1 Timoti 6:12 - U Bulunagana U Niga

¹² Tagala sil e Sunahan ba lö te hamana haniga uam i tanen. Pile hakarapotein a nitöatöa te ka nitöana. E Sunahan e ngö sile ii lö a nitöatöa teka tara pöata tu ranga hanigaia lö i matar u katuun u parpara temar hamana uamia lö i tanen.

1 Timoti 6:12 Iomraidhean Croise

2 Korin 6:7

Alam e ranga hamanam na lam e ka mem a nitagala tere Sunahan. Alam e kui mem a markato a niga na matskö tara pal matou na u raranga tere Sunahan tara pal keruka.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

Pilipai 1:30

I manasa alimiou u tareiam alia u kaia tara hiatatung te ka noahas gia lia i romana, na i romana alimiou e hengo noahas namou lia e hiatatung noa hasigu. Alimiou e söata sila namia u kamits taraha, alimiou e ka gono me moulia tara hiatatung teka.

Kolosi 3:15

Na a masalohana tere Kristo ega mammam nitöani a nitöatöa i tamilimiou. E Sunahan e ngö gögono hoboto raiou limiou tego kato menai limiou a töa a katuun bate hiakaka haniga hoboto miou. Ba limiou te haniga nitöa uamiou i tanen.

2 Tesalonaika 2:14

Tara pöata tu hatei raia lam alimiou u Bulungana u Niga, e Sunahan e ngö has raiou limiou, ba limiou te ka memiou a nikapan tere Iesu Kristo a Tsunono i tarara.

1 Timoti 1:18

O Timoti a pien i tar, alia e hale gilö u raranga u tagala teka. E matsköna turu raranga tere Sunahan te ranga sil menaien lö i manasa. U raranga teka e tatei kato hatagale noulö balö te tagala silem a Tsunono, balö tena tatei hiatatung haniga gono meramou u pakö tere Kristo.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.

1 Timoti 6:13

Alö go pile hakarapotein u raranga tere Sunahan batema kamenei tu korkoriana e antunana tena la pouts nama romana e Iesu Kristo te ranga hanigein u raranga u mana i matana e Pontias Pailat. Alö go hengo hanigei u raranga tere Sunahan, ba u katuun tema tatei ranga homi naroi lö. Alö go markato uu teka e antunana tara pöata te butu pouts nama romana e Iesu Kristo a Tsunono i tarara.

1 Timoti 6:19

Te kato uarouen teka ba nori te haputu beri a peisaren a manka man niga hamana, a man kana i Kolö te taguhu ranouen i murimuri. Ba nori te antunan lue riou a nitöatöa hamana.

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

2 Timoti 2:2

Na lö go hala hasiin u raranga tu hengoeia lö i tar i matar u katuun u para, turu katuun te hamana remölö, ba nori te tatei hatuts has raier a palai.

2 Timoti 4:7

Alia u pipiata hatagala koru, na lia u hakapa hanigei a nitataala i tar bate pile hakarapoto noahas negu u nihamana i tar.

Hibru 13:23

Alia e hatei ragi limiou e toularara e Timoti i halakasa hakapeia tara karabus. Te la hasesei namen romana, ba nonei te la gono menou lia tegona tara merai lia limiou.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

1 Pita 3:9

Alimiou goma palisemi a man markato a man omi te katoe ria tamilimiou, na limiou goma hipou has mia turu katuun te kato homi ria i tamilimiou. E nigana tego hamatana mena milimiou a nikalkalala, taraha a nikalkalala nonei a ka te rangein e Sunahan tega hala raien limiou tara pöata te ngö raien limiou.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

1 Jon 2:25

Na nonei a ka te ranga hakapein e Kristo, tego hala rien ra, nonei a nitöatöa te ka nitöana.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.