1 Timoti 1:15 - U Bulunagana U Niga

¹⁵ U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

1 Timoti 1:15 Iomraidhean Croise

Matiu 1:21

Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 18:11

Taraha, Alia u butun katuun silema tegomi lu pouts merai u katuun hoboto ti taia.

Matiu 9:13

Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”

U Bulungana u Niga tere Iesu Kristo te kolotein e Mak 2:17

E Iesu e hengo ti rangata uaien ba nonei e poeiena, “U katuun tema ka meri ta siki ema antunan la uari tara dokta. E möa. U katuun lasi te ka mer a siki te la uaier tere dokta. Alia uma la sile mei tegomi ngö merai u katuun u niga. E möa. Alia u la silema tegomi ngö merai u katuun u omi.”

U Bulungana u Niga tere Iesu Kristo te kolotein e Luk 15:2

Ba u Parasi na u tson hihatuts tara Lo e ranga haraharaha ner e Iesu me poeier, “A katuun teka e kapiena rena u katuun u omi na e nou gono has mera nen!”

U Bulungana u Niga tere Iesu Kristo te kolotein e Luk 19:10

Na lia tu butun Katunuma u la silema tegomi sake merai u katuun ti taia bate lu pouts ragen.”

U Bulungana u Niga tere Iesu Kristo te kolotein e Luk 5:32

Alia u ma la sile mei tegomi ngö merai u katuun u matskö. E möa. Alia u la silema tegomi ngö merai u katuun u omi bate habirits hamatsköer a toriren.”

U Bulungana u Niga tere Iesu Kristo te kolotein e Jon 1:12

Kaba turu katuun ti lu menaien i taren na ti hamana korueien, nonei e hala raien a nitsunono tegi pien uaien tere Sunahan.

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

U Bulungana u Niga tere Iesu Kristo te kolotein e Jon 12:47

Te hengo papalena a katuun u ranga i tar batema kukutie neien, alia ema tatei one gien. Taraha, alia u la silema tegomi lu pouts merai u katuun i puta. Alia uma la sile mei tegomi ona meraien lia. E möa.

U Bulungana u Niga tere Iesu Kristo te kolotein e Jon 3:36

A katuun te hamanena nonei a Pien tere Sunahan e ka mena a nitöatöa te ka nitöana. Na katuun te hahamanana na tema hengoe neien, nonei ema tatei lue nei a nitöatöa hamana, na raharaha tere Sunahan e ka nitöana i tanen.

Aposol 11:1

Tara pöata teka u aposol na u kristen ti kaia i Judia i hengoen u raranga te pei u katuun tema Jiu ri i lu hakapi u raranga tere Sunahan me hanige ren.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 3:26

Be Sunahan e hopö kap nena a katunun kui i tanen e Iesu, me hala mam mena meien i tamilimiou tega kalala meraien limiou. Nonei e ngilin habirits ba ranei limiou a man markato a man omi i tamilimiou.”

U pas te koloto menai e Pol turu kristenira i Rom 11:14

Alia e kato silegu tegi hiomi uu katuun i tar, bate habirits pouts menari u hakats i taren tere Sunahan be Sunahan te lu pouts ranou a palai i taren.

U pas te koloto menai e Pol turu kristenira i Rom 5:6

A pöata tima ka noa meira ta nitagala tegi taguhu meira a peisarara, be Iesu e mate sil ranoura u katuun u omi, terena pöata noahas e Sunahan te hopö kap mamin.

1 Korin 15:9

Alia e ka puta koru gia turu aposol hoboton töa. Ema antunanei tegi ngö menai lia a aposol, taraha alia u kato homir u katuun tere Sunahan.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

1 Timoti 1:13

Noahasina ti roron ranga hohomi sil menaien lia i manasa na tu kato hohomi menai lia u katuun i tanen. E Sunahan e taatagi naiou lia, taraha alia u hahamana naien batema atei silegi a ka ti kati lia.

1 Timoti 1:19

Alö go pile hakarapotein u nihamana i tamölö balö te atei silem alö u möa ta ka ta omi i tamölö. A palair u katuun e atei siler a ka te omina, kaba nori e kato noahaseren bate kato homi taleier u nihamana i taren.

1 Timoti 3:1

U raranga u mana e poeiena, “A katuun te ngilin katoena a toukui tara katunun pepeito kap turu lotu e ngilena a toukui a niga.”

1 Timoti 4:9

U raranga teka e manana, na ra hoboto gi hamaneien.

1 Timoti 6:13

Alö go pile hakarapotein u raranga tere Sunahan batema kamenei tu korkoriana e antunana tena la pouts nama romana e Iesu Kristo te ranga hanigein u raranga u mana i matana e Pontias Pailat. Alö go hengo hanigei u raranga tere Sunahan, ba u katuun tema tatei ranga homi naroi lö. Alö go markato uu teka e antunana tara pöata te butu pouts nama romana e Iesu Kristo a Tsunono i tarara.

2 Timoti 2:11

U raranga teka e manana: Ti mate gono meia ra e Kristo, a ra ena töatöa gono has merouen romana.

Taitus 3:8

U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

1 Jon 3:5

Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.

1 Jon 3:8

A katuun te kato homi nitöana nonei a pien tere Satan, taraha e Satan e solon kato homi i mam noahas batemi antunana i romana. Na a Pien Tson tere Sunahan e butu silema tegomi kato hatia menaien a toukui tere Satan.

1 Jon 5:11

Na nonei a ka teka te hatei raneira e Sunahan: e Sunahan e hala raira a nitöatöa te ka nitöana, na nitöatöa teka e kana tara Pien Tson i tanen.

Revelesin 21:5

Be Sunahan te gum ia turu gumgum u göagono e poeiena, “Alia e kato hatsimusegu a mamanaka.” Ba nonei e pei hasena i tar, “Alö go kolotein a manka teka. U ranga teka e manana na egi hamani.”

Revelesin 22:6

Ba angelo e poeiena i tar, “U ranga teka e manana na egi hamani. Na Tsunono e Sunahan te hatakeiena u namnamei turu propet te haleiema a angelo i tanen gomi hatara meraien u katunun kui i tanen aha te sukusukun butuna.”

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.