1 Timoti 3:16 - U Bulunagana U Niga

¹⁶ Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Timoti 3:16 Iomraidhean Croise

Matiu 13:11

Be Iesu e ranga palis ranen, “Alimiou e atei silemiou u ranga momous tara nipepeito kapanina i Kolö. Kaba nori ema ateiri.

Matiu 28:2

Ba nun a tagala e songots gasina, taraha a angelo tara Tsunono e lama i Kolö me hategele ba nena a hatu, me gumna ielunen.

Matiu 3:16

Pöata lahas te baptais hakapeien e Iesu me takei sei nama i ramun, ba u kolö e takalatana, ba nonei e tarena u Namnamei tere Sunahan e koul heremei a apena te ngöeri a kulu, memi töna tere Iesu.

Matiu 4:11

Be Satan e laba nanen. Ba u angelo e la rima memi taguheier e Iesu.

U Bulungana u Niga tere Iesu Kristo te kolotein e Mak 1:13

Ba nonei ena kana tara makum a palaka turu tohats u maloto u lan me ka gono meraiena a mamanaka a hie, be Satan e torohane nen kaba u angelo tere Sunahan i ka gono meien.

U Bulungana u Niga tere Iesu Kristo te kolotein e Mak 16:19

A Tsunono e Iesu e ranga hakapa meraien be Sunahan e lu pouts mena neien i Kolö, tena gum ien tara pal matou tere Sunahan.

U Bulungana u Niga tere Iesu Kristo te kolotein e Mak 16:5

Pöata ti tasuien tara kioun mate ba nori e tarer a töa tson a hitots te kamei u hasobö u hiakan töa e gumia tara pal matou. Ba nori e asingotor me matout korur.

U Bulungana u Niga tere Iesu Kristo te kolotein e Luk 2:32

Nonei e here noi romana u ualesala, bate haröto nena a maroro i tamölö turu katuun tema Jiu ri, na nonei e hala seie nou a solona a pala i tamölö a tei Israel.”

U Bulungana u Niga tere Iesu Kristo te kolotein e Luk 20:44

“E Devit e ngöe ii e Mesaia ‘A Tsunono.’ Gime temar hatubuna uana e Mesaia tere Devit?” Kaba e möa ta katuun tega ranga palis.

U Bulungana u Niga tere Iesu Kristo te kolotein e Luk 22:43

Ba töa angelona i Kolö e butuna i tanen me hatagale nen. Taraha? E Iesu e sagohi a nitaatagi pan koru. Ba nonei e singo hatagala koru lenina. Ba u sioung i tanen e butu here nei u rahatsing me rus uana i puta.

U Bulungana u Niga tere Iesu Kristo te kolotein e Luk 24:4

Nori i tuol ia tara kiou me hakats koru ner a ka teka, ba huol a tson e songots butur me tuol ria i rehiren, u hasobö i taren e kankanaha koru bate lilotona.

U Bulungana u Niga tere Iesu Kristo te kolotein e Luk 24:51

Pöata te kalala noa raien e Iesu, ba nonei e laba ranen ti lu sei menaien i Kolö.

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 13:3

Na e Iesu e atei sil e Tamanen e kato hapaneien tara mamanaka hoboto, na nonei e atei sil hasi nonei e lama tere Sunahan na nonei ega la pouts has uu tere Sunahan.

U Bulungana u Niga tere Iesu Kristo te kolotein e Jon 15:26

“Kaba lia ena hala na guma a katunun hihitaguhu i tamilimiou, ba nonei temi hatei nanou lia, nonei u Namnamei na tara nimana te hala na nama e Tamar.

U Bulungana u Niga tere Iesu Kristo te kolotein e Jon 16:28

Alia u la ma tere Tamar me la uaguma i puta teka. Na lia e laba negu a han i puta bate la pouts uagou tere Tamar.”

U Bulungana u Niga tere Iesu Kristo te kolotein e Jon 17:5

Bara! O Tamar, hala tale mei lia a nikapan ti gum ma lia i rehimölö, a nikapan tu ka mam mei lia i mam te butuia a han i puta.

U Bulungana u Niga tere Iesu Kristo te kolotein e Jon 20:12

Ba nonei e tarena a huol a angelo i ka mei u hasobö u hiaka nitöa, nori i gum ia tara makum te opöia u tuenrei tere Iesu, a töa e gum ia tara pala te baku uaien na tabi e gum ia tara pala te mou uaien.

U Bulungana u Niga tere Iesu Kristo te kolotein e Jon 6:62

Ga te tare moua limiou, Alia tu butun Katunuma e la pouts uagou i Kolö tu lama lia?

Aposol 1:19

U katuun hoboto i Jerusalem i hengoin a ka teka me ngöeri a makumun tsiktsiki teka i Akeldama. A solo teka e poeiena “U Tsiktsiki te kamena u Rahatsing.”

Aposol 10:34

Be Pita e tanian rangana me poeiena, “Alia e atei hamana talagu, e Sunahan ema ngil kalakala ranei u katunura i puta. E möa.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

U pas te koloto menai e Pol turu kristenira i Rom 10:12

Na ka teka e lauana turu katuun hoboto, u Jiu na u katuun tema Jiu ri. E Sunahan ema lu kaakata ranei u katuun. E möa. Nonei a Tsunono tara mamana mar katuun, na nonei e tangana nena a manka man niga i tanen turu katuun hoboto te singo uaier i tanen.

U pas te koloto menai e Pol turu kristenira i Rom 10:18

Na lia e rangata ragou limiou: a tei Israel ima hengo nai u ranga teka? E möa. Nori i hengo hakapa. Te pei hasena u Buku u Göagono: “U raranga tere Sunahan e la kalakala hoboto uu turu han i puta.”

