1 Timoti 1:5 - U Bulunagana U Niga

⁵ Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Timoti 1:5 Iomraidhean Croise

Matiu 12:35

A katuun a niga e halakasena a manka man niga, na katuun a omi e halakasa hasena a manka man omi.

Matiu 5:8

Na u katuun a toriren te gogosona egi sasaala. E Sunahan e ngö ranoien u katunun sasaala, taraha nori ena tare roien.

Aposol 15:9

Kaba nonei ema katoe ii a tabina markato i tarara na tabina markato i taren. E möa. Nori i hamanaia i tanen, na tara markato lasi teka te luba meien a markato a omi i taren.

Aposol 23:1

Be Pol e tara hamatskö uana tara pal kapan me poeiena, “Man hatoulana, alia u ka mei u hakats u alesala nitöa i matana e Sunahan te la noa hasina i romana, a torir ema pei töe ii ‘Alö e kato homim.’ E möa.”

Aposol 24:16

Ba tara mamana pöata a torir e tagala silena tego matskö uu lia i matana e Sunahan na i matar u katuun has.”

U pas te koloto menai e Pol turu kristenira i Rom 10:4

Kaba e Kristo e hakapa a markato teka tara Lo. Na i romana u katuun hoboto te hamanar, nori te butun matskö ria i matana e Sunahan.

U pas te koloto menai e Pol turu kristenira i Rom 12:9

Alimiou go hiangilngil hamana iam ba tema gamo mi. Rama naiam a ka te omina bate pile kap namiou a ka te nigana.

U pas te koloto menai e Pol turu kristenira i Rom 14:15

Te omi silana a hahatoulana i tamölö tara ka te noue mölö, e hatei nena alö ema ngil hamane mien. Taraha, nonei e kukutiena a markato i tamölö bate kato homiena a torinen. Kaba e Kristo e mate sil hasi a hahatoulana i tamölö. Tara kap haniga talein a ka te noue mölö. Nonei e namots kukutiena a markato i tamölö bate kato homi hasena a peisanen.

U pas te koloto menai e Pol turu kristenira i Rom 9:1

Alia e ranga hamana negu a nimana tere Kristo, alia ema gamogi. U Namnamei u Göagono te kato halesalena u hakats i tar, na lia e atei gia i torir u raranga teka e manana. A mamana pöata a torir e roron taatagi koruna bate tiamana te hakats hapara sil mera gilia u katuun i tar. Alia e tatei ngil noa hasegu tego korupakö menai e Sunahan alia bate luba nanei lia e Kristo, ba u Jiu te lueier a makum i tar, tega antunan lu pouts meraien e Sunahan tara maroro teka. Nonei temar ngil hapopo mera gien lia.

1 Korin 13:1

Tego antunan ranga menai lia u ranga turu katuun na turu angelo has, ba tema ngile gi a tana katuun, u raranga i tar e here nei a ti te ling pinopinona tsi a belö pan.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

Galesia 5:22

Kaba u Namnamei tere Sunahan e roron hatakei ranoura, bate katoera a markato te hiangilngil uaier na te taguhu merari a palaier u katuun na te sasaala uaier, na te hiakaka haniga uaier, na tegima raharaha boroboro uai, na te ngil menari a tana katuun bate kato hanigeier, na markato tegi kato hamana menaira a ka te ranga nerara tsi a ka te hakats nerara.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

1 Timoti 1:18

O Timoti a pien i tar, alia e hale gilö u raranga u tagala teka. E matsköna turu raranga tere Sunahan te ranga sil menaien lö i manasa. U raranga teka e tatei kato hatagale noulö balö te tagala silem a Tsunono, balö tena tatei hiatatung haniga gono meramou u pakö tere Kristo.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

1 Timoti 3:9

Nori egi pile kap hakarapotein a mouna u nihamana batema katoeri ta ka tega hamatsingolo raien, na nori egi ka mei u hakats u gogoso.

2 Timoti 1:3

Alia e haniga uagu tere Sunahan te solosei mena gilia u hakats u gogoso ti markato has uu tubur i manasa. Na lia e haniga uagu i tanen tara lan na bong te singo sil menagi lia alö.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

2 Timoti 2:22

Alö go tori tsugani a mamanaka te habutena u ngilngil u omi te roron kamer u hitots, ba lö te tagala silem a markato te hamana uaria tere Sunahan bate matskö has mia i matanen. Alö go ngil noa hasir u katuun bate ka haniga gono mera men. Alia e hala menagi u raranga teka i tamölö na turu katuun hoboto a toriren te gogosona, bate singo siler a Tsunono ega taguhu raien.

Taitus 1:15

Turu katuun te kato hagöagono ria i matana e Sunahan, a mamanaka i taren e göagono hasina. Kaba, turu katuun u omi te hahamanar, e möa ta töa ta ka i taren tega nigaia i matana e Sunahan, taraha, a toriren na u hakats i taren ema göagono has nei.

Hibru 10:22

Aragi la hasukusuku tala uu tere Sunahan. Na ragi hakats hamanaia i torirara bate hamana hatagalara. Na torirara ega gogoso bate moana ta man markato ta man omi tegi hasagohi ra, na tuenreirara i galuseia turu ramun u gogoso koru.

Hibru 13:18

Singo be ramu moulam tere Sunahan. Taraha, alam e hasagohem a torimulam e gogosona i matana e Sunahan, na lam e ngilin kato hanigantöa nem a mamanaka.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Jemis 4:8

La hasukusuku uaiam tere Sunahan, ba nonei te la hasukusuku has uanama i tamilimiou. Kato hagogoso poutseiam a peisa milimiou, alimiou tu kato homi iam. Kato haniga poutseiam a torimilimiou, alimiou te hula hakatsmiou.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

1 Pita 3:16

Na limiou go kato hanigaiam ba torimilimiou tema tatei kout ranoui limiou. Ba u katuun te ranga homi ner a man markato a man niga i tamilimiou, te kukute mena milimiou e Kristo, te tatei matsingolo mer romana a man raranga a man omi i taren.

1 Pita 3:21

U uolo e haharuei nena a tou baptais i tarara. U uolo e taguhir a pala tere Noa, na tou baptais e taguhu has ranou ra. E ma ka sile nei tega galus ba menaien u korkoriana turu tuenrei tuun i tarara. E möa. A tou baptais i tarara e mar mouna uana teka, e hateie nei e Sunahan a torirara ema kout raneira. Ara e tatei markato uara teka, taraha e Sunahan e hatakei poutsi e Iesu Kristo tara tou mate.

1 Pita 4:8

A ka te pan bala koruna tara mamanaka, alimiou go hiangilngil hatagalaiam, taraha u ngilngil nonei te kato hataie nou a mamana a markato a omi.

1 Jon 3:10

A ka teka e haröto nena a katuun te pien uana tere Sunahan na katuun te pala uana tere Satan: a katuun tema kato haniga nei ema pien uanei tere Sunahan. Na katuun tema ngile nei a hahatoulana i tanen ema pala has uanei tere Sunahan.

1 Jon 3:23

Na u raranga tere Sunahan teka: aragi hamanaia tere Iesu Kristo a Pien Tson i tanen ba ra te hiangilngilira, nonei teka u raranga tere Sunahan.

1 Jon 3:3

U katuun hoboto te hahanei siler e Kristo bate sasaalar, nori e markato hagogoso has uaier temar gogoso has uana e Kristo.