1 Timoti 1:18 - U Bulunagana U Niga

¹⁸ O Timoti a pien i tar, alia e hale gilö u raranga u tagala teka. E matsköna turu raranga tere Sunahan te ranga sil menaien lö i manasa. U raranga teka e tatei kato hatagale noulö balö te tagala silem a Tsunono, balö tena tatei hiatatung haniga gono meramou u pakö tere Kristo.

1 Timoti 1:18 Iomraidhean Croise

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

1 Korin 9:7

A soldia e hol poutseiena a peisanen te kato mena neien a toukui tara soldia? E möa koru. Na limiou ema tatei ranga has uami teka tara katuun te lebei a kuin grep, “Alö ema tatei nouemi u grep i tamölö.” E möa. Na katunun pepeito kap turu sipsip na u meme e tatei lu hasna tara man sus i taren.

Pilipai 2:22

Alimiou e atei silemiou e Timoti e harötein nonei a katunun kui a niga. Alia e heregi e tamanen ba nonei te here nei a pien i tar. Alam e kui hoboto silem u Bulungana u Niga.

1 Timoti 1:2

Alia e koloto menagi u pas teka i tamölö, O Timoti! Alö e heremi a pien hamana koru i tar te hamana hoboto uarara tara Tsunono. E Sunahan e Tamarara na e Iesu Kristo a Tsunono, e tatei hale rilö a niniganiga na nitaatagi na masalohana.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.

1 Timoti 4:4

A mamanaka hoboto te katoe e Sunahan e nigana, ara gima höanei ta töa ta ka, aragi lu mei a mamanaka a niniganiga.

1 Timoti 6:20

O Timoti, tara kapiin a manka hoboto ti hale ii lö. Ka halehana ban u ranga pinopino tema hapane nei e Sunahan, na turu rangan raharaha turu katuun te gamor bate poeier e ka mer a niatei.

2 Timoti 1:2

Alia e koloto lel uagu i tamölö, o Timoti. Alö a pien koru i tar. E Sunahan e Tamarara na e Iesu Kristo a Tsunono i tarara e tatei taguhe rioulö bate taatagi has nariou lö bate hala hase roilö a masalohana.

2 Timoti 4:7

Alia u pipiata hatagala koru, na lia u hakapa hanigei a nitataala i tar bate pile hakarapoto noahas negu u nihamana i tar.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Pilimon 1:10

Alia e harangata silegu a pien i tar e Onesimus te hatamana negulia te karabus gia lia, taraha alia u taguheien tego hamana uaien tere Kristo na nonei e here talenei a pien i tar.