1 Timoti 3:1 - U Bulunagana U Niga

¹ U raranga u mana e poeiena, “A katuun te ngilin katoena a toukui tara katunun pepeito kap turu lotu e ngilena a toukui a niga.”

1 Timoti 3:1 Iomraidhean Croise

U Bulungana u Niga tere Iesu Kristo te kolotein e Luk 15:10

Be Iesu e poeiena, “Na lia e ranga mera goulimiou, e markato has uana iesana, u angelo tere Sunahan e sasaala koru has meriou a töa katuun a omi te palis banena a man markato a man omi i tanen.”

Aposol 1:20

Be Pita e poeiena, “I koloto has naia turu Buku u Göagono turu Buk Sam, ‘A luma i tanen e tatei opingina romana, na e möa nou ta katuun tega kaia i tanen.’ “Na u Buku u Göagono e pei hasena, ‘A tana katuun e tatei palise nen bate lueiena a toukui i tanen.’

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

U pas te koloto menai e Pol turu kristenira i Rom 11:13

Na lia e ranga gia i tamilimiou u katuun tema Jiu ri. Alia a aposol te hala mena lei e Sunahan i tamilimiou u katuun tema Jiu ri, na lia e ngil koruegu a toukui i tar.

Epesis 4:12

Nonei e kato silei a ka teka tego taguhu meraien u katuun tere Sunahan ba nori te kui beren. Na tegi kato hatagala menaien u tuenrei tere Kristo bate panina.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

1 Timoti 4:9

U raranga teka e manana, na ra hoboto gi hamaneien.

2 Timoti 2:11

U raranga teka e manana: Ti mate gono meia ra e Kristo, a ra ena töatöa gono has merouen romana.

Taitus 1:7

A katuun tere Sunahan e goma kamei ta markato ta omi i tanen, taraha, nonei e pepeito kap nena a toukui tere Sunahan. Nonei goma hihipus ii na e goma tatei raharaha boroboro has ii. Na nonei goma tatei uaua pala ii ne goma tatei hiatatung has ii na egoma pepeits ii bate ngileiena a ka a parpara.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

1 Pita 2:25

Alimiou i here rami u sipsip ti hatutui a maroro i taren. Kaba limiou i la pouts hakapa uamuma tere Sunahan te taratara kap nena u namnamei i tamilimiou.

1 Pita 4:15

Kaba, tego sagoho kamits ia lö, alö goma here ii a katuun a hihipuli, na katuun a kopkop, na katuun a herheroko, na taina katuun te kato homina.