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

U pas te koloto menai e Pol turu kristenira i Rom 16:26

Kaba i romana e butu halesalana i matar u katuun. Na u raranga ti kolotein u propet e halakasi a nimana tere Sunahan, a Sunahan te ka nitöana. E Sunahan e hakei u raranga u tagala tegi habulungana menai u raranga teka turu katuun hoboto, ba nori te tatei hamana ria i tanen bate hengo hase ren.

U pas te koloto menai e Pol turu kristenira i Rom 3:4

E möa koru! E Sunahan e ron ranga hamana nitöa lasina, noahasina te roron gamo hoboto uer u katuun. Taraha, u Buku u Göagono e mar ranga mena nei e Sunahan teka: “U raranga i tamölö e haröto nanou alö e matsköm. Te kout narouen lö ba nori te sabie riou u raranga i tamölö e matsköna.”

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

U pas te koloto menai e Pol turu kristenira i Rom 9:5

U katuun pan tere Sunahan i kaia i gusura u tuburen. Na e Kristo has e butun katuun ia turu Jiu, e Kristo te pan talana tara mamanaka. E Sunahan e tatei kato hasasaale nen tara mamana pöata. U mana.

1 Korin 15:47

A Adam tutuun i katoe ii u tsiktsikina i puta. Kaba a hahuoluna Adam, e Kristo, nonei a Tsunonona i Kolö.

1 Korin 2:7

Kaba a niatei te ranga nemu lam nonei a niatei tere Sunahan te mous i manasa. Na a niniganiga tere Sunahan e haka beraien ra i mamuna te taniaia a pöata.

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

Galesia 2:8

E Sunahan e hale ii e Pita a nitagala tego la menaien u raranga tere Sunahan turu Jiu. Na te kato has uaien i tar e Sunahan e hala hase ii lia a nitagala tego la menai lia u raranga i tanen turu katuun te halhal ria turu Jiu.

Galesia 4:4

Kaba tara pöata hamatskö te hopö kapiin e Sunahan, ba nonei e hala nenama a Pien Tson i tanen. A tahol te poseien, ba nonei e kana i kopina a Lo turu Jiu.

Epesis 1:9

E Sunahan e atei soköna, na nonei e haröto raira a ka te mous i manasa, a ka te ngilin kato meien e Kristo.

Epesis 6:19

Na limiou go singo be hase moulia, ba tara pöata te katsin ranga goua lia be Sunahan te hale noui lia u raranga, ba lia tema matout goui tego habulungana menai lia u Bulungana u Niga te mous i manasa.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

Kolosi 1:6

U Bulungana u Niga teka e kato haniga rena u katuun bate kato hasasaala ranen, bate la uana tara mamana han hoboto. Te kato has uaien i gusu milimiou tara pöata ti hengo tutuun namia limiou a nihitaguhu tere Sunahan me atei sil haniga korue men.

Kolosi 2:2

Alia e kato silegu alimiou go sasaalaiam bate hiakaka haniga hoboto miou bate hatagala hase miou u hiangilngil i tamilimiou. Na limiou go atei sil haniga haseiam a manka te hamane milimiou na ka te hamousi e Sunahan i manasa, nonei e Kristo.

2 Tesalonaika 1:10

Nonei tara pöata te la nama romana a Tsunono, ba u katuun i tanen te soloseie rouen. U katuun hoboto te hamanar e haniga korue rouen romana, na limiou has, taraha alimiou u hamaneiam u ranga i tamulam.

2 Tesalonaika 2:7

A markato te peko menari a lo e kui hamousuna i romana bate antunana tara pöata te la hatalis na e si te hatu kap nanen.

1 Timoti 3:9

Nori egi pile kap hakarapotein a mouna u nihamana batema katoeri ta ka tega hamatsingolo raien, na nori egi ka mei u hakats u gogoso.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Hibru 7:7

Ara e atei silera a katuun te panina te kalalena a katuun te teteneina.

Hibru 8:1

A ka koru a kapan te ranga nemulam e markato uana teka: e Kristo nonei a pris a tsunono pan i tarara. Nonei e gumna tara pal matou tere Tamanen i Kolö.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Pita 3:22

Na e Kristo e la hakapa uu i Kolö mena kana tara pal matou tere Sunahan. Nonei e tsunono rena u angelo na pal kapan na mamanaka hoboto te kamena a nitagala i Kolö.

1 Jon 1:2

A nitöatöa teka e butu halesalama ba lam e tare men me habulungana namen, na nitöatöa teka e ka nitöana. Nonei a nitöatöa te kagono mei e Tamarara, memi töan butu halesalana i tarara.

1 Jon 3:5

Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

Revelesin 17:5

Na i polenen i koloto naia a solo a mounen te mousuna. A solo e markato uu teka: BABILON A KAPAN, E TSINAR A TOUHALIOU U LULU TSON NE TSINANA A MAMANA A MARKATO A OMI KORUNA I PUTA.

Revelesin 17:7

Ba angelo e poeiena i tar, “Alö e asingoto koru mema ha? Alia e hatei goi lö u ranga mousmous tara tahol teka na tara ka te hosei nen, te ka mena u tohit u baku na maloto a ki.

Revelesin 7:9

I murina a ka teka alia u tari a katuun a parpara koru, e möa ta katuun tega antunan ase sabe raien. Nori i lama tara mamana han hoboto tara man hun katuun, na turu mamana u mar ranga. Nori e tuol ria i matana u gumgum u göagono tere Sunahan na i matana a Tunan Sipsip. Nori i kamei a man hasobö a man hiaka bate pile ner a man kalan kikia i limaren.