1 Timoti 5:10 - U Bulunagana U Niga

¹⁰ Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

1 Timoti 5:10 Iomraidhean Croise

Matiu 25:17

Na tara töa noahas a markato ba tson pepeito kap te lui a huol a talen moni ena luena a taina a huol a talen moni len.

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

U Bulungana u Niga tere Iesu Kristo te kolotein e Luk 7:38

Ba nonei ena tuolna i rehina e Iesu i pal mounen ba nonei e tabena me hapuluse nei a man mouna e Iesu u sulunmata i tanen. Ba nonei e hapalake nei a man mounen a hulunen, me mutsie nen, me tsue nei a man mounen u uapi u soksoka.

U Bulungana u Niga tere Iesu Kristo te kolotein e Luk 7:44

Be Iesu e habirits uana tara tahol me poeiena tere Saimon, “Alö go röto tara tahol teka. Alia e tasu guma i luma i tamölö, kaba lö ema halei mulei lia tu ramun tego galuse ii lia a mour. Kaba nonei e toböe lalei a man mour u sulunmata i tanen me hapalake neien a hulunen.

Aposol 10:22

Ba nori e poeier, “A töa tsunono tara ami, a solonen e Konilius, e tula rena moulam. Nonei a katuun a niga na nonei e hatsunono hasena e Sunahan, u Jiu hoboto e hanige ren. A töa angelo tere Sunahan e butuia i tanen me poeiena, ‘Alö gona ngöeiema e Saimon Pita ba nonei te la uanama i luma i tamölö, balö te hengo mia turu ranga i tanen.’”

Aposol 22:12

“A töa tson a solonen e Ananias e la uama i tar. Nonei a katuun te hatsunonei e Sunahan bate kukutiena a Lo i tarara, na u Jiu hoboto ti kaia i Damaskus i haniga korueien.

Aposol 6:3

Alimiou go hopö kap raiam a tohit a katuun i gusumilimiou te ka mer a solo a niga i matar u katuun, na u Namnamei u Göagono ega saputuia i taren bate ka meier a niatei a niga. Ba ra te haka raiera u katuun teka egi tara kapiin nonei a toukuin kannou teka.

Aposol 9:36

Tara taun i Jopa e kamei a tahol te hamana uu tere Iesu a solonen e Tabita, turu HaGrik nori i ngöeien e Dokas. Tara mamana pöata nonei e roron kato a markato a niga, bate taguhu has rena u katuun ti möa ta ka.

Aposol 9:39

Be Pita e takeina me la gono mera nen. Pöata tina butuien ba u katuun e las menarien tara rum iasa te kaia e Dokas. U amoaba i tuol hobotoia i rehina e Pita bate taber. Nori i haröto haseien a man hasobö te katoe e Dokas me hala raneien tara pöata te ka gono noa meraien e Dokas.

U pas te koloto menai e Pol turu kristenira i Rom 12:13

Alimiou go hala has rami a palair u kristen a manka i tamilimiou, bate lu has merami u katuun i luma i tamilimiou.

Epesis 2:10

E Sunahan e kato raira u katuun u tsimus ti hamana uu ra tere Iesu Kristo. Nonei e kato hatsimus sil raira tegi kato menaira a man markato a man niga te hopö kap mam sil raien ra.

1 Timoti 2:10

Nori gi kato nitöani a man markato a man niga. A markato teka e matsköna tara touhaliou te poeier nori e hatsunoner e Sunahan.

1 Timoti 3:2

A katunun pepeito kap turu lotu ema tatei ka menei ta ka ta omi i tanen. Nonei ga ka mei a töa puku a tahol. Na nonei ga hakats haniga bate hala puteiena u ngil i peisanen bate kato hamatsköna. Nonei ga tara sil a taina katuun bate ngö menaneien i luma i tanen. Na nonei ga atein hihatuts has.

1 Timoti 3:7

A katunun pepeito kap turu lotu ega markato uu tegi tara marei u katuun tema hamanari. Nonei e namos kurapa mena a nimatsingolo, bate tanga noa tara tanga tere Satan.

1 Timoti 5:16

Te kana a amoaba tara pala tara tahol a kristen, haka ban ba nonei te taguhe nen. A hun katuun tere Sunahan ema tatei söate nei a nitiama turu mar amoaba teka ba nori te tatei tara kap las nariou u amoaba hamana ti möa koru ta katuun tega taguhu raien.

1 Timoti 5:25

Na te kato has uana a markato a niga, e atei sil haseier, na markato a niga tema lakasa noa nei ena lakasa moto has nou i murimuri.

1 Timoti 6:18

Hateiri egi kato haniga bate katoeier a mamana markato a niga. Nori egi tatangana bate hia halhala ner a manka i taren.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

2 Timoti 2:21

Te luba nemia lö a markato a omi, ba lö te here moi a kaan hongo te ka mena a toukui pan. Alö e gogoso mou bate hahalosem a saha toukui a niga te hopö kap benoi lö a Tsunono.

2 Timoti 3:15

Tu tetenei noaia lö, alö i hatutse ii u Buku u Göagono te antunan hale noi lö a niatei temar lu pouts mera nei e Sunahan u katuun, te hamana uaren tere Iesu Kristo.

2 Timoti 3:17

Be Sunahan te hala ranoira a niatei te antunan kui haniga koru meroi a mamana toukui a niga.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Taitus 2:7

Tara mamanaka te katoe mölö, na turu hihatuts i tamölö, harötein a markato a niga balö te habulungana nem u raranga u mana na u matskö.

Taitus 3:1

Alö go hahatei kap nitöar u katuun i tamölö, nori egi hahengoia tara gamman na turu katuun pan i taren bate hahanei siler tegi kato menaien a man toukui a man niga.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 10:24

Aragi hakats sil hasir a man hahatoulana i tarara, bate taguhu raren tegi hatara menaien u ngilngil i taren bate katoeier a man toukui a man niga.

Hibru 13:2

Na limiou go ngö has merami u katunura i lehana i luma i tamilimiou. A palair u katuun i markato uu teka turu angelo, kaba nori ima atei sil raien.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 4:9

Alimiou go lu merami a palair u katuun i luma i tamilimiou, bate tarakap haniga ramen batema ranga sil ramien.

3 Jon 1:12

A mamana katuun hoboto e hanigeiena e Demitrias. Nonei a katununa turu raranga u mana. Alam e haniga hase men, na lö e atei silem u raranga i tamulam e manana.