol 18:15

Kaba temi ranga menamilimiou a man ranga pinopino na man solo na man lo peisa i tamilimiou, alimiou peisa tego hamatsköeiam a ka teka. Alia ema antunan hengoegi u kout turu mar ranga teka.”

Aposol 8:9

A töa katuun e kaia tara taun teka a solonen e Saimon. I manasa nonei e roron kato a matuna na hirakö. Ba u katunur i Samaria i roron asingoto koru ni a manka te katoeien. Nonei e roron pei, “Alia a katuun pan.”

U pas te koloto menai e Pol turu kristenira i Rom 12:16

Kaka haniga gono meraiam u katuun, möa tu hapanpan iam. Kaka haniga gono meraiam u katuun papala, ba tema pei mi alimiou lahas te ka memiou a niatei.

U pas te koloto menai e Pol turu kristenira i Rom 13:13

Aragi kato hamatskö, te kato uaria u katuun tara lan. Aragi ma kukutiei a markato te kato homi ria u katuun tara pati na te spak uar na te tsikolo uar na te hakats homi uar na te raharaha uar na te hiomi uar. E möa.

U pas te koloto menai e Pol turu kristenira i Rom 14:1

Alimiou go las ramuma u katuun a nihamana i taren tema pan bala nei. Kaba möa tu hia raharaha gono meraiam te ka merien u nihamana te halhalina.

U pas te koloto menai e Pol turu kristenira i Rom 2:8

Na palair u katuun e hakats peisa ner a peisaren bate tori tsuga ba ner u raranga u mana bate kukuteier a markato a omi. Na e Sunahan e raharaha ranouen bate hahuna ranen romana.

1 Korin 11:16

Te hipus nanoua ta töa ta katuun a markato teka, alia e hatei ragou limiou alam na man hun katuun has tere Kristo alam i möa ta taina ta markato tara pöata te lotu mia lam.

1 Korin 11:18

Alia u hengoin u raranga te poeiena: tara pöata te hagum hoboto mia limiou, ba limiou te kats kilkil namiou temar hun katuun uami limiou, na lia e hamana hats tabubegu u ranga teka.

1 Korin 3:18

Alimiou goma gamoemi a peisamiou. Te peiena a töa i tamilimiou nonei e atei koruna tara markatona i puta, nonei e tatei kato here nanei a peisanen a katuun a tutu, ba nonei te töan luena a niatei hamana.

1 Korin 3:3

Taraha, alimiou e ka here noahas mi u katunura i puta. Alimiou e hiomor miou na e hia o omi miou na e hiangenngena hasmiou. A markato teka e haröto nena alimiou e ka noa las mia tara markatona i puta.

2 Korin 11:20

Alimiou ema ka hamana memi ta niatei. Taraha, a pal tson teka e hakui pukpuku rariou limiou bate a angoso rariou limiou na e gul haser a moni na mamanaka i tamilimiou, na alimiou ema hapiou ramien. Nori e sigala rariou limiou bate tapaler a pole milimiou.

Galesia 5:15

Kaba te kato here rami limiou u muki bate hiakatokato homi miou, alimiou go hanei iam! Alimiou ena mots hiakatokato homi nitöamiou, ba tema hiakaka haniga mi.

Galesia 5:26

Ara gima tatei pei ara u katuun u kapan. Na ra gima tatei kato haraharahei a tabi bate hia o omira. E möa.

Galesia 6:3

Kaba limiou goma mar hakats uami teka bate poeiemiou, Alia a katuun pan na lia ema tatei hitaguhu gi. E möa. A katuun temar hakats uana teka e gamoena a peisanen bate here nei a katuun papala.

Pilipai 1:15

A palai e rarare meri e Kristo taraha nori e hiomi ria i tar bate kato haraharaha raier u katuun. Kaba palai e rarare meri e Kristo taraha nori e niga ria i tar.

Pilipai 2:14

Tara mamanaka te katoe milimiou, alimiou goma ranga homi nami a nikaka i tamilimiou, ba tema hiangenngenami.

