1 Timoti 2:1 - U Bulunagana U Niga

¹ U raranga tutuun i tar e mar la uana teka, singo sil raiam u katuun hoboto, singo sileiam ta hitaguhu na limiou ego haniga be sil has ramen tere Sunahan.

1 Timoti 2:1 Iomraidhean Croise

Aposol 17:30

E Sunahan e tara hahalongolo tunir u katuun tara pöata i manasa ti tutu ien. Kaba i romana nonei e hatei renei u katuun tara man han hoboto egi hakapa korui a man markato a man omi na u hakats u omi i taren.

U pas te koloto menai e Pol turu kristenira i Rom 1:8

Alia e hatei mam ragou limiou alia e haniga uagu tere Sunahan, te singo uagu lia i tanen tara solona e Iesu Kristo. Alia e hakats ragou limiou bate haniga uagu tere Sunahan, taraha u katuun hoboto e hengo ner te hamana uami limiou.

U pas te koloto menai e Pol turu kristenira i Rom 6:17

Na limiou go haniga uaiam tere Sunahan! Taraha, i mam nen alimiou i katuun papala mia tara markato a omi. Kaba i romana alimiou e kukute miou na e hengo hanige miou u raranga u mana ti hatuts rai limiou.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

2 Korin 8:6

Ba lam e ranga hatagala mia tere Taitus tego kato noa menaien a toukui te hatanieien, te hala menari a monin hitaguhu.

Epesis 3:13

Na lia e hatei ragou limiou, alimiou goma tori tiama silemi te sagoho kamits sil mera gilia limiou. Taraha, a ka teka e haröto nena alimiou ema katuun papala mi i matana e Sunahan.

Epesis 5:20

Alimiou go haniga nitöa mia tere Sunahan e Tamarara, tara mamanaka na tara mamana pöata, ba limiou te katoe mien tara solona e Iesu Kristo a Tsunono i tarara.

Epesis 6:18

Alimiou go singo nitöa mia tara nitagala turu Namnamei tara mamana pöata te singo mia limiou tere Sunahan, ba limiou te katoemiou u mamana u mar singo. Na katuun te singona egoma tatei hanöa bana ii te singo uanen, ba nonei te singo sil has raiena u katuun hoboto tere Sunahan.

Pilipai 1:3

Mamana pöata alia e hakats ragou limiou bate haniga uagu tere Sunahan.

Pilipai 4:6

Alimiou goma hakats hapara nami ta töa ta ka. Kaba limiou go singo siliam a mamanaka, bate rangatemi e Sunahan a manka te makmakumuna i tamilimiou, ba limiou te haniga nitöa uamiou i tanen.

1 Tesalonaika 3:12

Na lam e ngil hasem a Tsunono ega kato raiou limiou balimiou te hiangilngil hatagalamiou bate ngil hatagala has ramiou u katuun hoboto, bate kato talasina. Na lam e ngil hasem alimiou go mar ngil koru merami a palair u katuun temar ngil koru has mera milam alimiou.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

1 Timoti 2:4

Nonei e ngilin lu pouts ranoura u katuun hoboto bate atei silera a ka te manana.

1 Timoti 5:5

Kaba a amoaba te möa koru ta katuun tega tara kap naien, nonei e hakena u nihamana i tanen tere Sunahan bate singo hataatagi nitöa uana i tanen tara lan na tara bong.

2 Timoti 2:24

A katunun kui tara Tsunono ema tatei hatapo neia tara hiaraharaha, kaba nonei ega tua tami ia turu katuun hoboto, bate hatuts haniga ranen.

Taitus 2:11

A niniganiga tere Sunahan e butu hakapa me hala ranei u katuun a maroro tegi taguhu meraien u katuun hoboto,

Taitus 3:2

Nori egima ranga hohomi nai a taina katuun na egima hatapoia tara man hiaraharaha. Nori egi tuatamia turu katuun hoboto bate kapiena raren.

Hibru 6:11

Na lam e ngilem alimiou a man tötöa ego markato haniga noahas uaiam teka, antunana te butu hamana noa romana a manka te hamana silemi limiou.

Jemis 5:16

E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.