1 Timoti 4:6 - U Bulunagana U Niga

⁶ Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

1 Timoti 4:6 Iomraidhean Croise

Matiu 13:52

Ba nonei e poeiena i taren, “U tson hihatuts hoboto tara Lo, na limiou u katunun tsitsilo has i tar tara Nipepeito tere Sunahan, alimiou e heremi a katuun terena luma te lue nama a manka a man tsimus na manka man toutounei tara makumun haputu i tanen.”

U Bulungana u Niga tere Iesu Kristo te kolotein e Luk 1:3

Na lia e ngilin koloto has menagi u raranga te hatei hamatskö nena a manka teka i tamölö. Taraha? Alia u solon torohala hatagala koruni tego atei sil menai a manka hoboto te katoe e Iesu na te butuia i tanen.

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 20:31

Na limiou go hanei haniga nitöa iam. Alimiou go hakats sileiam a ka teka: turu topisa u hiningal nitöa, tara bong na tara lan, alia uma hanöa ii tu hatuts merai limiou hoboto a man tötöa. Alia u hatuts merai limiou a nitaatagi pan.

Aposol 20:35

Tara mamana toukui i tar, alia u haröto railimiou tegi mar kui hatagala uu ra teka, bara te tatei taguhu raier u katuun u pinolasa. Aragi hakatsin u raranga te kato e Iesu a Tsunono me poeiena, ‘A nisasaala tara katuun te hala nena a manka tara tana katuun e pan bala nena a nisasaala tara katuun te luna tara tana katuun.’”

U pas te koloto menai e Pol turu kristenira i Rom 15:15

Kaba turu pas teka alia e ranga hatagala noa has negu a palaina manka tego hatakei menai u hakats i tamilimiou. Alia ema matout megi e Sunahan e hale ii lia a nitsunono tego katunun kui uu lia tere Iesu Kristo bate kui silegu u katuun tema Jiu ri. Alia e katoegu a toukui turu pris bate rarariegu u Bulungana u Niga tere Sunahan. Alia e kato silegi a ka teka u Namnamei u Göagono e tatei kato haniga rena u katuun tema Jiu ri i matana e Sunahan, be Sunahan te lu ranen.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

2 Korin 3:6

Nonei te kato hantue ranou lam ba lam te hatei la rem u katuun u rangan kits u tsimus. Ema ka uanei tara man Lo ti koloto tunini. E möa, a ka turu Namnamei tere Sunahan. A man Lo ti koloto tunini e hala nena a tou mate, kaba u Namnamei tere Sunahan te hala nena a nitöatöa.

2 Korin 6:4

Kaba, te kui be mialam e Sunahan tara mamanaka te katoe mulam, a nomi na toukui pan a parpara e butuna i tamulam na lam e roron makmakum ba has nem a manka te ngile mulam, kaba lam e hamana haniga noa hasim.

Epesis 6:21

E Tikikus nonei a hahatoulana koru i tarara tara hun katuun te hamana ria tere Iesu, na nonei a katunun kui a niga koru tara Tsunono. Nonei ena hatei ranoui limiou ime te marka uagu lia.

Pilipai 2:20

Alia u möa ta taina ta katuun tego here ii e Timoti. Nonei puku lahas a töa katuun te hakats sil koru ranou limiou temar hakats sil has meragi lia alimiou.

Pilipai 2:22

Alimiou e atei silemiou e Timoti e harötein nonei a katunun kui a niga. Alia e heregi e tamanen ba nonei te here nei a pien i tar. Alam e kui hoboto silem u Bulungana u Niga.

Pilipai 3:16

Na ragi pile hakarapotein a markato a niga ti lu hakapa mamira.

Kolosi 2:19

Nori e ka halhal baner e Kristo. Nonei u baku te hakuiena u tuenrei, te haharuei nena a hun katuun i tanen. Aragi ka hoboto talasi bate hiatagtaguhu nera tegi hamana hatagala uu ra tara pöata te haka pute ria ra a peisarara tere Kristo. Aragi mar niga susul uu te ngil uana e Sunahan.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

Kolosi 4:7

E Tikikus e toularara ena hatei ranoui limiou aha te katoe gulia. Nonei a katuun hamana te kui gono mera noulam tara Tsunono.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

1 Timoti 4:16

Tara hanigei temar ka uamölö na manka te hihatuts nemölö. Pile hakarapotein a markato teka, ba lö te taguhe mou a peisamölö na u katuun has te hengoe riou lö.

1 Timoti 6:3

A katuun te hihatuts nena u hihatuts u gamo ema tahongo neia turu hihatuts tere Iesu Kristo a Tsunono i tarara, u hihatuts u niga na u mana.

2 Timoti 1:6

Tara manka teka ba lia te hatei lele goulö, go hatakei poutsi a ka a niga te hale ii lö e Sunahan tara pöata tu hatakopeia lia a limar i tamölö.

2 Timoti 3:10

Kaba lö o Timoti, u kukutiema u hihatuts i tar, na markato i tar, na ka te kato sile gulia. Alö e atei silem temar hamana uagu lia tere Sunahan na te ngil meragi lia u katuun na te tuol hatagala uagu lia bate tuatami mera gen.

2 Timoti 4:3

Taraha, a pöata te la nama u katuun ema hengo lele roi u hihatuts u mana. Nori e kukutie riou u ngilngil peisa i taren, bate gono beroi a peisaren u tson hihatuts te hatuts raroien a manka te ngilin hengo naren.

Taitus 2:1

Kaba lö, alö go hihatutsin a saha ka te matsköna turu hihatuts u niga.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.

2 Jon 1:9

A katuun te poeiena u hihatuts tere Kristo ema antuna neia turu ngilngil i tanen bate kato silena u tana u hihatuts, e Sunahan ema ka neia tara katuun teka. Kaba a katuun te kukute nitöanena u hihatuts tere Kristo nonei e ka uana tere Tamarara na Pien Tson i tanen.

U pas te kolotein e Jut 1:5

Alimiou u atei sil hakapeiam a manka te katoi a Tsunono i manasa, kaba alia e ngilin hatei lel ragien limiou. E Sunahan e taguhir u katunur i Israel me luba rena men turu tsiktsiki i Itsip. Kaba i murinen nonei e kato hamatir u katuun ti hahamanaia i gusuren.