1 Pita 2:2 - U Bulunagana U Niga

² Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.

1 Pita 2:2 Iomraidhean Croise

Matiu 19:14

Be Iesu e poeiena, “Haka baraiam a galapien gi la uama i tar, ma hapiou rami, taraha a Nipepeito tere Sunahan e ka uana turu mar katuun teka.”

U Bulungana u Niga tere Iesu Kristo te kolotein e Mak 10:15

Alia e hatei hamana koru ragou limiou, a katuun tema hengo hanige nei u raranga tere Sunahan temar hengo uana a pien, a katuun teka ema antunan tasu nei tara Nipepeito tere Sunahan.”

U Bulungana u Niga tere Iesu Kristo te kolotein e Luk 18:17

Alia e hatei hamana ragou limiou, a katuun tema hengo hanige nei u raranga tere Sunahan temar hengo haniga uana a pien, nonei ema antunan tasu noi tara Nipepeito tere Sunahan.”

U pas te koloto menai e Pol turu kristenira i Rom 6:4

na te baptais ria ra e here hasenei ara i mate gono mei e Kristo bate kaho gono has merien. Na tara nitagala tere Tamanen nonei e takei pouts ia tara tou mate i tanen. Na ra has egi takei gono meien bate tataala gono meren tara nitöatöa a tsimus.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

Epesis 2:21

E Sunahan e gono hoboto meranei u katuun i tanen tere Kristo, na ra e here rei a luman lotu a göagono te hatakei bera ii ra e Sunahan.

Epesis 4:15

Aragi hiangilngil bate ranga nera a ka te manana. E kato uana teka ba ra te pan susul rou bate here roi e Kristo, a kapan turu katuun i tanen. Nonei e here nei u baku te hakuiena u tuenrei hoboto.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

1 Pita 1:23

Alimiou u butu hatsimus hakapaiam, here nei temar posa menari a pien. Kaba a nitöatöa a tsimus i tamilimiou ema tuhanaia tara katuun tuun te antunan mate nitöana. E möa. Alimiou u tuhana meiam u raranga tere Sunahan te mana nitöana na tema antunan kapa nei.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita