1 Timoti 4:3 - U Bulunagana U Niga

³ Nori ena hapiou nariou tegi hitöl uu katuun, na e hapiou ba has raroui a palaina a kannou te habuti e Sunahan egi lu mei u katuun te hamanar na te atei siler a ka a mana, a niniganiga.

1 Timoti 4:3 Iomraidhean Croise

Matiu 14:19

Ba nonei e ranga merena u katuun egi gum ia turu garas. Ba nonei e luena a tolima beret na huol a iena, me tara sei uana i Kolö, me haniga uana tere Sunahan. Ba nonei e posepose iena a beret me hala raneien u katunun tsitsilo, ba nori e molamola rarien u katuun.

Matiu 15:11

A ka te la uana i runguna katuun ema kato hakorkoriane nei a katuun. Kaba a ka lasi te lakasanama i runguna a katuun te kato hakorkoriane nen.”

Matiu 15:36

Ba nonei e luena a tohit a beret na matsi iena, me haniga uana tere Sunahan, me pose ranen me hala raneien u katunun tsitsilo, ba u katunun tsitsilo e molamola rarien u katuun.

U Bulungana u Niga tere Iesu Kristo te kolotein e Luk 24:30

Ba nonei e gum gono mera nen ti katsin nou uaien me luena a beret, me haniga uana tere Sunahan. Ba nonei e poseiena a beret me hala raneien.

U Bulungana u Niga tere Iesu Kristo te kolotein e Jon 6:23

A man tolaala ri Taibirias i la hasukusuku uama tara makum ti nouia a beret te haniga naia a Tsunono tere Tamanen ba u katuun e töan noue ren.

Aposol 27:35

E Pol e ranga hakapa lasi ba nonei e luena a beret me haniga uana tere Sunahan i matar u katuun hoboto. Ba nonei e posepose nen me tanian nouna.

U pas te koloto menai e Pol turu kristenira i Rom 14:17

Taraha, a Nipepeito tere Sunahan ema kannou nei na ema kaan ua nei. E möa. A Nipepeito tere Sunahan a mouna a markato a matskö i matana e Sunahan na masalohana na nisasaala te hala ranei ra u Namnamei u Göagono.

U pas te koloto menai e Pol turu kristenira i Rom 14:3

U katuun te tatei nouer a mamanaka ema tatei ranga sil rari u katuun te agonor, na u katuun tema nonou bala ri egima ranga sil has rai u katuun te nonou palar. Taraha, e Sunahan e haniga hase nen.

U pas te koloto menai e Pol turu kristenira i Rom 14:6

U katuun te poeier u töa u lan e kapanina e ngilin hapan berien a Tsunono. Na u katuun te nour e nou meri a mamana kannou tega solosei mena neien a Tsunono, taraha nori e haniga has uar tara Tsunono. Na katuun te agonona e ngilin hapan hasena a Tsunono, ba nonei te haniga has uana tere Sunahan.

1 Korin 6:13

Na palair u katuun e poeier, “A kannou e ka silena u tori, na u tori e ka silena a kannou.” U mana, kaba e Sunahan e kato hataie nou romana a kannou na u tori has. A tuenriena katuun ema ka sile nei egi tsikolein. E möa. E ka silena tego solosei menaien a Tsunono, na Tsunono e ka silena tega taguhu menaien a peisarara.

1 Korin 7:28

Kaba te hitöl moua lö, alö ema kato homi mulei. Na te hitöl noua a kukubei, nonei ema kato homi has nei. Alimiou ena la moua ta maroro a gagas turu puta teka tena hitöl moua limiou, na lia ema ngilegi tego butu uu a man nomi teka i tamilimiou.

1 Korin 8:8

A kannou ema las hasusuku mera noi ra tere Sunahan. Tema noe roira a kannou na te noe rouara a kannou ema kato haniga ranoui ra i matana e Sunahan. E möa.

Kolosi 2:16

E markato uana teka ba u katuun tema tatei katoeri ta lo tego rangein a saha ka te tatei noue milimiou na te tatei ue milimiou, na egima tatei ona has rai limiou tara man lan a man göagono iahana u hiningal na iahana tsihou na iahana u wik.

Kolosi 3:17

Na tara mamanaka hoboto te katoe milimiou na te ranga namilimiou, kato mena mi tara solo tere Iesu a Tsunono ba limiou te haniga sila mia i tanen tere Sunahan e Tamarara.

1 Timoti 2:4

Nonei e ngilin lu pouts ranoura u katuun hoboto bate atei silera a ka te manana.

1 Timoti 4:4

A mamanaka hoboto te katoe e Sunahan e nigana, ara gima höanei ta töa ta ka, aragi lu mei a mamanaka a niniganiga.

1 Timoti 5:14

Na lia e ngil taleiegu u amoaba u kukubei gi hitöl bate posaposar bate tara kap rer a galapien na mamanaka i taren, bu katuun tema ngileri e Kristo tema antunan ranga hohomi rarien.

Hibru 13:4

Alimiou hoboto ego hagöagoneiam a markatona tara hitöl bate hiahamhamana namiou a peisa milimiou. A tson na tahol egima sake lel lanai ta taina ta tahol tsi ta taina ta tson gi soho gono meien. Taraha e Sunahan e hahunei nou a tson na tahol temar kato uaier teka.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.