Pilipai 2:3

Alimiou goma hakats peisa nami a peisa milimiou bate hapane men. E möa. Alimiou go hala puteiam a peisa milimiou. Bate tara herenami a tana katuun nonei te pan bala ranou limiou.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

2 Tesalonaika 2:4

A katuun teka e omie nou romana u mamana u mar lotu, ba nonei te katoe noi a peisanen a katuun te pan nena a man lotu. Ba nonei tena gum has noua iahana a Luman Lotu Pan tere Sunahan ba nonei te gamona bate poeiena nonei e Sunahan.

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.

1 Timoti 1:7

Nori u tson atei tara Lo e ngilin hihatuts ner a Lo tere Sunahan, kaba nori ema atei sileri a manka te ranga naren, noahasina te peieren u ranga i taren e manana.

1 Timoti 3:6

A kristen a tsimus ma tatei lue nei a toukui tara katunun pepeito kap turu lotu. Nonei e namots ranga sesei nena a peisanen pouts bate lueiena a nihahuna te lui e Satan.

2 Timoti 2:14

Alö go hatei lel rai u katuun a manka teka balö te ranga hatagala meramen i matana a Tsunono tegima pilits menaien u ranga. A markato teka ema taguhe nei a katuun, e kato hohomi tuun rena u katuun te hengoer u raranga teka.

2 Timoti 2:23

Na lö goma ka gono mei a katuun te ranga pinopino nena a mamanaka te tatei keitsena a raharaha bate kato homi rena u katuun.

2 Timoti 3:4

Nori e hala rariou u katuun u niga turu pakö i taren. Nori e kato homi pinopino riou batema hakats haniga naroi a markato i taren. Na nori e haka sei korueriou a peisaren. Nori e ngil korue riou a markatona i puta batema ngileri e Sunahan.

Taitus 3:9

Kaba lö go tori tsugani u mamana u mar ranga te hia ngenngena uaier u katuun. Na lö go tori tsuga hasiin a markato te hia raharaha sil menarien a man solo turu tuburen na te hia raharaha sil menarien a man Lo tere Mosis. A man markato teka ema antunan habutu töa nanei ta ka ta niga.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

2 Pita 2:12

Kaba u tson hihatuts teka e kukute laser u ngilngil i tuenreiren, te kato has uaier u poum u hie na u kori na mankana i latu ti tuhana mei a niatei peisa i peisaren tegi kukute tuun meraien u tsinaren. Nori i tuhana sil tegi pile kap meraien bate atung hamate raier. Na u tson hihatuts u gamogamo teka e ranga hohomi has naier a manka tema atei sile rien, na nori ena kato hataia has rariou. Nori e alater romana te kato hohomi merarien a palair u katuun. Bate ngil koruer tegi kukute menaien u ngilngil u omi i peisaren tara lan. Na nori e nou gono mera riou limiou tara kannou, kaba e kato homi here rari limiou a ka a korkoriana te kato homiena u hasobö. Ba nori te roron sasaala mer a markatona turu gamo i taren.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

U pas te kolotein e Jut 1:10

Kaba u katuun teka e ranga hohomi ner a mamanaka tema atei silerien. Nori e kukute laser temar ngil uana u tuenrei i taren, te kato has uaier u poum na u muki. Nori e markato las uaier teka, na markato i taren e kato homi nitöa ranen.

U pas te kolotein e Jut 1:16

U katuun teka e roron ranga homi ner a nikaka i taren bate mamala sasaalari. Nori e kukutier u ngilngil u omi i taren. Nori e ranga sesei ner a peisaren na nori e angoso raier u katuun tegi lube meraien ta ka.

Revelesin 3:17

Taraha, alimiou e pei miou, ‘Alam u katunun moni. Alam e ka mem a moni e gono batema ngil lenemi ta taina ta ka.’ Kaba alimiou ema atei silemi alimiou e heremi u katuun te möa korur ta ka. Na limiou e here hasemi a katuun te matakiouna na te belosona. Alimiou u haromana koru lasi.