1 Pita 2:1 - U Bulunagana U Niga

¹ Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.

1 Pita 2:1 Iomraidhean Croise

Matiu 15:7

Alimiou u katuun u gamogamo! E propet Aisaia e ranga hamana koruia tara markato i tamilimiou, me poeiena, ‘U katuun teka e hatsunono tune ria lia turu ranga tuun i taren, kaba i toriren na turu hakhakats i taren e ka halehana ba koru nariou lia.

Matiu 23:28

Nonei noahas tara markato teka. Ba u katuun te tarer a peisa milimiou bate poeier alimiou u katuun u matskö. Kaba i iogana i tamilimiou e saputu mena a markato turu gamo na mamana markato a omi.”

Matiu 24:51

Ba katuun pan te hahune noen, ba nonei tena haka gono mera neien u katuun u gamogamo. Tara makum tena tabe hohomi rouen bate kutu hakarkarangaker a liho ren.”

Matiu 7:5

Alö a katuun a gamogamo, alö go luba mamin a makumun palang i matamölö pouts, ba lö te töan tara haniga mou bate luba nem a tsi köahu i matana e toulamölö.

U Bulungana u Niga tere Iesu Kristo te kolotein e Mak 12:15

Aragi hol a takis tsi ara gima holeien?” Kaba e Iesu e atei sil u gamo i taren me poeiena, “Taraha ba limiou te katsin torohane mou lia? Hale mume lia ta denarius moni ba lia te taragu.”

U Bulungana u Niga tere Iesu Kristo te kolotein e Luk 11:44

A nomi pan e hahaloso ranou limiou. Alimiou e heremi a man kioun mate tema tareri u katuun. Bate tataala ria ielunen, kaba ema atei sileri a ka a omi e kana iogana.”

U Bulungana u Niga tere Iesu Kristo te kolotein e Luk 12:1

Tara pöata ti gono hobotoia u katuun u para koru, ba palai e töeier a mour a palai. Be Iesu e ranga mam na turu katunun tsitsilo i tanen me poeiena, “Alimiou go hanei sileiam u is turu Parasi, nonei a man gamo i taren.

U Bulungana u Niga tere Iesu Kristo te kolotein e Luk 6:42

Aha te pei mölö tere toulamölö, ‘Alia ego luban a tsi köahu i matamölö’ ba lö tema taremi a makumun ruei i matamölö pouts? Alö a gamogamo! Luba mam bin a makumun ruei te kana i matamölö, ba lö te tara haniga mou bate töan luba nem a tsi köahu i matana e toulamölö.”

U Bulungana u Niga tere Iesu Kristo te kolotein e Jon 1:47

Pöata te tara raien e Iesu ba nonei e ranga nena e Nataniel me poeiena, “A toun Israel hamana te la nama teka. Nonei ema tatei gamogamo nei.”

U pas te koloto menai e Pol turu kristenira i Rom 1:29

Ba nori e saputu mer a mamana a markato a omi: nori u katuun u gulgulka, na u hihiomi bate tori homi ner a taina katuun bate hiatungur bate hipölir. Na te gamo uaren bate hakats homir bate tuts sil has raier a palair u katuun.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

1 Korin 5:8

Na ragi ban a man markato a man omina i manasa ba torirara te gogosona bara te ranga nera u mana.

2 Korin 12:20

Taraha, alia e matoutegu tena la pouts guma lia romana, alia ema ngile goi a manka tena tare goulia na limiou ema ngil hase moi tena mar ranga ua goulia. Alia e matoutegu alia e na sabie gou te hia o omi uamiou limiou bate hia raharaha miou bate hakats peisa namiou a peisamiou. Alimiou e namos ranga hohomi silemou a palai bate tuts sil ramen, bate ranga hangisei namiou a peisa milimiou bate kato hatutu has miou.

Epesis 4:31

Alimiou go ba neiam u mar hakats te ka nitöa menami limiou a raharaha. Na limiou goma si koru has mi. Na ego möa lel has ta hiaraharaha na ta hiangenngena na tu hamal. Alimiou go hakapeiam u mamana u mar hakats u omi tara tana katuun.

1 Tesalonaika 2:3

Alam ema katoemi u ranga te katoeier u katuun u omi na u gamogamo. E möa. Na lam ema hakats homi mi nema gamo has rami u katuun. E möa.

1 Timoti 3:11

A touhaliou has i taren egi kato haniga batema katoeri tu ranga te poeiena a tana katuun e kato homina. Nori e tatei hakats hanigar bate pakokeier a mamanaka te katoe ren.

Taitus 2:3

Na lö go hatuts hasir u toböana egi kukute a markato a niga tere Sunahan bate kato hanigar. Ba nori tema tatei ranga hohomi nari a tai, na u ngilngilina tara tou ua egoma tatei kits kap raien. Ba nori te hatuts rari a palai a man markato a man niga,

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

Jemis 3:14

Kaba te tori homi koru na mialimiou a taina katuun ba limiou te hakats nemiou a peisa milimiou peisa, alimiou e gamo ramiou u katuun bate poeiemiou, “Alia a katuun a niga na lia e hakats hanigagu.”

Jemis 4:11

A matsi hahatoulana, alimiou goma hiararanga homi mi. A katuun te ranga homi nena e toulanen e ranga homi has nena a Lo tere Sunahan. Na katuun te oneiena e toulanen bate pita pute nen e pita puta hasena a Lo. Kaba limiou go kukute hanigeiam a Lo. Nonei a toukui i tamilimiou. Alimiou goma peiemi a Lo e omina tsi e nigana.

Jemis 4:5

U raranga tere Sunahan ema ranga papala nei te pei mena neien, “U namnamei te hakeia e Sunahan iaharara e ka mena u ngil u tagala, u ngil te kamena a hiomi pan koru.”

Jemis 5:9

A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

1 Pita 2:22

“Nonei ema katoe ii ta markato ta omi. Na e möa tu töa tu gamo tega butuma i rungnen.”

1 Pita 3:10

U Buku u Göagono e mar ranga uana teka: “A katuun te ngil koruena a nitöatöa bate ngilin ka mena a nitöatöa a niga, a katuun teka ega matatei ranga homii. Na nonei ega hanöan rangein a man raranga a man gamo.

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.

1 Pita 4:4

Ba pala te hahamanar e asingoto koru ner tema kato lel gono mera mien limiou a man markato a man omi pinopino teka, ba nori te ranga hohomi rariou limiou.

Revelesin 14:5

Nori ima gamogamo ii, na e möa ta ka ta omi i taren.