1 Timoti 4:4 - U Bulunagana U Niga

⁴ A mamanaka hoboto te katoe e Sunahan e nigana, ara gima höanei ta töa ta ka, aragi lu mei a mamanaka a niniganiga.

1 Timoti 4:4 Iomraidhean Croise

Aposol 10:15

Ba u raranga teka e la lel uanama i tanen a hahuoluna a pöata, “A ka te haniga nena e Sunahan tego noui lö, alö goma tatei agono naien.”

Aposol 21:25

Na alam u hala hakapa nela u pas turu katuun tema Jiu ri te hamana ria tere Iesu. U pas teka e hatei nena u haniga i tamulam tegi kato menaien a tohats puku a ka: nori egi agonein a ka te haats ba naria turu kesa, na nori egi agonein u rahatsing, na nori egi agonein a ka te kepa hamate naria i totongolonen na nori egi ma tsikolo ii.”

U pas te koloto menai e Pol turu kristenira i Rom 14:14

Alia e atei silegu na e Iesu a Tsunono e haröte ii lia a ka te markato uana teka, e möa ta ka i tanen peisa ega omi. Kaba te poeiena a katuun e omina ba ka teka te omi hasna i tanen.

U pas te koloto menai e Pol turu kristenira i Rom 14:20

Alö goma kato homiei a toukui tere Sunahan te ngilin nou mena milö a mamana kannou. E niga hasina te nou menari a mamana kannou, kaba e omina te nouena a katuun a töa ka bate kato homiena u hakats tara palair u kristen te poeier e omina.

U pas te koloto menai e Pol turu kristenira i Rom 14:6

U katuun te poeier u töa u lan e kapanina e ngilin hapan berien a Tsunono. Na u katuun te nour e nou meri a mamana kannou tega solosei mena neien a Tsunono, taraha nori e haniga has uar tara Tsunono. Na katuun te agonona e ngilin hapan hasena a Tsunono, ba nonei te haniga has uana tere Sunahan.

1 Korin 10:23

“A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun.

1 Korin 10:25

Alimiou e tatei nouemiou a haruete te hahol naria tara töana batema rangrangata namien.

1 Korin 10:26

U Buku u Göagono e poeiena, “A Tsunono te teiena a han i puta na mamanaka te kana i puta.”

1 Korin 10:30

Te haniga sile gula lia a kannou tere Sunahan, e hana ba taina katuun te poeiena, e omina te nou mena gilia a kannou te haniga sile gula lia tere Sunahan?

1 Timoti 4:3

Nori ena hapiou nariou tegi hitöl uu katuun, na e hapiou ba has raroui a palaina a kannou te habuti e Sunahan egi lu mei u katuun te hamanar na te atei siler a ka a mana, a niniganiga.