1 Timoti 4:7 - U Bulunagana U Niga

⁷ Kaba, alö go hapolasa bani a man hahatate pinopinona i manasa, tema hanigenei e Sunahan. Alö go hahangeia a peisamölö a markato a niga tere Sunahan.

1 Timoti 4:7 Iomraidhean Croise

Aposol 24:16

Ba tara mamana pöata a torir e tagala silena tego matskö uu lia i matana e Sunahan na i matar u katuun has.”

1 Timoti 1:4

Na nori e gima tatei ngil koruei u hahatate pinopino na e gima hakoloto has nai a solo a para turu tuburen. Taraha, a manka teka e habutena a hiaraharaha. Na ema haröto nanei te markato uana e Sunahan, a man toukui i tanen e takui na turu nihamana.

1 Timoti 1:9

E hatei nena, a Lo ima haka sil rai u katuun u matskö. E möa. A Lo i haka sile ii u katuun tema kukutieri a Lo tere Sunahan, na u katuun te hipus rer u katuun te mammamir, na u katuun tema tara mareieri e Sunahan bate kato homir, na u katuun te katoeier a manka tema ngilenei e Sunahan na tema tara mareieri e Sunahan bate hakats nitöa ner a manka ni puta. A Lo i haka sile ii u katuun te puli rer u tamaren tsi u tsinaren na u katuun u hihipuli na u katuun u tsiktsikolo na pal tson na touhaliou te hiakaka gono poutsur, na u katuun te kop rer a palair u katuun bate hahol raren, na u katuun u gamogamo. Na mamanaka tema niga neia i matana e Sunahan.

1 Timoti 2:10

Nori gi kato nitöani a man markato a man niga. A markato teka e matsköna tara touhaliou te poeier nori e hatsunoner e Sunahan.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Timoti 4:8

Te kato hatagale mia lö u tuenrei, e nigana. Kaba tego kato hagogoso mei lö u namnamei i tamölö te niga balana, taraha a markato teka e taguhe noulö tara nitöatöana i puta na tara nitöatöana i Kolö has.

1 Timoti 6:11

Kaba lö o Timoti, alö a katuun tere Sunahan, ka halehana ban a manka teka. Torohanan tagala sil tego kato hamatskö uu lö bate kato haniga mia i matana e Sunahan bate hamane men. Alö go ngilir u katuun hoboto bate tuatami mia i taren na lö goma sökana has ii.

1 Timoti 6:20

O Timoti, tara kapiin a manka hoboto ti hale ii lö. Ka halehana ban u ranga pinopino tema hapane nei e Sunahan, na turu rangan raharaha turu katuun te gamor bate poeier e ka mer a niatei.

1 Timoti 6:3

A katuun te hihatuts nena u hihatuts u gamo ema tahongo neia turu hihatuts tere Iesu Kristo a Tsunono i tarara, u hihatuts u niga na u mana.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

2 Timoti 2:16

Ka halehana ban u ranga pinopino tema hapanenei e Sunahan, taraha e las halhal ba nanei a katuun e Sunahan.

2 Timoti 2:23

Na lö goma ka gono mei a katuun te ranga pinopino nena a mamanaka te tatei keitsena a raharaha bate kato homi rena u katuun.

2 Timoti 3:12

Na lia e hatei goulö, u katuun e kato homi puku rariou u katuun te pala uaier tere Iesu Kristo.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

2 Timoti 4:4

Ba nori te habirits ba ner tegi hengo menaien u raranga u mana, bate habirits siler tegi hengo menaien u ranga pinopino.

Taitus 1:14

Nori egima hengoei a man raranga a man gamo turu Jiu, na egima hengo hase ii a man raranga turu katuun ti tori tsuga hakapein u raranga u mana.

Taitus 2:12

bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Taitus 3:9

Kaba lö go tori tsugani u mamana u mar ranga te hia ngenngena uaier u katuun. Na lö go tori tsuga hasiin a markato te hia raharaha sil menarien a man solo turu tuburen na te hia raharaha sil menarien a man Lo tere Mosis. A man markato teka ema antunan habutu töa nanei ta ka ta niga.

Hibru 5:14

Kaba u hihatuts pan e ka uana turu katuun ti solon atei sil a markato a matskö, bate tatei hamoueier a ka te nigana na ka te omina.