1 Timoti 5:8 - U Bulunagana U Niga

⁸ Kaba tema tara kap nanei a katuun a sungutunen, e la bala uana tara tahol na galapien i tanen, nonei e holis has nena u nihamana turu kristen na nonei e omi bala nena a katuun te hahamanana.

1 Timoti 5:8 Iomraidhean Croise

Matiu 18:17

Kaba tema ngilin hengo naneien u raranga i taren, balö te hatei rem u katunun kui turu lotu. Na tema hengo noa hase neien u raranga i taren, ba limiou te kato here namien a katuun tema tahongo neia turu lotu, tsi te lehana banena u lotu.”

Matiu 7:11

Alimiou e ka memiou a markato a omi, kaba limiou e hala noa has namiou a manka man niga tara galapien i tamilimiou. Na e Tamamilimiou i Kolö e hala has ranoui limiou a manka a man niga te singo uamia limiou i tanen.

U Bulungana u Niga tere Iesu Kristo te kolotein e Jon 15:22

Sanena lia tuma la mei batemi hatei ragien a man raranga i tar, ba nori te tatei peier, ‘Alam ema kato homi mi.’ Kaba tu la hamana ma lia batemi hatei ragien u raranga i tar, e möa tala tegi mar mous uaien.

1 Korin 6:6

Kaba limiou ena kout namiou u hahatoulana i tamilimiou bate haniga namiou tega ona menaien a tsonun ona tema kristen nei.

2 Korin 12:14

Alia e kato taatago poniegu tegona tara merai limiou, a hatopisana a pöata. Na lia ema hasösö ragoui limiou ta ka go hala namuma limiou. Alia ema ngilegi a manka i tamilimiou, alia e ngil tuun ragou limiou. A galapien ema tatei hanoueri e tsinaren na e tamaren. E möa. E tsinaren na e tamaren te hanou raier a galapien.

2 Korin 6:15

E Kristo na e Satan e tatei hiahanhanigar? E möa koru. A katuun te hamanana, na katuun te hahamanana ema tatei ka has meri u töa u hakats.

Galesia 6:10

Na man pöata te antuna rara bara te tatei taguhu raiera a pala te hamanar, bate taguhu has raiera u katuun hoboto.

2 Timoti 2:12

Te tuol hakarapoto nitöa roua ra, a ra ena tsunono gono has merouen. Kaba te holis narouen ra, ba nonei tena holis has ranou ra romana.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

2 Pita 2:1

Kaba u propet u gamogamo i butu hasia i gusur u katuun, na e kato has uanou iesana, u tson hihatuts u gamogamo e butu has ria romana i gusumilimiou. Nori e la momous merima romana u hihatuts u gamo te antunan kato homi korueiena u hakhakats turu katuun. Na nori e holis has ner romana a Tsunono te sakahis pouts raien, ba nori te taia boroboro pouts has mer romana a man markato a man omi i taren.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 3:8

“Alia e atei silegu a manka te katoe milimiou. Tara! Alia e kalata be ragulei limiou a tamana, e möa ta katuun tega antunan hapilie ien. Alia e atei silegu alimiou e ka memiou a tsi tabubun nitagala tuun, kaba limiou e kukute noa hase miou u hihatuts i tar na limiou ema holis nami a solor.